Wp/tdd/ᥘᥤᥐ ᥖᥭᥰ ᥘᥫᥴ

ᥘᥣᥭᥰ ᥖᥭᥰ ᥘᥫᥴ ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ
ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ《ᥚᥣᥐ ᥑᥧᥳ ᥟᥧᥳ ᥙᥧᥛᥱ ᥛᥣᥱ》。 ᥟᥩᥒᥲ ᥘᥥᥴ ᥔᥫᥐ ᥖᥨᥝ ᥘᥣᥭᥰ ᥛᥫᥒᥰ ᥑᥥᥱᥖᥤᥳ ᥙᥦᥙ。
Script type	ᥛᥥ ᥔᥥᥒᥴ ᥓᥣᥙ ᥖᥒᥰ ᥛᥥ ᥓᥣᥙ
Time period	13 ᥕᥣᥱ ᥔᥧᥳ ᥖᥨᥝᥱ ᥝᥢᥰ ᥛᥫ ᥘᥭᥳ
Direction
Languages	ᥑᥣᥛᥰ ᥖᥭᥰ ᥖᥬᥲ ᥑᥨᥒᥰ
Related scripts
Parent systems	ᥖᥨᥝ ᥘᥣᥭᥰ ᥙᥣ ᥘᥨᥝᥱ ᥖᥨᥝ ᥢᥣᥭᥳ ᥖᥨᥝ ᥘᥣᥭᥰ ᥚᥤᥳ ᥘᥤᥳ ᥔᥤᥢᥱ ᥖᥨᥝ ᥘᥣᥭᥰ ᥟᥣᥱ ᥘᥣᥳ ᥛᥤᥐ ᥖᥨᥝ ᥘᥣᥭᥰ ᥙᥣᥱ ᥘᥤᥳ ᥖᥨᥝ ᥘᥣᥭᥰ ᥛᥩᥢᥰ ᥖᥨᥝ ᥘᥣᥭᥰ ᥛᥣᥢ ᥘᥣᥭᥰ ᥖᥭᥰ ᥘᥫᥴ
ISO 15924
ISO 15924	Tale (353), ​Template:ISO 15924 name
Unicode
Unicode alias	Tai Le
Unicode range	U+1950 ᥗᥪᥒᥴ U+197F
_BLANK_

ᥙᥙ ᥚᥧᥢᥴ ᥘᥣᥭᥰ ᥖᥭᥰ ᥘᥫᥴ,ᥘᥣᥭᥰ ᥖᥭᥰ ᥖᥬᥲ ᥗᥝᥲ

ᥟᥩᥒᥲ ᥟᥩᥐᥱ ᥘᥣᥭᥰ ᥟᥣ ᥛᥥᥝᥰ ᥖᥬᥲ ᥑᥨᥒᥰ ᥘᥣᥭᥰ ᥖᥭᥰ ᥘᥫᥴ《ᥑᥣᥛᥰ ᥙᥣᥖ ᥔᥢᥱ ᥘᥣᥱ》

File:德宏团结报 - 傣文版 - 2024-05-27.jpg

ᥘᥣᥭᥰ ᥖᥭᥰ ᥘᥫᥴ《ᥔᥣ ᥖᥣᥒᥰ ᥑᥩᥖᥱ ᥜᥢᥲ》

ᥘᥣᥭᥰ ᥖᥭᥰ ᥘᥫᥴ（ᥑᥣᥛᥰ ᥖᥭᥰ：ᥘᥣᥭᥰ ᥖᥭᥰ ᥘᥫᥴ、IPA：laːi⁵⁵tai⁵⁵lə³⁵），ᥞᥪᥴ ᥞᥩᥒᥳ ᥝᥣ ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ ᥞᥪᥴ ᥘᥤᥐ ᥖᥭᥰ ᥘᥫᥴ，ᥛᥫᥒᥰ ᥖᥬᥲ ᥞᥩᥒᥳ ᥖᥨᥝ ᥘᥤᥐ ᥛᥫᥒᥰ ᥛᥣᥝᥰ，ᥙᥥᥢ ᥑᥣᥛᥰ ᥖᥭᥰ ᥖᥬᥲ ᥑᥨᥒᥰ ᥖᥤ ᥘᥐᥴ ᥟᥢ ᥕᥧᥒᥱ ᥓᥬᥳ ᥖᥪᥰ ᥘᥬᥰ ᥟᥩᥒᥲ ᥙᥩᥭᥱ ᥔᥥᥒᥴ ᥑᥣᥛᥰ ᥖᥭᥰ ᥖᥬᥲ ᥑᥨᥒᥰ，ᥓᥥᥛ ᥛᥫ ᥓᥝᥳ ᥖᥨᥝᥱ ᥕᥣᥛᥰ ᥓᥒᥱ ᥘᥭᥳ ᥙᥨᥝᥰ ᥛᥤᥰ 13 ᥞᥥᥒᥴ ᥔᥣᥛᥴ ᥙᥣᥐᥱ ᥙᥤ ᥞᥝᥳ，ᥕᥧᥱ ᥘᥬᥰ ᥕᥤᥢᥳ ᥢᥣᥢᥳ ᥔᥫᥢᥰ ᥖᥬᥲ ᥑᥨᥒᥰ ᥟᥣ ᥛᥥᥝᥰ ᥖᥭᥰ ᥟᥣ ᥛᥥᥝᥰ ᥑᥣᥒᥴ ᥙᥪᥴ ᥓᥝᥲ ᥙᥩᥒ；ᥝᥥᥒᥰ ᥘᥤᥢᥳ ᥔᥣᥒᥰ ᥐᥪᥒᥱ ᥛᥣᥳ ᥟᥣ ᥛᥥᥝᥰ ᥖᥭᥰ ᥟᥣ ᥛᥥᥝᥰ ᥝᥣᥳ ᥙᥪᥴ ᥓᥝᥲ ᥙᥩᥒ ᥔᥦᥢᥱ ᥛᥣᥢᥲ ᥔᥨᥢᥴ ᥟᥣ ᥛᥦᥰ ᥟᥣ ᥛᥥᥝᥰ ᥖᥭᥰ ᥖᥣᥒᥱ ᥟᥪᥒᥱ ᥖᥣᥒᥱ ᥖᥤ ᥐᥩᥰ ᥕᥨᥒᥱ ᥓᥬᥳ ᥖᥪᥰ，ᥘᥫᥴ ᥔᥥᥴ ᥘᥢᥳ ᥕᥒᥰ ᥕᥧᥒᥱ ᥓᥬᥳ ᥖᥪᥰ ᥟᥣ ᥛᥦᥰ ᥖᥣᥒᥰ ᥛᥥᥝᥰ ᥖᥤ ᥞᥤᥛᥰ ᥐᥬᥲ ᥐᥢ ᥘᥢᥳ。 ᥖᥣᥒᥰ ᥔᥤᥙᥴ ᥔᥩᥒᥴ ᥙᥢᥰ ᥘᥣᥰ ᥘᥣᥭᥰ ᥖᥭᥰ ᥘᥪᥳ、ᥓᥤᥢ ᥚᥤᥢᥳ ᥘᥣᥭᥰ ᥖᥭᥰ ᥑᥣᥝᥴ、ᥘᥤᥢᥳ ᥔᥣᥒᥰ ᥘᥣᥭᥰ ᥖᥭᥰ ᥖᥬᥲ ᥓᥫᥰ ᥘᥭᥳ ᥐᥩᥲ ᥞᥩᥒᥳ ᥘᥣᥭᥰ ᥖᥭᥰ 4 ᥛᥥᥝᥰ ᥖᥫᥒᥰ ᥓᥧᥒ ᥐᥨᥝᥲ.

ᥘᥣᥭᥰ ᥖᥭᥰ ᥘᥫᥴ ᥘᥣᥭᥰ ᥖᥬᥲ ᥑᥨᥒᥰ ᥖᥒᥰ ᥘᥣᥭᥰ ᥖᥭᥰ ᥖᥬᥲ ᥘᥤᥐ ᥖᥭᥰ ᥖᥨᥒᥱ ᥓᥣᥢᥰ ᥑᥣᥛᥰ ᥖᥣᥢᥲ ᥘᥣᥖ ᥛᥫᥢᥴ ᥐᥢ ᥖᥨᥝ ᥘᥣᥭᥰ ᥟᥛᥱ ᥛᥫᥢᥴ ᥐᥢ ᥛᥤᥰ ᥔᥩᥒᥴ ᥛᥥᥝᥰ. ᥐᥩᥭᥰ ᥝᥣ ᥖᥨᥝ ᥞᥣᥒ ᥘᥣᥭᥰ ᥛᥤᥰ ᥖᥤ ᥙᥦᥐᥱ ᥙᥫᥒ ᥐᥢ（ᥘᥣᥭᥰ ᥖᥦᥛᥲ ᥖᥨᥝ ᥘᥤᥐ ᥖᥭᥰ ᥖᥬᥲ ᥙᥥᥢ ᥖᥨᥝ ᥛᥨᥢᥰ，ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ ᥘᥣᥭᥰ ᥖᥭᥰ ᥘᥫᥴ ᥔᥛᥳ ᥛᥫᥢᥴ ᥞᥣᥒ ᥙᥥᥢ 4 ᥓᥥᥒᥱ ᥟᥛᥱ ᥘᥢᥴ ᥖᥨᥝ ᥕᥣᥝᥰ,ᥖᥭᥰ ᥖᥬᥲ,ᥖᥭᥰ ᥖᥨᥒᥱ ᥓᥣᥢᥰ ᥑᥝᥴ ᥞᥩᥒᥳ ᥝᥣ「ᥘᥣᥭᥰ ᥖᥭᥰ ᥗᥨᥝᥱ ᥒᥩᥐ」），ᥐᥩᥭᥰ ᥝᥣ ᥖᥨᥝ ᥐᥣ ᥘᥣᥢᥰ ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ ᥖᥨᥝ ᥖᥦᥢᥰ ᥔᥥᥒᥴ ᥞᥥᥖᥱ ᥝᥭᥳ ᥘᥬᥰ ᥑᥩᥐ ᥘᥢᥳ ᥙᥧᥒᥱ ᥖᥦᥐ ᥛᥢᥰ ᥐᥩᥭᥰ ᥛᥫᥢᥴ ᥐᥢ ᥐᥩᥭᥰ.

ᥛᥥ ᥔᥥᥒᥴ ᥖᥨᥝ ᥘᥣᥭᥰ

ᥖᥨᥝ ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ ᥟᥢ ᥞᥢᥴ ᥕᥧᥱ ᥕᥣᥛᥰ ᥓᥒᥱ ᥘᥭᥳ ᥙᥥᥢ Unicode ᥘᥣᥭᥰ ᥖᥭᥰ ᥛᥬᥱ ᥘᥬᥰ ᥘᥧᥛᥰ ᥓᥫᥢᥱ ᥚᥧᥰ ᥑᥥᥱ ᥟᥝ ᥑᥝᥲ ᥙᥣᥰ ᥛᥣᥰ ᥕᥧᥒᥱ ᥓᥬᥳ ᥖᥪᥰ ᥝᥭᥳ ᥔᥥᥴ ᥘᥤᥖ ᥛᥥᥰ ᥓᥨᥝᥲ ᥛᥫ ᥙᥤ（1952, 1956, 1964,1988 ) ᥝᥣᥭᥰ ᥙᥤ 1950 ᥘᥢᥳ ᥙᥦᥐᥱ ᥙᥫᥒ ᥐᥢ ᥖᥒᥰ ᥘᥣᥭᥰ ᥖᥭᥰ ᥐᥝᥱ ᥘᥢᥳ ᥞᥦᥒᥰ ᥖᥥᥳ ᥖᥥᥳ. ᥙᥨᥝᥰ ᥟᥛᥱ ᥜᥫᥐᥱ ᥞᥥᥢᥰ ᥓᥨᥝᥰ ᥓᥣᥰ ᥘᥤ ᥘᥤ ᥛᥥ ᥐᥣ ᥔᥩᥒᥴ ᥚᥣᥭᥱ ᥘᥢᥳ ᥖᥤᥴ ᥟᥛᥱ ᥑᥝᥲ ᥕᥣᥰ ᥐᥢ ᥘᥭᥲ.

ᥛᥫᥢᥴ ᥘᥢᥴ ᥘᥒᥱ ᥐᥝᥱ ᥘᥬᥰ ᥓᥣᥛᥰ ᥘᥣᥭᥰ ᥖᥭᥰ, ᥖᥨᥝ ᥘᥣᥭᥰ ᥖᥭᥰ ᥛᥬᥱ ᥘᥭᥳ ᥟᥛᥱ ᥘᥭᥲ ᥗᥧᥐᥴ ᥟᥝ ᥙᥣᥰ ᥛᥣᥰ ᥓᥬᥳ ᥖᥪᥰ ᥘᥬᥰ ᥟᥣ ᥛᥥᥝᥰ ᥙᥣᥲ ᥘᥩᥐ ᥖᥫᥒᥰ ᥛᥫᥒᥰ ᥑᥥᥱ,ᥛᥫᥒᥰ ᥘᥣᥝᥰ ᥘᥦᥳ ᥛᥫᥒᥰ ᥛᥣᥢ ᥓᥫᥰ ᥘᥭᥳ.ᥟᥣ ᥛᥥᥝᥰ ᥖᥭᥰ ᥓᥤᥢ ᥐᥧᥰ,ᥛᥫᥒᥰ ᥘᥦᥛᥰ ᥟᥣ ᥛᥥᥝᥰ ᥖᥭᥰ ᥘᥣᥰ ᥑᥧᥱ ᥔᥦᥢᥱ ᥙᥪᥴ ᥓᥝᥲ ᥙᥩᥒ,ᥐᥪᥒᥱ ᥛᥣᥳ ᥟᥣ ᥛᥥᥝᥰ ᥖᥭᥰ ᥝᥣᥳ ᥔᥦᥢᥱ ᥙᥪᥴ ᥓᥝᥲ ᥙᥩᥒ ᥓᥫᥰ ᥘᥭᥳ ᥕᥒᥰ ᥖᥫᥐ ᥕᥧᥒᥱ ᥓᥬᥳ ᥖᥪᥰ ᥛᥧᥱ ᥘᥣᥳ ᥙᥫᥒ ᥐᥝᥱ ᥝᥭᥳ .

Tai Le ᥘᥣᥭᥰ ᥖᥦᥛᥲ ᥓᥣᥐ ᥘᥣᥐ

ᥛᥥ ᥔᥥᥒᥴ(IPAᥘᥬᥰ ᥓᥥᥒᥱ ᥑᥩᥐ ᥘᥢᥳ)
ᥐ [k]	ᥑ [x]	ᥒ [ŋ]	ᥓ [ts]	ᥔ [s]	ᥕ [j]	ᥖ [t]	ᥗ [tʰ]	ᥘ [l]
ᥙ [p]	ᥚ [pʰ]	ᥛ [m]	ᥜ [f]	ᥝ [v]	ᥞ [h]	ᥟ [ʔ]	ᥠ [kʰ]	ᥡ [tsʰ]	ᥢ [n]
ᥛᥥ ᥓᥣᥙ(IPAᥘᥬᥰ ᥓᥥᥒᥱ ᥑᥩᥐ ᥘᥢᥳ)
	ᥣ [a]	ᥤ [i]	ᥥ [e]	ᥦ [ɛ], [ia]	ᥧ [u]	ᥨᥝ [o]	ᥩ [ɔ], [ua]	ᥪ [ɯ]	ᥫ [ə]	ᥬ [aɯ]
ᥭ [ai]	ᥣᥭ [aːi]				ᥧᥭ [ui]	ᥨᥭ [oi]	ᥩᥭ [ɔi]	ᥪᥭ [ɯi]	ᥫᥭ [əi]
-ᥝ [au]	ᥣᥝ [aːu]	ᥤᥝ [iu]	ᥥᥝ [eu]	ᥦᥝ [ɛu]				ᥪᥝ [ɯu]	ᥫᥝ [əu]
-ᥛ [am]	ᥣᥛ [aːm]	ᥤᥛ [im]	ᥥᥛ [em]	ᥦᥛ [ɛm]	ᥧᥛ [um]	ᥨᥛ [om]	ᥩᥛ [ɔm]	ᥪᥛ [ɯm]	ᥫᥛ [əm]
-ᥢ [an]	ᥣᥢ [aːn]	ᥤᥢ [in]	ᥥᥢ [en]	ᥦᥢ [ɛn]	ᥧᥢ [un]	ᥨᥢ [on]	ᥩᥢ [ɔn]	ᥪᥢ [ɯn]	ᥫᥢ [ən]
-ᥒ [aŋ]	ᥣᥒ [aːŋ]	ᥤᥒ [iŋ]	ᥥᥒ [eŋ]	ᥦᥒ [ɛŋ]	ᥧᥒ [uŋ]	ᥨᥒ [oŋ]	ᥩᥒ [ɔŋ]	ᥪᥒ [ɯŋ]	ᥫᥒ [əŋ]
-ᥙ [ap]	ᥣᥙ [aːp]	ᥤᥙ [ip]	ᥥᥙ [ep]	ᥦᥙ [ɛp]	ᥧᥙ [up]	ᥨᥙ [op]	ᥩᥙ [ɔp]	ᥪᥙ [ɯp]	ᥫᥙ [əp]
-ᥖ [at]	ᥣᥖ [aːt]	ᥤᥖ [it]	ᥥᥖ [et]	ᥦᥖ [ɛt]	ᥧᥖ [ut]	ᥨᥖ [ot]	ᥩᥖ [ɔt]	ᥪᥖ [ɯt]	ᥫᥖ [ət]
-ᥐ [ak]	ᥣᥐ [aːk]	ᥤᥐ [ik]	ᥥᥐ [ek]	ᥦᥐ [ɛk]	ᥧᥐ [uk]	ᥨᥐ [ok]	ᥩᥐ [ɔk]	ᥪᥐ [ɯk]	ᥫᥐ [ək]
ᥗᥝᥴ ᥔᥥᥒᥴ ᥖᥨᥝ ᥘᥣᥭᥰ(ᥖᥪᥐ ᥓᥬᥳ ᥖᥪᥰ ᥝᥭᥳ)
(ᥕᥒ ᥛᥤᥰ) 33		ᥰ 55		ᥱ 11		ᥲ 42		ᥳ 54		ᥴ 35
ᥗᥝᥴ ᥔᥥᥒᥴ ᥛᥦᥖ ᥛᥣᥭᥴ(1963 ᥙᥤ ᥞᥨᥝᥴ ᥖᥥᥰ ᥘᥣᥭᥰ ᥖᥦᥛᥲ)
(ᥕᥒ ᥛᥤᥰ) 33		◌̈ 55		◌̌ 11		◌̀ 42		◌̇ 54		◌́ 35

ᥛᥣᥭᥴ ᥖᥩᥒᥰ ᥔᥫᥐ ᥙᥪᥢᥰ

ᥟᥣ ᥔᥫᥐ ᥙᥪᥢᥰ ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ ᥖᥩ ᥛᥤᥰ ᥐᥧᥛᥱ ᥗᥨᥢᥲ ᥕᥧᥱ，ᥖᥤ ᥘᥨᥒᥴ ᥕᥨᥒᥱ ᥖᥪᥰ ᥙᥤᥲᥚᥧᥱ ᥖᥦᥛᥲ。 ᥘᥧᥐ ᥖᥤ ᥙᥪᥢᥰ ᥛᥢᥰ ᥘᥭᥲ ᥞᥢᥴ ᥖᥨᥝᥱ ᥕᥣᥛᥰ ᥘᥭᥳ，ᥘᥫᥴ ᥔᥥᥴ ᥘᥢᥳ ᥖᥒᥰ ᥛᥤᥰ ᥓᥣᥛᥰ ᥐᥣᥢᥱ ᥖᥒᥰ ᥘᥛᥴ，ᥕᥒᥰ ᥛᥤᥰ ᥑᥣᥛᥰ ᥞᥩᥒᥳ、ᥟᥣ ᥔᥫᥐ、ᥟᥣ ᥙᥧᥛᥱ、ᥘᥤᥐ ᥖᥥᥰ ᥐᥛᥱ ᥚᥣᥱ、ᥘᥣᥐ ᥑᥣᥖ ᥙᥥᥱ ᥖᥣᥒᥱ ᥙᥦᥐ ᥐᥣ ᥖᥤᥒᥱ、ᥘᥣᥲ ᥞᥫᥢᥰ ᥞᥨᥝᥴ ᥓᥝᥲ ᥜᥣᥳ、ᥔᥫᥐ ᥙᥪᥢᥰ ᥘᥬᥰ ᥛᥫᥒᥰ、ᥛᥥ ᥐᥣ ᥚᥖᥴ ᥔᥥᥒᥴ ᥗᥦᥢᥲ。

