Wp/tdd/ᥘᥛᥳ ᥛᥣᥝᥰ
ᥘᥛᥳ ᥛᥣᥝᥰ ᥘᥭᥳ ᥛᥤᥰ ᥕᥧᥱ ᥖᥤ ᥘᥬᥰ ᥓᥥ ᥛᥫᥒᥰ ᥖᥭᥰ။ ᥙᥩᥰ ᥟᥢ ᥛᥤᥰ ᥖᥤ ᥖᥣᥒᥰ ᥛᥫᥒᥰ ᥑᥥᥱ ᥘᥢᥳ ᥔᥛᥳ ᥞᥩᥒᥳ ᥝᥣ ᥕᥧᥭᥲ ᥘᥤᥲ ᥓᥦᥒᥰ(瑞丽江)(Rui Li Jiang) ᥘᥭᥴ ᥕᥝᥳ။ ᥙᥥᥢ ᥛᥥ ᥘᥛᥳ ᥟᥢ ᥑᥦᥢᥱ ᥘᥦᥢ ᥛᥫᥒᥰ ᥑᥥᥱ ᥘᥦᥲ ᥛᥫᥒᥰ ᥛᥣᥢ ᥕᥝᥳ။ ᥞᥨᥝᥴ ᥘᥙᥳ ᥛᥢᥰ ᥛᥤᥰ ᥕᥧᥱ ᥖᥤ ᥓᥥ ᥛᥫᥒᥰ ᥕᥤᥢᥳ ᥢᥣᥢᥳ ᥛᥝᥱ ᥘᥢᥴ ᥕᥧᥱ ᥢᥣᥢᥱ ᥘᥬᥰ ᥛᥫᥒᥰ ᥑᥥᥱ ᥔᥥᥴ ᥕᥝᥳ ᥘᥭᥴ ᥘᥨᥒᥰ ᥓᥧᥰ ᥛᥫᥒᥰ ᥖᥭᥰ(ᥙᥩᥖᥴ ᥓᥣᥢᥰ) ᥘᥦᥲ ᥑᥪᥢᥰ ᥘᥭᥴ ᥔᥧᥱ ᥓᥧᥰ ᥔᥫᥢᥰ ᥓᥥ ᥐᥦᥒᥰ ᥔᥥᥴ ᥕᥝᥳ ᥔᥛᥳ ᥘᥭᥴ ᥑᥝᥲ ᥐᥣᥱ ᥘᥬᥰ ᥘᥛᥳ ᥐᥥᥝᥰ ᥖᥤ ᥛᥣᥢᥲ (ᥘᥩᥒᥴ) ᥟᥤᥢᥰ ᥟᥢ ᥛᥤᥰ ᥖᥤ ᥞᥤᥛᥰ ᥝᥥᥒᥰ ᥐᥣᥖᥱ ᥔᥣᥴ ᥟᥢ ᥞᥣᥒᥱ ᥕᥣᥢᥴ ᥖᥒᥰ ᥝᥥᥒᥰ ᥖᥣ ᥐᥩᥒ ᥛᥩᥐ 60 ᥐᥤᥱ ᥘᥨᥝᥱ ᥛᥤᥱ ᥖᥣᥱ ᥘᥢᥳ ᥕᥝᥳ။
ᥘᥛᥳ ᥛᥣᥝᥰ ᥘᥬᥰ ᥔᥣᥭᥴ ᥙᥪᥢᥰ[edit | edit source]
