Wp/tdd/ᥘᥩᥒᥴ ᥘᥛᥳ
ᥘᥩᥒᥴ ᥘᥛᥳ ᥘᥭᥳ ᥙᥥᥢ ᥟᥩᥒᥲ ᥟᥢ ᥛᥤᥰ ᥘᥛᥳ ᥘᥛᥴ ᥘᥦᥲ ᥟᥢ ᥛᥤᥰ ᥘᥦᥢ ᥘᥤᥢ ᥞᥩᥙ ᥛᥢᥰ ᥝᥭᥳ ᥕᥝᥳ. ᥘᥛᥳ ᥟᥢ ᥛᥤᥰ ᥘᥬᥰ ᥘᥩᥒᥴ ᥘᥛᥳ ᥘᥢᥳ ᥕᥒ ᥘᥭᥴ ᥛᥫᥢᥴ ᥘᥛᥳ ᥑᥥᥰ, ᥛᥥ ᥘᥢᥳ. ᥘᥩᥒᥴ ᥘᥛᥳ ᥘᥭᥳ ᥑᥝᥴ ᥛᥤᥰ ᥖᥤ ᥘᥫᥴ ᥘᥒᥴ ᥘᥤᥢ ᥘᥦᥲ ᥕᥒ ᥐᥙᥴ ᥐᥣᥭᥱ ᥐᥢ ᥖᥣᥒᥰ ᥔᥛᥱ ᥛᥧᥐ ᥖᥣᥱ ᥕᥣᥱ ᥘᥛᥲ ᥙᥨᥒᥱ ᥘᥣᥭᥱ ᥔᥒᥴ.
ᥘᥩᥒᥴ ᥘᥛᥳ ᥛᥣᥒ ᥟᥢ ᥘᥢᥳ ᥕᥬᥱ ᥞᥦᥒᥰ ᥚᥥᥴ ᥘᥦᥲ ᥗᥪᥒ ᥖᥤ ᥙᥩᥰ ᥗᥣᥒᥱ ᥝᥣ ᥙᥥᥢ ᥙᥣᥒᥱ ᥘᥣᥭᥱ ᥕᥝᥳ. ᥘᥩᥒᥴ ᥘᥛᥳ ᥐᥢᥳ ᥘᥛ ᥙᥥᥢ ᥘᥛᥳ ᥝᥣᥢᥴ ᥕᥝᥳ.
ᥘᥩᥒᥴ ᥘᥛᥳ ᥐᥛᥳ ᥚᥩᥒ ᥙᥥᥢ ᥐᥨᥢᥰ ᥞᥥᥖᥱ ᥖᥣᥱ ᥗᥧᥐᥴ ᥟᥝ ᥜᥭᥰ ᥜᥣᥳ, ᥞᥥᥖᥱ ᥟᥩᥒᥲ ᥲᥪᥳ ᥔᥣᥝᥰ ᥖᥣᥱ ᥘᥪᥲ ᥓᥬ, ᥖᥣᥱ ᥙᥧᥐᥱ ᥔᥩᥛᥲ, ᥖᥣᥱ ᥕᥧᥒᥱ ᥖᥪᥰ ᥘᥬᥰ ᥞᥫᥢᥰ ᥐᥨᥢᥰ ᥘᥦᥲ ᥘᥬᥰ ᥐᥣᥢ ᥙᥣᥭᥰ ᥓᥣᥐ ᥕᥝᥳ. ᥙᥩᥰ ᥝᥣ ᥕᥒᥰ ᥛᥤᥰ ᥛᥥ ᥘᥛᥳ, ᥑᥥᥰ ᥘᥛᥳ, ᥞᥩᥒ ᥘᥛᥳ ᥘᥭᥴ ᥑᥝᥲ ᥘᥬᥰ ᥘᥩᥒᥳ ᥘᥭᥴ, ᥘᥛᥳ ᥘᥬᥰ ᥘᥩᥒᥴ ᥐᥩᥲ ᥖᥥᥴ ᥕᥥᥢᥰ ᥙᥥᥢ ᥐᥩᥢᥰ ᥘᥛᥳ ᥟᥛᥱ ᥘᥢᥴ ᥖᥥᥴ ᥓᥪᥛᥰ ᥑᥝᥲ ᥖᥬᥲ ᥘᥤᥢ ᥐᥣᥱ ᥔᥥᥴ ᥘᥛᥳ ᥖᥥᥴ ᥓᥣᥒ ᥞᥦᥒᥳ ᥐᥣᥱ ᥕᥝᥳ. ᥘᥛᥳ ᥘᥬᥰ ᥘᥩᥒᥴ ᥘᥭᥳ ᥞᥦᥒᥲ ᥒᥣᥭ ᥖᥥᥳ. ᥙᥩᥰ ᥝᥣᥰ ᥘᥦᥢ ᥘᥤᥢ ᥞᥤᥛᥰ ᥘᥩᥒᥴ ᥘᥛᥳ ᥘᥢᥳ, ᥛᥤᥰ ᥗᥣᥖ ᥓᥥᥛᥰ ᥘᥛᥴ ᥞᥦᥒᥰ ᥕᥧᥱ ᥘᥭᥴ, ᥘᥛᥳ ᥘᥬᥰ ᥘᥩᥒᥴ ᥐᥩᥲ ᥓᥣᥒ ᥓᥥᥛᥰ ᥐᥣᥱ ᥓᥩᥛᥰ ᥕᥝᥳ. ᥙᥩᥰ ᥙᥥᥢ ᥘᥭᥴ, ᥙᥫᥢ ᥞᥩᥒᥳ ᥝᥣ ᥘᥩᥒᥴ ᥘᥛᥳ ᥓᥥᥛᥰ ᥘᥭᥴ ᥕᥝᥳ.