ᥖᥨᥝ ᥐᥣ ᥘᥣᥢᥰ

ᥖᥨᥝ ᥐᥣ ᥘᥣᥢᥰ ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ,ᥖᥫᥒᥰ ᥓᥨᥒ ᥐᥨᥝᥲ ᥖᥒᥰ ᥛᥫᥒᥰ ᥛᥣᥢ ᥟᥛᥱ ᥛᥫᥢᥴ ᥐᥢ ᥐᥦᥢᥱ ᥙᥦᥐᥱ ᥙᥫᥒ ᥐᥢ ᥞᥦᥒᥰ ᥖᥥᥳ.ᥖᥨᥝ ᥐᥣ ᥘᥣᥢᥰ ᥖᥭᥰ ᥔᥤᥙᥴ ᥔᥩᥒᥴ ᥙᥢᥰ ᥘᥣᥰ ᥛᥫᥢᥴ ᥖᥨᥝ ᥐᥣ ᥘᥣᥢᥰ ᥘᥣᥭᥰ ᥖᥭᥰ ᥛᥣᥢ, ᥛᥫᥢᥴ ᥐᥢ ᥖᥒᥰ ᥘᥣᥭᥰ ᥖᥭᥰ ᥖᥬᥲ,ᥖᥨᥒᥱ ᥓᥣᥢᥰ(ᥜᥣᥒᥳ ᥖᥨᥝ ᥐᥣ ᥘᥣᥢᥰ ᥛᥢᥰ ᥙᥦᥐᥱ ᥙᥫᥒ ᥐᥢ)ᥘᥬᥰ ᥑᥩᥐ ᥓᥥᥒᥱ ᥘᥢᥳ ᥑᥩᥐ ᥚᥫᥐᥱ ᥘᥛ ᥘᥢᥳ Unicode ᥖᥭᥰ ᥘᥫᥴ ᥛᥥ ᥐᥣ ᥐᥫᥐᥱ ᥛᥫᥢᥴ ᥐᥢ ᥖᥒᥰ ᥖᥨᥝ ᥐᥣ ᥘᥣᥢᥰ ᥖᥣᥒᥱ ᥛᥥᥝᥰ,ᥖᥨᥝ ᥐᥣ ᥘᥣᥢᥰ ᥙᥙ ᥖᥛᥰ ᥝᥭᥳ ᥟᥛᥱ ᥛᥤᥰ ᥘᥬᥰ ᥑᥩᥐ ᥟᥣ ᥕᥩᥒᥱ ᥑᥩᥢᥰ ᥜᥭᥰ ᥘᥢᥳ.ᥙᥝᥱ ᥝᥭᥳ ᥘᥣᥛᥱ ᥙᥣᥖ ᥘᥢᥳ ᥐᥙᥴ ᥐᥣᥭᥱ ᥐᥢ ᥖᥒᥰ ᥖᥨᥝ ᥘᥣᥭᥰ ᥖᥭᥰ ᥘᥫᥴ,ᥙᥦᥐ ᥐᥢ ᥞᥦᥒᥰ ᥖᥥᥳ ᥖᥥᥳ.ᥘᥬᥰ ᥟᥣ ᥕᥩᥒᥱ ᥖᥨᥝ ᥐᥣ ᥘᥣᥢᥰ ᥘᥢᥳ ᥖᥨᥝ ᥐᥣ ᥘᥣᥢᥰ ᥛᥢᥰ ᥐᥦᥢᥱ ᥙᥦᥐᥱ ᥙᥫᥒ ᥐᥢ ᥞᥦᥒᥰ ᥖᥥᥳ ᥖᥥᥳ ᥖᥒᥰ ᥘᥣᥭᥰ ᥖᥭᥰ ᥘᥫᥴ ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ ᥕᥝᥳ.

	0	1	2	3	4	5	6	7	8	9
ᥘᥣᥭᥰ ᥖᥭᥰ ᥘᥪᥳ	᧐	᧑		᧓	᧔		᧖		᧘	᧙
ᥘᥣᥭᥰ ᥖᥭᥰ ᥘᥫᥴ	၀	၁	၂	၃	၄	၅	၆	၇	၈	၉
ᥘᥣᥭᥰ ᥛᥣᥢ	၀	၁	၂	၃	၄	၅		၇
ᥖᥭᥰ ᥖᥨᥒᥱ ᥓᥣᥢᥰ	႐	႑			႔	႕	႖	႗	႘	႙
ᥛᥫᥒᥰ ᥛᥣᥢ ᥘᥣᥭᥰ ᥖᥭᥰ ᥘᥫᥴ	႐				႔	႕	႖	႗	႘	႙