ᥘᥛᥳ ᥛᥣᥝᥰ ᥘᥦᥲ ᥖᥒᥰ ᥟᥣ ᥛᥥᥝᥰ ᥐᥨᥢᥰ ᥑᥫᥰ ᥖᥭᥰ ᥟᥢ ᥛᥤᥰ ᥘᥬᥰ ᥛᥫᥒᥰ ᥛᥣᥢ ᥘᥭᥳ ᥙᥥᥢ ᥟᥢ ᥐᥫᥐᥱ ᥙᥪᥢᥰ ᥐᥢ ᥛᥣᥰ ᥖᥒᥰ ᥞᥪᥒᥴ ᥕᥝᥳ။ ᥟᥣ ᥛᥥᥝᥰ ᥖᥭᥰ ᥖᥤ ᥞᥤᥛᥰ ᥚᥣᥒᥱ ᥘᥛᥳ ᥛᥣᥝᥰ ᥘᥭᥳ ᥖᥒᥲ ᥖᥥᥱ ᥓᥥᥛ ᥛᥫ ᥐᥣᥙ ᥙᥣᥢ ᥙᥧᥳ ᥐᥛᥱ ᥙᥧᥢᥳ ᥘᥢᥳ ᥛᥣᥰ ᥘᥧᥐ ᥖᥤ ᥖᥣᥒᥰ ᥘᥛᥳ ᥛᥣᥝᥰ ᥔᥥᥴ ᥕᥝᥳ ᥟᥣᥢᥰ ᥑᥣᥭᥳ ᥕᥣᥭᥳ ᥑᥝᥲ ᥛᥣᥰ ᥘᥬᥰ ᥛᥫᥒᥰ ᥛᥣᥢ ᥙᥩᥖᥴ ᥐᥣᥒ ᥔᥥᥴ ᥕᥝᥳ ᥕᥩᥢᥳ ᥙᥫ ᥓᥝᥲ ᥜᥣᥳ ᥟᥣ ᥘᥨᥝᥱ ᥘᥣᥳ ᥗᥣᥱ ᥛᥫᥒᥰ ᥙᥧᥳ ᥐᥛᥱ ᥞᥥᥳ ᥞᥛᥲ ᥘᥦᥲ ᥓᥒᥱ ᥘᥭᥲ ᥑᥪᥢᥰ ᥙᥩᥐ ᥐᥣᥱ ᥑᥪᥢᥰ ᥖᥤ ᥕᥧᥱ ᥐᥝᥱ ᥑᥝᥴ ᥑᥪᥢᥰ ᥕᥧᥱ ᥕᥝᥳ။ ᥐᥩᥭᥰ ᥘᥣᥱ ᥛᥫ ᥐᥣᥙ ᥛᥫᥒᥰ ᥙᥧᥳ ᥐᥛᥱ ᥓᥛ ᥖᥥᥴ ᥔᥧᥖᥴ ᥘᥢᥳ ᥟᥣ ᥛᥥᥝᥰ ᥖᥭᥰ ᥛᥤᥰ ᥞᥦᥒᥰ ᥙᥩᥒ ᥕᥬᥱ ᥛᥣᥰ ᥔᥥᥴ၊ ᥘᥩᥒ ᥟᥢ ᥛᥫᥒᥰ ᥙᥣᥒ ᥕᥣᥲ-ᥓᥥ ᥐᥦᥒᥰ ᥘᥭᥲ ᥔᥧᥖᥴ ᥝᥩᥖ ᥐᥣᥱ ᥘᥢᥳ ᥐᥩᥲ ᥙᥥᥢ ᥕᥩᥢᥳ ᥐᥨᥢᥰ ᥖᥭᥰ ᥛᥫᥒᥰ ᥘᥨᥒᥴ ᥛᥣᥝᥰ ᥛᥣᥰ ᥖᥫᥐᥱ ᥖᥨᥝᥰ ᥘᥭᥴ ᥘᥢᥳ ᥘᥬᥰ ᥔᥣᥭᥴ ᥙᥪᥢᥰ ᥐᥩᥲ ᥛᥤᥰ ᥘᥐᥴ ᥗᥣᥢᥴ ᥛᥣᥭᥴ ᥖᥛᥰ ᥝᥭᥳ ᥕᥧᥱ ᥕᥝᥳ။
ᥛᥥ ᥘᥛᥳ ᥛᥣᥝᥰ[edit | edit source]
ᥘᥛᥳ ᥛᥣᥝᥰ ᥟᥢ ᥞᥨᥝᥴ ᥛᥢᥰ ᥛᥤᥰ ᥖᥣᥒᥰ ᥛᥫᥒᥰ ᥑᥥᥱ ᥔᥥᥴ ᥔᥛᥳ ᥘᥭᥲ ᥑᥝᥲ ᥘᥬᥰ ᥘᥛᥳ ᥐᥥᥝ ᥟᥢ ᥙᥥᥢ ᥛᥥ ᥘᥛᥳ ᥕᥬᥱ ᥖᥤ ᥔᥧᥖᥴ ᥘᥬᥰ ᥛᥫᥒᥰ ᥛᥣᥢ ᥘᥢᥳ ᥘᥭᥳ ᥘᥛᥳ ᥛᥣᥝᥰ ᥘᥭᥳ ᥘᥭᥳ ᥘᥭᥲ ᥙᥥᥢ ᥘᥣᥢᥱ ᥜᥐᥱ ᥖᥧ ᥛᥫᥒᥰ ᥙᥩᥖᥴ ᥖᥣᥒᥰ ᥟᥩᥐᥱ ᥖᥩᥢᥲ ᥖᥣᥱ ᥛᥫᥒᥰ ᥛᥣᥢ ᥝᥭᥳ ᥕᥧᥱ ᥕᥝᥳ။ ᥘᥛᥳ ᥛᥣᥝᥰ ᥘᥭᥳ ᥕᥣᥝᥰ ᥕᥧᥱ ᥛᥩᥐ 350 ᥘᥐᥴ ။ ᥙᥩᥰ ᥑᥪᥢᥲ ᥓᥩᥛᥰ ᥘᥛᥳ ᥛᥣᥝᥰ ᥐᥣᥱ ᥖᥤᥐᥴ ᥖᥤᥐᥴ ᥘᥭᥴ ᥖᥤᥴ ᥘᥖᥴ ᥘᥦᥢ ᥘᥤᥢ ᥛᥫᥒᥰ ᥛᥣᥢ-ᥛᥫᥒᥰ ᥑᥥᥱ ᥔᥥᥴ ᥕᥝᥳ ᥚᥦᥝᥴ ᥗᥪᥒᥴ ᥐᥣᥱ ᥘᥬᥰ ᥛᥫᥒᥰ ᥑᥥᥱ။ ᥔᥥᥢᥲ ᥖᥣᥒᥰ ᥘᥨᥒᥴ ᥛᥫᥒᥰ ᥑᥥᥱ-ᥛᥫᥒᥰ ᥛᥣᥢ ᥐᥩᥲ ᥐᥛᥳ ᥘᥛᥴ ᥘᥛᥴ ᥑᥦᥙᥱ ᥟᥫᥛᥲ ᥖᥒᥰᥛᥥ ᥘᥛᥳ ᥛᥣᥝᥰ ᥝᥭᥳ ᥕᥧᥱ ᥕᥝᥳ။
ᥞᥨᥝᥴ ᥘᥛᥳ ᥛᥣᥝᥰ ᥘᥭᥳ ᥖᥥᥱ ᥛᥣᥰ ᥟᥩᥒᥲ ᥟᥢ ᥞᥣᥒᥱ ᥕᥣᥢᥴ ᥖᥒᥰ ᥛᥫᥒᥰ ᥗᥫᥒᥴ ᥕᥥᥳ(ᥗᥫᥢᥱ ᥓᥨᥒᥴ-ᥛᥫᥒᥰ ᥛᥦᥢᥰ) ᥖᥤ ᥘᥬᥰ ᥛᥫᥒᥰ ᥑᥥᥱ ᥛᥩᥐ 60 ᥘᥐᥴ ᥔᥥᥴ ᥘᥭᥴ ᥘᥨᥒᥰ ᥛᥣᥰ ᥙᥩᥖᥴ ᥖᥣᥒᥰ ᥖᥨᥐᥱ ။ ᥙᥨᥝᥰ ᥕᥝᥳ ᥘᥖᥴ ᥛᥫᥒᥰ ᥛᥣᥝᥰ၊ ᥘᥛᥳ ᥑᥛᥰ ᥔᥥᥴ ᥕᥝᥳ ᥑᥪᥢᥰ ᥘᥭᥴ ᥘᥨᥒᥰ ᥓᥧᥰ ᥛᥫᥒᥰ ᥛᥤᥖ ။ ᥙᥩᥰ ᥗᥪᥒᥴ ᥖᥤ ᥘᥛᥳ ᥑᥩᥭ ᥕᥝᥳ ᥘᥭᥴ ᥑᥪᥢᥰ ᥘᥭᥲ ᥑᥪᥢᥲ ᥐᥣᥱ ᥘᥣᥲ ᥖᥣᥒᥰ ᥞᥩᥒᥱ ᥔᥥᥴ ᥕᥝᥳ ᥐᥣᥱ ᥓᥧᥰ ᥛᥣᥢᥲ ᥟᥤᥢᥰ ᥞᥣᥒᥱ ᥕᥣᥢᥴ ᥖᥒᥰ ᥘᥛᥳ ᥐᥥᥝ ᥛᥩᥐ 20 ᥘᥐᥴ ᥔᥥᥴ ᥑᥪᥢᥰ ᥘᥭᥴ ᥔᥧᥱ ᥓᥧᥰ ᥘᥛᥳ ᥐᥥᥝ ᥐᥣᥱ။ ᥐᥩᥙ ᥘᥭᥴ ᥘᥦᥲ ᥖᥤᥴ ᥘᥭᥲ ᥝᥣ ᥘᥛᥳ ᥛᥣᥝᥰ ᥘᥭᥳ ᥙᥥᥢ ᥛᥥ ᥘᥛᥳ ᥟᥢ ᥘᥩᥒᥱ ᥔᥣᥢᥴ ᥙᥢ ᥘᥦᥢ ᥛᥫᥒᥰ ᥑᥥᥱ၊ ᥛᥫᥒᥰ ᥖᥭᥰ ᥘᥦᥲ ᥛᥫᥒᥰ ᥑᥣᥒᥴ ᥘᥭᥴ ᥐᥩᥲ ᥝᥣ ᥘᥭᥲ ᥕᥧᥱ ᥕᥝᥳ။
ᥞᥨᥝᥴ ᥘᥙᥳ ᥐᥨᥢᥰ[edit | edit source]
ᥖᥤ ᥗᥧᥒᥳ ᥘᥛᥳ ᥛᥣᥝᥰ ᥘᥢᥳ ᥛᥤᥰ ᥐᥨᥢᥰ ᥑᥫᥰ ᥖᥭᥰ ᥘᥦᥲ ᥐᥨᥢᥰ ᥑᥫᥰ ᥙᥣ ᥘᥩᥒ ᥖᥫᥳ ᥟᥣᥒᥲ ᥘᥛᥴ ᥖᥤ ᥔᥧᥖᥴ ᥔᥤᥴ ᥙᥫᥢ ᥕᥝᥳ။ ᥘᥫᥴ ᥘᥢᥳ ᥐᥩᥲ ᥛᥤᥰ ᥙᥣᥰ ᥐᥨᥢᥰ ᥑᥫᥰ ᥑᥣᥒᥴ ᥘᥦᥲ ᥐᥨᥢᥰ ᥑᥫᥰ ᥑᥥᥱ ᥕᥧᥱ ᥖᥣᥢᥱ ᥖᥣᥢᥱ ᥝᥭᥳ ᥕᥝᥳ။
ᥓᥫᥳ ᥜᥢᥰ[edit | edit source]
ᥘᥭᥲ ᥞᥢᥴ ᥛᥤᥰ ᥝᥭᥳ ᥘᥨᥐᥳ ᥛᥥᥝᥰ ᥕᥧᥱ ᥓᥩᥛᥰ ᥘᥛᥳ ᥓᥫᥰ ᥟᥢ ᥕᥧᥱ ᥘᥬᥰ ᥔᥥᥢᥲ ᥖᥨᥝ ᥔᥖᥴ ᥑᥦᥙᥳ ᥑᥝᥴ ᥛᥤᥰ ᥓᥩᥛᥰ ᥓᥫᥰ ᥘᥛᥳ ᥛᥣᥝᥰ ᥝᥭᥳ ᥕᥧᥱ။ ᥔᥥᥴ ᥟᥛᥱ ᥐᥣᥰ ᥟᥩᥒᥲ ᥟᥢ ᥐᥬᥲ ᥓᥛ ᥖᥒᥰ ᥘᥛᥳ ᥐᥥᥝ ᥘᥢᥳ ᥓᥛᥰ ᥛᥣᥒ ᥛᥫ ᥛᥣᥒ ᥙᥩᥐ ᥐᥭᥳ ᥘᥭᥲ ᥞᥢᥴ ᥙᥣ ᥒᥣᥝᥰ ᥘᥛᥳ ᥐᥥᥝ ᥑᥣᥭᥳ ᥕᥣᥭᥳ ᥐᥣᥱ ᥛᥣᥰ ᥕᥧᥱ ᥘᥒᥱ ᥐᥝᥱ ᥕᥝᥳ။
ᥝᥥᥒᥰ ᥘᥛᥱ ᥘᥩᥒ ᥓᥫᥰ ᥛᥤᥰ ᥓᥩᥛᥰ ᥔᥣᥭᥴ ᥘᥛᥳ ᥛᥣᥝᥰ[edit | edit source]
- ᥛᥧᥱ ᥓᥥ
- ᥘᥛᥳ ᥑᥛᥰ
- ᥛᥫᥒᥰ ᥛᥤᥖ
- ᥛᥣᥢᥲ ᥙᥥᥒᥰ
ᥘᥩᥒ ᥞᥥᥖᥱ ᥟᥩᥐᥱ ᥜᥭᥰ ᥜᥣᥳ ᥖᥤ ᥑᥥᥰ ᥘᥛᥳ ᥛᥣᥝᥰ[edit | edit source]
ᥞᥨᥒᥰ ᥜᥭᥰ ᥜᥣᥳ ᥕᥨᥭᥱ ᥘᥤᥱ(1) ᥘᥭᥳ ᥛᥤᥰ ᥕᥧᥱ ᥘᥫᥴ ᥛᥥ ᥘᥛᥳ ᥛᥣᥝᥰ ᥖᥤ ᥙᥩᥖᥴ ᥖᥣᥒᥰ ᥖᥨᥐᥱ ᥝᥥᥒᥰ ᥘᥛᥳ ᥑᥛᥰ ᥟᥢ ᥞᥣᥒᥱ ᥐᥭ 17 ᥘᥐᥴ ᥘᥢᥳ ᥕᥝᥳ။ ᥙᥥᥢ ᥞᥨᥒᥰ ᥓᥣᥐ ᥟᥩᥢ ᥖᥣᥒᥰ ᥔᥧᥖᥰ ᥙᥫᥢ ᥟᥢ ᥟᥝ ᥒᥪᥢᥰ ᥘᥨᥒᥰ ᥖᥪᥢᥰ ᥘᥣᥒᥰ ᥖᥤ ᥑᥥᥱ ᥔᥥᥴ ᥐᥨᥝᥱ ᥔᥣᥒᥲ ᥝᥭᥳ ᥕᥝᥳ။ ᥜᥣᥭᥱᥘᥨᥒᥴᥙᥩᥒᥓᥪᥒᥲᥛᥫᥒᥰᥛᥣᥢᥔᥛᥳ ᥘᥨᥒᥰ ᥖᥪᥢᥰ ᥘᥣᥒᥰ ᥐᥣᥱ 15% ᥔᥥᥴ ᥜᥣᥭᥱ ᥛᥫᥒᥰ ᥑᥥᥱ ᥟᥢ ᥙᥥᥢ ᥑᥩᥛᥱ ᥙᥢᥱ ᥢᥤᥱ ရွှေလီ(၁)ရေအားလျပ်စစ်ဓာတ်အားပေးစက်ရုံသည် နမ့်ခမ်းမြို့အနောက်တောင်ဖက် ၁၇ မိုင်ခန့်အကွာတွင် ရေွှလီမြစ်ပေါ်တွင်တည်ရှိသည်။ တရုတ်ရင်းနှီးမြုပ်နှံမှုဖြင့် Yunnan United Power Development ᥘᥢᥳ ᥔᥛᥳ ᥘᥨᥒᥰ ᥖᥪᥢᥰ ᥘᥣᥒᥰ ᥐᥣᥱ 85% ᥔᥥᥴ ᥕᥝᥳ ᥞᥨᥛ ᥐᥢ ᥐᥨᥝᥱ ᥔᥣᥒᥲ ᥝᥭᥳ ᥕᥧᥱ ᥕᥝᥳ။ᥖᥥᥱ ᥚᥦᥢᥴ ᥐᥣᥢᥐᥨᥝᥱ ᥔᥣᥒᥲ ᥛᥣᥰ ᥛᥫ ᥙᥤ 2004 ᥘᥢᥳ ᥔᥥᥴ ᥙᥫᥖᥱ ᥚᥧᥭᥱ ᥞᥨᥒᥰ ᥓᥣᥐ ᥜᥭᥰ ᥜᥣᥳ ᥘᥢᥳ ᥛᥣᥰ ᥛᥫ ᥙᥤ 2008 ᥘᥤᥲ။ ᥞᥦᥒᥰ ᥓᥣᥐ ᥛᥢᥰ ᥖᥥᥳ ᥐᥩᥲ ᥟᥩᥐᥱ ᥞᥦᥒᥰ ᥜᥭᥰ ᥜᥣᥳ ᥘᥭᥲ 600 ᥛᥦᥐᥳ ᥐᥣᥱ ᥝᥩᥖᥳ။ ᥙᥩᥰ ᥝᥣ ᥝᥣᥭᥰ ᥔᥥᥴ ᥞᥨᥒᥰ ᥜᥭᥰ ᥜᥣᥳ ᥖᥤ ᥕᥥᥰ ᥕᥣᥱ ᥕᥝᥳ ᥘᥢᥳ ᥞᥨᥒᥰ ᥜᥭᥰ ᥜᥣᥳ ᥖᥤ ᥘᥫᥴ ᥛᥥ ᥘᥛᥳ ᥛᥣᥝᥰ ᥘᥭᥳ ᥙᥥᥢ ᥟᥢ ᥕᥬᥱ ᥔᥥᥴ ᥙᥫᥢ ᥘᥬᥰ ᥛᥫᥒᥰ ᥛᥣᥢ ᥘᥭᥴ ᥕᥝᥳ။ ᥙᥨᥝᥰ ᥟᥝ ᥖᥒᥰ ᥙᥤ ᥝᥣ ᥞᥦᥒᥰ ᥞᥥᥖᥱ ᥟᥩᥐᥱ ᥛᥢᥰ ᥘᥛᥴ ᥔᥥᥴ ᥞᥨᥒᥰ ᥜᥭᥰ ᥜᥣᥳ ᥖᥤ ᥕᥥᥰ ᥕᥣᥱ ᥔᥥᥴ ᥕᥝᥳ ᥕᥝᥳ ᥙᥥᥢ ᥟᥢ ᥟᥩᥐᥱ ᥘᥛᥴ ᥖᥤ ᥔᥧᥖᥱ ᥘᥬᥰ ᥛᥫᥒᥰ ᥛᥣᥢ ᥕᥝᥳ။ ᥞᥦᥒᥰ ᥜᥭᥰ ᥜᥣᥳ ᥟᥢ ᥞᥥᥖᥱ ᥟᥩᥐᥱ ᥛᥣᥰ ᥘᥢᥳ ᥔᥛᥳ ᥑᥪᥢᥰ ᥘᥧᥐ ᥖᥤ ᥐᥤᥒᥱ ᥞᥨᥒᥰ ᥜᥭᥰ ᥜᥣᥳ ᥛᥣᥢᥱ ᥓᥣᥛᥴ ᥘᥦᥲ ᥐᥤᥒᥱ ᥞᥨᥒᥰ ᥜᥭᥰ ᥜᥣᥳ ᥔᥨᥭᥱ ᥓᥣᥱ ᥕᥣᥢᥱ ᥔᥥᥴ ᥕᥝᥳ ᥑᥪᥢᥰ ᥔᥨᥒᥱ ᥙᥪᥢ ᥙᥢ ᥖᥤ ᥜᥣᥭᥱ ᥜᥭᥰ ᥜᥣᥳ ᥛᥫᥒᥰ ᥛᥣᥢ။ ᥕᥒᥰ ᥑᥣᥭᥴ ᥙᥢ ᥙᥣᥰ ᥜᥣᥭᥱ ᥜᥭᥰ ᥜᥣᥳ ᥛᥫᥒᥰ ᥕᥧᥱ ᥢᥣᥢᥱ ᥖᥤ ᥛᥫᥒᥰ ᥑᥥᥱ ᥘᥧᥰ ᥑᥢᥴ ᥕᥝᥳ။ ᥘᥩᥐ ᥘᥭᥳ ᥐᥩᥲ ᥕᥒᥰ ᥑᥣᥭᥴ ᥓᥧᥰ ᥖᥨᥝᥱ ᥖᥤ ᥞᥨᥒᥰ ᥓᥣᥐ ᥢᥤᥱ ᥐᥥᥱ ᥖᥤ ᥘᥩᥭ ᥖᥣ ᥐᥩᥒ ᥟᥢ ᥟᥝ ᥒᥪᥢᥰ ᥖᥪᥢᥰ ᥘᥣᥒᥰ ᥖᥤ ᥛᥫᥒᥰ ᥑᥥᥱ ᥔᥥᥴ ᥐᥨᥝᥱ ᥔᥣᥒᥲ ᥝᥭᥳ ᥘᥢᥳ ᥙᥣᥰ ᥗᥦᥒᥲ။ ᥕᥣᥛᥰ ᥓᥒᥱ ᥘᥭᥳ ᥖᥥᥳ ᥐᥩᥲ ᥞᥨᥛ ᥐᥢ ᥖᥒᥰ ᥛᥫᥒᥰ ᥑᥥᥱ ᥔᥥᥴ ᥕᥝᥳ ᥘᥨᥒᥴ ᥙᥩᥒ ᥓᥪᥒ ᥛᥫᥒᥰ ᥛᥣᥢ ᥖᥪᥐᥳ ᥐᥩᥝᥱ ᥔᥣᥒᥲ ᥞᥨᥒᥰ ᥜᥭᥰ ᥜᥣᥳ ᥘᥛᥳ ᥛᥣᥝᥰ(ᥕᥨᥭᥱ ᥘᥤᥱ)ᥛᥣᥭᥴ (2) ᥘᥦᥲ ᥞᥨᥒᥰ ᥜᥭᥰ ᥜᥣᥳ ᥘᥛᥳ ᥛᥣᥝᥰ ᥛᥣᥭᥴ (3) ᥟᥢ ᥘᥨᥒᥴ ᥙᥩᥒ ᥓᥪᥒ ᥛᥣᥢ ᥙᥫᥒᥱ ᥒᥛᥰ ᥘᥢᥳ ᥝᥭᥳ ᥕᥧᥱ။
ᥘᥩᥒ ᥐᥫᥐᥱ ᥙᥪᥢᥰ ᥘᥛᥳ ᥛᥣᥝᥰ[edit | edit source]
