Wp/tdd/ᥙᥧᥐ ᥗᥣᥳ ᥔᥣᥱ ᥔᥢᥱ ᥘᥣᥱ

"ᥙᥧᥐ ᥗᥣᥳ" ᥟᥢ ᥝᥣ ᥘᥭᥳ ᥙᥩᥒᥱ ᥝᥣ"ᥐᥨᥝᥳ ᥘᥧᥐ ᥖᥪᥢᥱ ᥛᥣᥰ" ᥟᥛᥱ ᥘᥢᥴ"ᥐᥨᥝᥳ ᥟᥢ ᥘᥭᥲ ᥕᥣᥢᥱ ᥞᥧᥳ ᥞᥢᥴ" ᥘᥭᥴ ᥕᥝᥳ။ ᥐᥨᥝᥳ ᥚᥧᥱ ᥟᥢ ᥖᥤᥴ ᥛᥣᥰ ᥙᥥᥢ ᥙᥧᥐ ᥗᥣᥳ ᥓᥝᥲ ᥘᥢᥳ ᥐᥫᥖᥱ ᥛᥣᥰ ᥛᥫ ᥙᥤᥱ ᥓᥤᥱ 623၊ᥛᥣᥱ ᥞᥣᥱ ᥔᥐᥳ ᥐᥣ ᥘᥣᥖᥳ 103 ᥝᥢᥰ ᥘᥫᥢ 6 ᥛᥨᥢᥰ ᥕᥝᥳ။ ᥑᥫᥰ ᥞᥫᥢᥰ ᥓᥝᥲ ᥙᥥᥢ ᥐᥨᥝᥰ ᥖᥛᥱ ᥛᥣᥳ ᥔᥥᥴ ᥓᥪ ᥛᥫ ᥘᥥᥐ ᥞᥩᥒᥳ ᥝᥣ"ᥔᥤᥖ ᥗᥖ ᥗᥣᥳ"ᥘᥭᥴ ᥔᥥᥴ ᥛᥤᥰ ᥖᥤ ᥙᥩᥒᥱ ᥝᥣ ᥞᥥᥖᥱ ᥞᥬᥲ ᥐᥣᥒ ᥓᥬ ᥚᥤᥴ ᥔᥣᥒᥴ ᥔᥖᥴ ᥐᥨᥢᥰ ᥖᥥᥛ ᥗᥨᥢᥲ ᥘᥭᥴ ᥕᥝᥳ။ ᥓᥝᥲ ᥑᥧᥢᥴ ᥓᥣᥭᥰ ᥔᥤᥖ ᥗᥖ ᥗᥣᥳ (ᥓᥝᥲ ᥔᥤᥱ ᥗᥣᥖ)ᥘᥭᥳ ᥙᥥᥢ ᥑᥫᥰ ᥔᥖ (Shakya ᥔᥣᥱ ᥐᥤᥱ ᥕᥣᥳ)ᥔᥥᥴ ᥙᥥᥢ ᥐᥨᥢᥰ ᥓᥢᥳ ᥔᥧᥒᥴ ᥕᥝᥳ။ ᥙᥨᥝ ᥛᥢᥰ ᥓᥝᥲ ᥓᥪ ᥝᥣ ᥓᥝᥲ ᥞᥨᥝᥴ ᥑᥛᥰ ᥔᥧᥖᥳ ᥗᥨᥝᥰ ᥖᥢ (ᥔᥧᥖ ᥗᥨᥝ ᥖᥢ)ᥔᥥᥴ ᥙᥥᥢ ᥓᥝᥲ ᥐᥩᥢᥰ ᥓᥪᥒ ᥛᥫᥒᥰ ᥐᥙ ᥙᥤ ᥘᥣᥳ ᥝᥣᥖ ᥗᥧᥳ (Kapilavastu) ᥛᥥ ᥓᥝᥲ ᥙᥥᥢ ᥘᥣᥒᥰ ᥔᥤᥱ ᥘᥤᥳ ᥛᥣᥱ ᥞᥣᥱ ᥛᥣᥱ ᥕᥣᥱ ᥙᥥᥢ ᥑᥫᥰ ᥐᥨᥝᥰ ᥘᥤᥳ ᥕᥣᥳ ᥕᥝᥳ။ ᥘᥣᥒᥰ ᥔᥤᥱ ᥘᥤᥳ ᥛᥣᥱ ᥞᥣᥱ ᥛᥣᥱ ᥕᥣᥱ ᥐᥣᥱ ᥐᥫᥖᥱ ᥞᥢᥴ ᥘᥣᥲ ᥑᥧᥢᥴ ᥓᥣᥭᥰ ᥔᥤᥱ ᥗᥣᥖ ᥖᥛ ᥖᥤ ᥔᥨᥢᥴ ᥙᥝᥰ ᥘᥧᥛᥱ ᥙᥢᥱ ᥢᥤᥱ ᥖᥬᥲ ᥖᥨᥢᥲ ᥙᥝᥰ ᥖᥨᥢᥲ ᥘᥫᥒ ᥘᥢᥳ ᥕᥝᥳ။ ᥔᥨᥢᥴ ᥙᥝᥰ ᥘᥢᥳ ᥕᥣᥛᥰ ᥘᥥᥝ ᥛᥤᥰ ᥝᥭᥳ ᥖᥛ ᥖᥤ ᥘᥬᥰ ᥛᥫᥒᥰ ᥢᥤᥱ ᥙᥨᥝᥰ။

