Wp/tdd/ᥖᥬᥲ ᥑᥨᥒᥰ ᥟᥩᥒᥲ ᥞᥣᥒ ᥘᥤ ᥔᥥᥱ ᥔᥣᥱ
ᥖᥬᥲ ᥑᥨᥒᥰ ᥟᥩᥒᥲ ᥞᥣᥒ ᥘᥤ ᥔᥥᥱ ᥔᥣᥱ
ᥔᥣᥢᥰ ᥖᥦᥛᥲ[edit | edit source]
ᥑᥩᥒᥴ ᥕᥦᥝ
ᥔᥣᥢᥰ ᥔᥥᥒᥴ[edit | edit source]
ᥡᥝᥱ ᥚᥫᥒ ᥓᥤᥲ
ᥞᥩᥒᥳ ᥑᥣᥛᥰ[edit | edit source]
ᥘᥣᥒᥰ ᥟᥥᥴ ᥙᥩᥭᥰ
ᥔᥣᥭᥴ ᥝᥢᥰ ᥞᥫ ᥖᥩᥒᥱ ᥑᥥᥰ ᥚᥩᥒᥰ ᥔᥬᥴ ᥔᥩᥒᥱ
ᥛᥫᥢᥴ ᥙᥦᥒ ᥔᥦᥒᥴ ᥘᥦᥒᥰ ᥟᥩᥢᥱ ᥘᥩᥰ
ᥙᥣᥒ ᥐᥩᥒᥰ ᥛᥧᥰ ᥘᥨᥛᥰ ᥕᥥᥢ ᥞᥫ ᥞᥫᥒᥰ ᥙᥫᥒᥰ ᥔᥬᥴ ᥖᥨᥢᥲ ᥛᥩᥐᥱ ᥞᥣᥒ ᥘᥤ
ᥘᥤ ᥖᥨᥭᥰ ᥖᥨᥢᥲ ᥛᥩᥐᥱ ᥞᥤᥛᥰ ᥖᥤᥢ ᥘᥣᥲ ᥝᥣᥒᥰ ᥓᥩᥒᥰ ᥘᥨᥒᥴ ᥔᥣ ᥘᥩᥰ
ᥔᥥᥒᥴ ᥐᥩᥒ ᥛᥨᥝᥰ ᥖᥩᥢᥲ ᥓᥬ ᥕᥣᥛᥰ ᥑᥤᥒᥱ ᥛᥫ ᥘᥬᥰ ᥙᥩᥭᥰ ᥖᥬᥲ ᥑᥨᥒᥰ ᥛᥫᥒᥰ ᥕᥧᥱ ᥘᥤ
ᥐᥧ ᥟᥣ ᥛᥥᥝᥰ ᥞᥨᥛ ᥔᥝᥰ ᥙᥥᥒᥰ ᥚᥥᥢᥱ
ᥛᥫ ᥕᥣᥛᥰ ᥘᥭᥳ ᥜᥤᥒᥲ ᥙᥦᥒ ᥛᥬᥱ ᥘᥩᥰ
ᥛᥣᥢᥲ ᥔᥨᥢᥴ ᥛᥬᥱ ᥓᥬ ᥑᥨᥝᥰ ᥘᥩ ᥑᥣᥛᥰ ᥞᥩᥒᥳ ᥐᥨᥙᥱ ᥕᥒ ᥝᥣᥭᥰ
ᥖᥬᥲ ᥑᥨᥒᥰ ᥘᥩᥰ ᥙᥥᥢ ᥛᥫᥒᥰ ᥖᥭᥰ ᥞᥝᥰ ᥘᥩᥰ
ᥖᥨᥢᥲ ᥞᥧᥒᥰ ᥑᥣ ᥖᥣᥐᥱ ᥙᥩᥰ ᥛᥫᥢᥴ ᥖᥩᥒᥱ ᥕᥧᥒᥰ ᥑᥛᥰ ᥐᥤ
ᥔᥥᥒᥴ ᥘᥨᥐ ᥞᥩᥒᥳ ᥛᥨᥝᥰ ᥘᥤ ᥗᥩᥛᥱ ᥘᥩᥰ
ᥙᥣᥒ ᥘᥬᥰ ᥙᥩᥭᥰ ᥝᥢᥰ ᥙᥥᥝᥱ ᥛᥨᥢ ᥙᥤ ᥘᥩᥒᥳ ᥖᥒᥰ ᥘᥣᥭᥴ
ᥟᥣ ᥞᥣ ᥘᥩᥰ
ᥐᥣᥲ ᥙᥢᥱ ᥐᥩᥒ ᥔᥫᥰ ᥓᥬ ᥘᥤ ᥖᥨᥭᥰ ᥞᥩᥢᥴ ᥔᥩᥒᥱ ᥕᥧᥒᥰ ᥑᥛᥰ ᥞᥛᥰ ᥙᥤᥐᥴ ᥛᥥᥢ ᥓᥩᥢᥱ ᥟᥪᥒᥱ ᥛᥫᥒᥰ ᥖᥭᥰ ᥞᥝᥰ ᥔᥣ ᥘᥩᥰ
ᥘᥦᥢ ᥘᥤᥢ ᥘᥣᥰ ᥞᥝᥰ ᥘᥤ ᥐᥧ ᥚᥣᥭᥱ ᥘᥭᥲ ᥞᥪᥒᥰ ᥗᥣᥰ
ᥛᥫᥒᥰ ᥖᥭᥰ ᥘᥭᥲ ᥛᥬᥱ ᥔᥧᥒᥴ ᥛᥣᥰ
ᥙᥫᥒ ᥟᥤᥒ[edit | edit source]
ᥘᥬᥰ ᥑᥦᥙᥱ ᥑᥣᥛᥰ ᥘᥣᥒᥰ ᥟᥥᥴ ᥙᥩᥭᥰ