Wp/tdd/ᥑᥣᥛᥰ ᥟᥤᥒᥰ ᥐᥣ ᥘᥥᥖᥳ
ᥘᥤᥐ ᥟᥤᥒᥰ ᥐᥣ ᥘᥥᥖᥳ (ᥚᥣᥱ ᥔᥣᥱ ᥛᥣᥢ: အင်္ဂလိပ်စာ) ᥑᥣᥛᥰ ᥟᥥᥒᥰ ᥐᥣ ᥘᥥᥖᥳ ᥘᥭᥳ ᥐᥣᥙ ᥙᥣᥢ ᥕᥣᥛᥰ ᥘᥥᥝ ᥘᥬᥰ ᥐᥛᥱ ᥚᥣᥱ ᥘᥭᥳ ᥐᥨᥢᥰ ᥓᥬᥳ ᥖᥪᥰ ᥘᥛᥴ ᥔᥤᥴ ᥙᥫᥢ ᥕᥝᥳ. ᥐᥨᥢᥰ ᥘᥬᥰ ᥐᥛᥱ ᥚᥣᥱ ᥕᥣᥛᥰ ᥘᥥᥝ ᥐᥩᥲ ᥟᥩᥢ ᥐᥢ ᥓᥬᥳ ᥖᥪᥰ ᥑᥣᥛᥰ ᥟᥥᥒᥰ ᥐᥣ ᥘᥥᥖ ᥔᥥᥴ ᥖᥣᥢᥲ ᥖᥨᥝᥱ ᥐᥙᥴ ᥔᥪᥙᥱ ᥐᥢ ᥕᥧᥱ. ᥑᥣᥛᥰ ᥟᥥᥒᥰ ᥐᥣ ᥘᥥᥖᥳ ᥘᥭᥳ ᥙᥥᥢ ᥑᥣᥛᥰ ᥓᥣᥱ ᥛᥣᥱ ᥢᥤᥱ ᥙᥩᥖᥴ ᥖᥨᥐᥱ ᥔᥩᥒᥴ ᥟᥢ ᥘᥢᥳ ᥕᥝᥳ. ᥑᥣᥛᥰ ᥓᥣᥱ ᥛᥣᥱ ᥢᥤᥱ ᥙᥩᥖ ᥖᥨᥐᥱ ᥔᥩᥒᥴ ᥟᥢ ᥘᥢᥳ ᥖᥥᥳ ᥙᥥᥢ ᥑᥣᥛᥰ ᥖᥣᥖ ᥖᥒᥰ ᥓᥣᥱ ᥛᥣᥢᥱ ᥓᥫᥒᥳ ᥘᥒᥱ ᥐᥨᥒᥰ ᥑᥣᥛᥰ ᥟᥤᥢᥱ ᥖᥨᥝᥱ ᥕᥧᥰ ᥘᥨᥙ ᥘᥢᥳ ᥕᥝᥲ. ᥘᥤᥐ ᥟᥥᥒᥰ ᥐᥣ ᥘᥤᥖ ᥘᥭᥳ ᥘᥬᥰ ᥐᥛᥱ ᥚᥣᥱ ᥘᥭᥳ ᥙᥥᥢ ᥘᥤᥐ ᥟᥢ ᥙᥫᥢ ᥓᥬᥳ ᥖᥪᥰ ᥘᥬᥰ ᥘᥧᥛᥰ ᥘᥛᥴ ᥔᥤᥴ ᥙᥫᥢ ᥘᥛᥱ ᥙᥣᥖ ᥔᥩᥒᥴ ᥕᥝᥳ. ᥘᥣᥭᥰ ᥖᥦᥛᥲ ᥘᥤᥐ ᥑᥝᥴ ᥖᥥᥳ ᥙᥥᥢ ᥘᥣᥭᥰ ᥖᥦᥛᥲ ᥘᥤᥐᥳ ᥘᥦᥖ ᥖᥤᥢᥱ. ᥛᥫ ᥟᥥᥱ ᥖᥤᥱ 450 ᥘᥢᥳ ᥑᥣᥛᥰ ᥟᥤᥒᥰ ᥐᥣ ᥘᥤᥖ ᥘᥭᥳ ᥘᥧᥐ ᥖᥤ ᥐᥨᥢᥰ ᥟᥣ ᥛᥥᥝᥰ ᥑᥫᥰ ᥓᥣᥱ ᥛᥣᥱ ᥢᥤᥱ ᥔᥥᥴ ᥞᥩᥖ ᥗᥪᥒᥴ ᥛᥣᥰ ᥖᥤ ᥛᥫᥒᥰ ᥙᥣ ᥘᥤᥖᥳ ᥖᥥᥒᥱ ᥕᥝᥳ. ᥑᥣᥛᥰ ᥓᥣᥱ ᥛᥣᥢᥱ ᥘᥭᥳ ᥖᥥᥳ ᥙᥥᥢ ᥑᥣᥛᥰ ᥟᥒᥱ ᥐᥣᥱ ᥘᥨᥝᥱ ᥔᥦᥖ ᥔᥩᥢ Anglo-Saxon ᥟᥢ ᥙᥥᥢ ᥑᥣᥛᥰ ᥐᥝᥱ ᥐᥥᥱ ᥟᥤᥒᥰ ᥐᥣ ᥘᥤᥖ ᥑᥝᥴ ᥔᥥᥴ ᥐᥨᥢᥰ ᥑᥫᥰ ᥓᥣᥱ ᥛᥣᥱ ᥢᥤᥱ ᥑᥝᥴ ᥘᥣᥖ ᥑᥣᥛᥰ ᥟᥢ ᥘᥢᥳ ᥕᥝᥳ. ᥑᥣᥛᥰ ᥟᥤᥒᥰ ᥐᥣ ᥘᥤᥖ ᥙᥣᥢ ᥛᥬᥱ ᥘᥭᥳ ᥖᥥᥳ ᥐᥨᥢᥰ ᥘᥬᥰ ᥐᥛᥱ ᥚᥣᥱ ᥖᥒᥰ ᥘᥛᥴ ᥟᥩᥢ ᥐᥢ ᥓᥬᥳ ᥖᥪᥰ ᥘᥣᥖ ᥝᥭᥳ ᥕᥧᥱ. ᥐᥨᥢᥰ ᥟᥢ ᥘᥣᥖ ᥑᥣᥛᥰ ᥟᥥᥒᥰ ᥐᥣ ᥘᥥᥖ ᥛᥤᥰ ᥕᥧᥱ 350 ᥘᥣᥢᥳ ᥔᥥᥴ ᥐᥨᥢᥰ ᥘᥫᥒ ᥘᥣᥢᥳ ᥘᥢᥳ ᥜᥥᥐᥱ ᥞᥥᥢᥰ ᥑᥣᥛᥰ ᥟᥥᥒᥰ ᥐᥣ ᥘᥥᥖ ᥝᥭᥳ ᥕᥧᥱ ᥔᥥᥴ ᥖᥥᥴ ᥘᥭᥲ ᥝᥣ ᥛᥢᥰ ᥚᥥ ᥖᥫᥢᥰ ᥞᥨᥛᥱ ᥘᥨᥛᥲ ᥑᥣᥛᥰ ᥙᥫᥢ ᥕᥧᥱ.