Unicode

ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ ᥛᥫ 2003 ᥙᥤ 4 ᥘᥫᥢ ᥔᥬᥱ ᥑᥝᥲ ᥙᥣᥰ ᥘᥬᥰ Unicode 4.0,ᥟᥥᥱ ᥘᥤᥳ ᥕᥣᥳ U+1950-U+197F。ᥚᥧᥱ ᥘᥨᥒᥳ ᥘᥦᥢᥱ ᥙᥦᥒᥱ ᥕᥣᥱ (ᥕᥥᥱ ᥛᥤᥲ ᥞᥝᥱ ) ᥕᥧᥛᥱ ᥕᥛ ᥝᥭᥳ ᥖᥭᥰ ᥘᥫᥴ ᥖᥒᥰ ᥛᥣᥢ ᥖᥨᥝ ᥐᥣ ᥘᥣᥢᥰ ᥐᥦᥢᥱ ᥙᥦᥐᥱ ᥙᥫᥒ ᥐᥢ ᥞᥦᥒᥰ ᥖᥥᥳ ᥖᥥᥳ “ᥖᥨᥝ ᥘᥣᥭᥰ ᥙᥦᥐᥱ ᥙᥫᥒ ᥐᥢ”，Unicode ᥘᥭᥳ ᥓᥒᥱ ᥟᥛᥱ ᥔᥬᥱ ᥐᥫᥐ ᥙᥣᥰ ᥖᥨᥝ ᥐᥣ ᥘᥣᥢᥰ ᥘᥣᥭᥰ ᥖᥭᥰ ᥘᥭᥳ ᥕᥝᥳ.

Tai Le Official Unicode Consortium code chart (PDF)

0

1

2

3

4

5

6

7

8

9

A

B

C

D

E

F

U+195x

ᥐ

ᥑ

ᥒ

ᥓ

ᥔ

ᥕ

ᥖ

ᥗ

ᥘ

ᥙ

ᥚ

ᥛ

ᥜ

ᥝ

ᥞ

ᥟ

U+196x

ᥠ

ᥡ

ᥢ

ᥣ

ᥤ

ᥥ

ᥦ

ᥧ

ᥨ

ᥩ

ᥪ

ᥫ

ᥬ

ᥭ

U+197x

ᥰ

ᥱ

ᥲ

ᥳ

ᥴ

Notes 1.^ As of Unicode version 15.0 2.^ Grey areas indicate non-assigned code points

ᥙᥫᥒ ᥟᥤᥒ ᥟᥣᥰ ᥐᥨᥝᥰ

ᥓᥫᥝ ᥕᥥᥝᥲ ᥝᥫᥢᥳ、ᥜᥣᥒ ᥙᥨᥝᥰ ᥘᥨᥒᥳ、ᥛᥧᥒᥱ ᥓᥧᥢ ᥔᥤᥢᥳ，《ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ》，《ᥘᥤᥐ ᥑᥣᥛᥰ ᥟᥣ ᥛᥥᥝᥰ》（1981ᥙᥤ 03 ᥙᥩᥐ）。 ᥓᥫᥝ ᥕᥥᥝᥲ ᥝᥫᥢᥳ、ᥜᥣᥒ ᥜᥫᥒ ᥑᥫᥱ、ᥔᥤ ᥝᥫᥢᥳ ᥘᥤᥒᥴ ᥔᥣᥢᥰ；ᥛᥧᥒᥱ ᥓᥧᥢ ᥔᥤᥢᥳ ᥘᥣᥭᥰ ᥟᥫᥰ ᥑᥣᥒᥰ，《ᥓᥣᥛᥰ ᥑᥣᥛᥰ ᥖᥭᥰ ᥖᥬᥲ ᥑᥨᥒᥰ ᥙᥩᥒᥱ ᥔᥥᥒᥴ》，ᥟᥩᥒᥲ ᥟᥩᥐᥱ ᥘᥣᥭᥰ ᥟᥣ ᥛᥥᥝᥰ ᥟᥥᥱ，2005 ᥙᥤ 10 ᥘᥫᥢ ᥘᥣᥛᥱ 1 ᥙᥣᥢᥱ。

ᥐᥙᥴ ᥔᥪᥙᥱ ᥙᥣᥲ ᥘᥩᥐ

• ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ Archived ᥖᥤᥱ ᥔᥦᥛᥱ ᥙᥣᥱ 22, 2020 at the Wayback Machine
• ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ ᥗᥣᥭᥲ ᥔᥤᥢ ᥟᥢ ᥙᥩᥖᥴ ᥓᥥᥙᥱ ᥔᥬᥱ