ᥔᥣᥙᥱ ᥘᥛᥳ ᥛᥣᥝᥰ ᥘᥭᥳ ᥛᥤᥰ ᥘᥩᥒ ᥐᥪᥐᥱ ᥙᥪᥢᥰ ᥖᥭᥰ ᥕᥬᥱ ᥑᥪᥐᥳ ᥘᥨᥒᥴ ᥛᥣᥰ ᥕᥧᥱ။ ᥘᥬᥰ ᥙᥪᥢᥰ ᥔᥥᥢᥲ ᥝᥤᥴ ᥝᥣ ᥝᥭᥳ ᥐᥩᥙ ᥙᥫ ᥘᥨᥐ ᥘᥨᥒᥴ ᥟᥝ ᥘᥣᥒᥰ ᥛᥫᥒᥰ ᥙᥣᥱ ᥘᥣᥱᥘᥣᥳ ᥔᥤᥱ ᥙᥢᥱ ᥘᥥᥙ ᥛᥣᥰ ᥘᥫᥴ ᥘᥛᥳ ᥘᥭᥳ ᥘᥦᥲ ᥓᥒᥱ ᥞᥤᥐ ᥓᥪ ᥝᥣ "ᥘᥛᥳ ᥛᥣᥝᥰ" ၊ ᥝᥣᥭᥰ ᥘᥭᥳ ᥓᥒᥱ ᥘᥦᥐ ᥘᥣᥭ ᥞᥩᥒᥳ ᥝᥣ ᥘᥛᥳ ᥛᥣᥝᥰ"ᥘᥭᥴ ᥕᥝᥳ။ ᥑᥫᥰ ᥑᥧᥢᥴ ᥟᥢ ᥘᥭᥲ ᥛᥣᥰ ᥖᥒᥲ ᥛᥣᥢᥲ ᥛᥫᥒᥰ ᥐᥪᥐᥱ ᥙᥪᥢᥰ ᥐᥣᥱ ᥟᥢ ᥓᥪ ᥔᥥᥒᥴ ᥐᥪᥐᥱ ᥙᥪᥢᥰ ᥓᥛᥳ
- ᥟᥥᥱ ᥖᥤᥱ (764-952) ᥔᥣᥭᥴ ᥔᥪᥙᥱ ᥑᥧᥢᥴ ᥖᥪᥒᥰ ᥑᥛᥰ
- ᥟᥥᥱ ᥖᥤᥴ (957-1400) ᥔᥣᥭᥴ ᥔᥪᥙᥱ ᥑᥧᥢᥴ ᥖᥣᥭᥱ ᥑᥣᥢᥱ
- ᥟᥥᥱ ᥖᥤᥱ (1311-1420) ᥔᥣᥭᥴ ᥔᥪᥙᥱ ᥓᥝᥲ ᥔᥫᥴ ᥑᥣᥢᥱ ᥜᥣᥳ ᥓᥫᥰ ᥘᥭᥳ ᥕᥝᥳ။
ᥐᥥᥒᥱ ᥘᥛᥳ ᥛᥣᥝᥰ[edit | edit source]
ᥘᥩᥒ ᥕᥧᥒᥱ ᥖᥪᥰ ᥘᥛᥳ ᥛᥣᥝᥰ=[edit | edit source]
ᥙᥫᥒ ᥟᥤᥒ[edit | edit source]
en.wikipedia.org
[[Category:]]