ᥚᥣᥱ ᥔᥣᥱ ᥖᥤ ᥐᥫᥰ ᥕᥛ ᥘᥨᥒᥴ ᥘᥬᥰ ᥐᥛᥱ ᥚᥣᥱ ᥘᥭᥳ ᥗᥥᥱ ᥘᥣᥳ ᥝᥣᥱ ᥖᥣᥳ ᥔᥣᥱ ᥔᥢᥱ ᥘᥣᥱ ᥙᥧᥐ ᥗᥣᥳ ᥘᥭᥳ ᥙᥥᥢ ᥚᥣᥱ ᥔᥣᥱ ᥟᥢ ᥓᥝᥳ ᥘᥫᥴ ᥔᥥᥴ ᥙᥫᥢ ᥟᥢ ᥘᥫᥒ ᥘᥬᥰ ᥐᥛᥱ ᥚᥣᥱ ᥘᥭᥳ ᥞᥨᥝᥴ ᥐᥨᥢᥰ ᥛᥤᥰ ᥕᥧᥱ (7000) ᥘᥣᥢᥳ ᥘᥫᥴ ᥔᥥᥴ ᥐᥨᥢᥰ ᥙᥧᥐᥳ ᥘᥭᥳ ᥞᥨᥝᥴ ᥐᥨᥢᥰ ᥛᥤᥰ ᥕᥧᥱ (487) ᥘᥣᥢᥳ။ ᥘᥬᥰ ᥘᥢᥳ ᥐᥨᥢᥰ ᥛᥫᥒᥰ ᥑᥥᥱ ᥘᥭᥳ ᥔᥥᥢᥲ ᥞᥨᥝᥴ ᥐᥨᥢᥰ ᥑᥝᥴ ᥛᥤᥰ ᥕᥧᥱ (1400) ᥘᥣᥢᥳ ᥘᥦᥲ ᥘᥛᥴ ᥘᥫᥴ ᥔᥥᥴ ᥙᥫᥢ ᥖᥒᥰ ᥐᥛᥱ ᥚᥣᥱ။^[1] ᥐᥨᥢᥰ ᥛᥫᥒᥰ ᥑᥥᥱ ᥟᥢ ᥕᥧᥛᥱ ᥕᥛ ᥙᥧᥐ ᥗᥣᥳ ᥓᥝᥲ ᥛᥤᥰ ᥕᥧᥱ (102)ᥘᥣᥢᥳ ᥘᥫᥴ ᥔᥥᥴ ᥑᥝᥴ ᥘᥙᥳ ᥕᥛ ᥔᥣᥱ ᥔᥢᥱ ᥘᥣᥱ ᥙᥧᥐ ᥗᥣᥳ ᥛᥣᥱ ᥞᥣᥱ ᥕᥣᥱ ᥘᥣᥳ။^[2]^[3] ᥐᥩᥙ ᥘᥭᥴ ᥔᥒᥴ ᥝᥣ ᥟᥝ ᥔᥣᥱ ᥔᥢᥱ ᥘᥣᥱ ᥙᥧᥐ ᥗᥣᥳ ᥓᥤᥢᥱ၊ ᥛᥣᥱ ᥞᥣᥱ ᥕᥣᥱ ᥘᥣᥳ ᥘᥦᥲ ᥗᥥᥱ ᥘᥣᥳ ᥝᥣᥱ ᥖᥣᥳ ᥛᥣᥰ ᥞᥨᥛ ᥐᥢ ᥓᥪᥒ ᥐᥨᥢᥰ ᥟᥢ ᥘᥙᥳ ᥕᥛ ᥙᥧᥐ ᥗᥣᥳ ᥓᥝᥲ ᥛᥤᥰ ᥕᥧᥱ ᥘᥣᥢᥳ ᥙᥩᥒᥰ 487 ᥘᥫᥴ ᥔᥥᥴ ᥘᥩᥒ ᥐᥫᥰ ᥕᥛ ᥘᥛᥴ ᥘᥬᥰ ᥐᥛᥱ ᥚᥣᥱ ᥘᥭᥳ ᥙᥥᥢ ᥛᥣᥭᥴ ᥔᥤᥱ။ ᥙᥥᥢ ᥚᥣᥱ ᥔᥣᥱ ᥟᥢ ᥕᥬᥱ ᥘᥨᥒᥴ ᥟᥢ ᥚᥥᥴ ᥖᥫᥢᥰ ᥚᥬᥰ ᥚᥣᥭᥴ ᥟᥢ ᥘᥫᥒ။ ^[4] ᥐᥨᥢᥰ ᥞᥤᥢᥱ ᥖᥧᥱ ᥟᥢ ᥛᥤᥰ ᥝᥭᥳ ᥕᥧᥱ 1,083,800,356 (1000) ᥘᥣᥢᥳ ᥘᥫᥴ ᥘᥢᥳ ᥐᥩᥲ ᥟᥩᥢ ᥐᥢ ᥘᥙᥳ ᥕᥛ ᥚᥣᥰ ᥘᥣᥰ ᥐᥩᥲ ᥖᥛᥱ ᥛᥣᥳ ᥕᥧᥱ။ ᥑᥝᥴ ᥕᥧᥛᥱ ᥕᥛ ᥝᥣᥰ ᥚᥣᥰ ᥘᥣᥰ ᥐᥨᥝᥰ ᥖᥛᥱ ᥛᥣᥳ ᥘᥭᥳ ᥙᥥᥢ ᥚᥣᥰ ᥘᥣᥰ ᥝᥤᥳ ᥔᥣ ᥘᥧᥳ ᥛᥣᥭᥴ ᥐᥝᥲ ᥑᥝᥴ ᥘᥭᥴ ᥔᥥᥴ ᥑᥝᥴ ᥞᥙ ᥟᥝ ᥑᥨᥝᥲ ᥔᥒᥱ ᥔᥩᥢᥴ ᥙᥧᥐ ᥗᥣᥳ ᥓᥝᥲ ᥕᥧᥱ။ ᥐᥩᥭᥰ ᥐᥣ ᥑᥝᥴ ᥟᥛᥱ ᥕᥧᥛᥱ ᥕᥛ ᥔᥪ ᥘᥣᥲ ᥖᥢᥰ ᥖᥣ။)^[5] ᥔᥣᥱ ᥔᥢᥱ ᥘᥣᥱ ᥙᥧᥐ ᥗᥣᥳ ᥘᥦᥲ ᥞᥤᥢᥱ ᥖᥧᥱ ᥘᥭᥳ ᥖᥥᥴ ᥘᥭᥲ ᥝᥣ ᥙᥥᥢ ᥐᥨᥭᥲ ᥙᥪᥒ ᥒᥣᥛ ᥒᥣᥛ ᥙᥪᥒ ᥐᥨᥭᥲ ᥕᥧᥱ။ ᥐᥩᥭᥰ ᥐᥣ ᥘᥩᥒ ᥝᥣ ᥚᥣᥰ ᥘᥣᥰ ᥐᥨᥝᥰ ᥖᥛᥱ ᥛᥣᥳ ᥙᥥᥢ ᥚᥣᥰ ᥘᥣᥰ ᥝᥤᥳ ᥔᥣ ᥘᥧᥳ ᥛᥣᥭᥴ ᥐᥝᥲ ᥘᥭᥴ ᥘᥢᥳ ᥐᥨᥢᥰ ᥙᥧᥐ ᥑᥝᥴ ᥟᥛᥱ ᥞᥙ ᥑᥣᥛᥱ။ ᥐᥨᥢᥰ ᥘᥬᥰ ᥐᥛᥱ ᥚᥣᥱ ᥓᥫᥰ ᥐᥨᥢᥰ ᥞᥤᥢᥱ ᥖᥧᥱ ᥘᥦᥲ ᥔᥒᥴ၊ ᥓᥫᥰ ᥟᥢ ᥟᥛᥱ ᥕᥧᥛᥱ ᥕᥛ ᥔᥒᥴ ᥘᥢᥳ ᥘᥦᥲ ᥔᥒᥴ ᥘᥬᥰ ᥑᥝᥴ ᥘᥢᥳ ᥐᥛᥳ ᥙᥣᥲ ᥘᥛᥴ ᥑᥝᥴ ᥘᥙᥳ ᥕᥛ ᥚᥣᥰ ᥘᥣᥰ ᥐᥨᥝᥰ ᥖᥛᥱ ᥛᥣᥳ ᥕᥝᥳ။ ᥘᥬᥰ ᥐᥛᥱ ᥚᥣᥱ ᥘᥭᥳ ᥚᥣᥰ ᥘᥣᥰ ᥐᥨᥝᥰ ᥖᥛ ᥘᥭᥳ ᥙᥥᥢ ᥓᥝᥲ ᥚᥧᥱ ᥟᥢ ᥛᥤᥰ ᥟᥨᥝᥰ ᥓᥣᥱ ᥔᥥᥴ ᥙᥫᥢ၊ ᥙᥥᥢ ᥚᥧᥱ ᥗᥩᥖ ᥛᥦᥖ ᥔᥥᥴ ᥙᥫᥢ ᥓᥢᥳ ᥔᥧᥒᥴ ᥔᥥᥴ ᥙᥫᥢ။^[6]^[7] ᥘᥬᥰ ᥐᥛᥱ ᥚᥣᥱ ᥘᥭᥳ ᥔᥣᥱ ᥔᥢᥱ ᥘᥣᥱ ᥙᥧᥐ ᥗᥣᥳ ᥘᥭᥳ ᥙᥥᥢ ᥚᥣᥱ ᥔᥣᥱ ᥟᥢ ᥛᥤᥰ ᥘᥩᥒ ᥒᥛᥰ ᥕᥥᥢ ᥓᥪ ᥔᥥᥒᥴ ᥕᥬᥱ ᥘᥫᥴ ᥔᥥᥴ ᥙᥫᥢ (most peaceful religion) ^[8] ᥛᥥᥖ ᥖᥣᥱᥐᥣ ᥘᥧᥳ ᥘᥣᥱ၊ ᥔᥤᥱ ᥘᥣᥳ၊ᥔᥛᥱ ᥛᥣᥱ ᥗᥤᥳ၊ ᥙᥦᥒᥱ ᥕᥣᥱ၊ ᥔᥦᥖ ᥓᥣᥱ ᥔᥤᥱ ᥙᥣᥰ၊ ᥛᥣᥐ ᥐᥣᥒᥱ ᥙᥦᥖᥱ ᥙᥣᥰ၊ ᥟᥩᥒᥱ ᥙᥦᥖᥱ ᥙᥫᥒ ᥝᥤᥳ ᥙᥖᥳ ᥔᥣᥱ ᥔᥢᥱ ᥘᥣᥱ ᥐᥛᥱ ᥛᥣᥳ ᥗᥣᥢᥰ၊ ᥙᥤᥳ ᥖᥣ ᥐᥣᥖ ᥔᥣᥛᥴ ᥐᥩᥒ၊ ᥙᥣᥱ ᥘᥛᥱ ᥛᥤᥱ ᥔᥤᥙᥴ ᥙᥫᥒ၊ ᥘᥩᥒ ᥝᥣᥒᥰ ᥑᥣᥒᥰ ᥘᥦᥲ ᥘᥩᥒ ᥕᥫᥢᥳ ᥐᥢ ᥘᥬᥰ ᥔᥣᥱ ᥔᥢᥱ ᥘᥣᥱ ᥙᥧᥐ ᥗᥣᥳ ᥘᥭᥳ ᥓᥪ ᥔᥥᥒᥴ ᥘᥪᥰ ᥘᥒᥴ ᥘᥬᥰ ᥐᥛᥱ ᥚᥣᥱ ᥘᥨᥒᥴ ᥘᥭᥳ ᥖᥥᥳ ᥖᥥᥳ။ ᥐᥣᥢ ᥙᥨᥒ ᥔᥩᥢᥴ ᥓᥢᥳ ᥘᥦᥲ ᥘᥩᥐᥴ ᥘᥣᥭᥰ ᥙᥣᥭᥰ ᥙᥦᥒᥱ ᥕᥣᥱ ᥙᥣᥢ ᥚᥣᥰ ᥘᥣᥰ ᥘᥢᥳ ᥟᥝ ᥓᥩᥛᥰ ᥙᥪᥢᥰ ᥔᥥᥴ ᥚᥫᥛᥳ ᥗᥦᥛᥴ ᥙᥢ ᥕᥥᥢᥱ ᥒᥥ ᥐᥨᥢᥰ ᥛᥫᥒᥰ၊ ᥚᥫᥛᥳ ᥗᥦᥛᥴ ᥙᥢ ᥟᥢ ᥐᥣᥒ ᥓᥬ ᥐᥨᥢᥰ ᥛᥫᥒᥰ ᥑᥬᥲ ᥘᥭᥲ ᥑᥬᥲ ᥙᥥᥢ ᥘᥢᥳ ᥕᥝᥳ။ ᥔᥣᥱ ᥔᥢᥱ ᥘᥣᥱ ᥙᥧᥐ ᥗᥣᥳ ᥘᥭᥳ ᥛᥤᥰ ᥘᥩᥒ ᥖᥣᥒᥰ ᥖᥪᥰ ᥐᥛ ᥟᥤᥐᥱ ᥘᥨᥭ ᥘᥛᥳ ᥐᥖ ᥕᥝᥳ။ ᥐᥩᥙ ᥘᥭᥴ ᥟᥢ ᥙᥧᥐ ᥗᥣᥳ ᥓᥝᥲ ᥞᥨᥝᥰ ᥙᥨᥒ ᥝᥭᥳ ᥝᥣᥱ ᥖᥣ ᥛᥥᥖ ᥖᥣᥱ + ᥘᥩᥒ ᥕᥧᥛᥱ ᥕᥛ ᥛᥣᥢᥱ ᥛᥦᥢ + ᥘᥩᥒ ᥞᥧᥳ ᥞᥢᥴ ᥛᥣᥢᥱ ᥛᥦᥢ + ᥘᥩᥒ ᥝᥨᥢᥳ ᥛᥣᥢᥱ ᥛᥦᥢ + ᥖᥣᥰ ᥘᥣᥰ ᥛᥣᥢᥱ ᥛᥦᥢ +ᥖᥣᥒᥰ ᥖᥪᥰ ᥐᥛ ᥛᥣᥢᥱ ᥛᥦᥢ ᥓᥫᥰ ᥘᥭᥳ ᥛᥢᥰ ᥙᥥᥢ ᥝᥣᥱ ᥖᥣᥳ ᥓᥪ ᥓᥬ ᥖᥣᥱ ᥒᥣᥛᥰ ᥕᥥᥢ ᥘᥦᥲ ᥙᥥᥢ ᥘᥩᥒ ᥓᥪ ᥔᥥᥒᥴ ᥕᥬᥱ၊ ᥙᥥᥢ ᥖᥤ ᥐᥨᥢᥰ ᥖᥒᥰ ᥘᥛᥴ ᥘᥙ ᥕᥛ ᥘᥛᥴ ᥘᥫᥴ ᥔᥥᥴ ᥙᥫᥢ။^[9]

ᥙᥫᥒ ᥟᥤᥒ[edit | edit source]

Template:Wp/tdd/ᥔᥣᥱ ᥔᥢᥱ ᥘᥣᥱ ᥙᥧᥢᥳ ᥖᥤ ᥙᥣᥱ

[1] ttp://www.worldpopulationstatistics.com/china-population-2013/

[2] ttp://www.foreignercn.com/index.php?option=com_content&view=article&id=2929:buddhism-in-china&catid=1:history-and-culture&Itemid=114

[3] Archive copy. Archived from the original on 2016-10-29။ Retrieved on 2015-06-25။

[4] Archive copy.

[5] ttp://www.koausa.org/Gods/God3.html

[6] Archive copy. Archived from the original on 2016-03-04။ Retrieved on 2015-06-25။

[7] ttp://www.divinebrahmanda.com/2010/05/gautama-buddha-avatar-ninth-avatar-of.html

[8] ttp://wisdomquarterly.blogspot.com/2009/07/buddhism-wins-best-religion-award.html

[9] ttps://www.facebook.com/Pending969?hc_location=stream

[1]

[2]

[3]

[4]

[5]

[6]

[7]

[8]

[9]