Wp/tdd/ᥑᥣᥛᥰ ᥙᥣᥖ ᥔᥢᥱ ᥘᥣᥱ

ᥓᥣᥳ ᥞᥨᥛ ᥑᥤᥴ, ᥘᥤ ᥞᥨᥛ ᥓᥨᥛᥰ.

ᥓᥣᥳ ᥙᥣᥰ ᥘᥤ, ᥑᥤᥴ ᥙᥣᥰ ᥓᥨᥛᥰ.

ᥓᥣᥳ ᥛᥥᥰ ᥞᥭᥱ ᥛᥨᥝᥲ ᥘᥦᥝᥴ, ᥓᥣᥳ ᥛᥦᥝᥴ ᥟᥝ ᥟᥤᥰ ᥔᥣᥖᥱ.

ᥓᥬ ᥐᥨᥢᥰ ᥟᥛᥱ ᥞᥨᥛ ᥗᥨᥭᥲ, ᥐᥤᥢ ᥐᥨᥭᥲ ᥐᥙᥴ ᥐᥫ ᥕᥒ ᥛᥤᥰ.

ᥓᥬ ᥘᥛ ᥘᥩᥢᥰ ᥟᥛᥱ ᥘᥙᥴ, ᥓᥬ ᥓᥙᥴ ᥘᥩᥢᥰ ᥟᥛᥱ ᥘᥭᥲ.

ᥓᥬ ᥙᥥᥝᥱ ᥓᥒᥱ ᥙᥤᥰ, ᥛᥤᥰ ᥒᥫᥢᥰ ᥓᥒᥱ ᥐᥭᥳ.

ᥓᥬᥳ ᥙᥫᥢ ᥟᥛᥱ ᥓᥬᥳ ᥘᥣᥭ, ᥝᥣᥭᥰ ᥘᥒᥴ ᥓᥒᥱ ᥛᥣᥰ ᥗᥦᥒᥲ.

ᥓᥝᥲ ᥐᥤᥢ ᥝᥣ ᥓᥝᥲ ᥛᥐ, ᥑᥣᥲ ᥐᥤᥢ ᥝᥣ ᥑᥣᥲ ᥞᥤᥖ.

ᥓᥝᥲ ᥘᥣᥰ ᥛᥩᥒᥰ ᥜᥨᥢᥴ, ᥓᥝᥲ ᥐᥤᥰ ᥛᥩᥒᥰ ᥙᥩᥭᥰ.

ᥓᥝᥲ ᥟᥛᥱ ᥕᥩᥒᥲ ᥑᥩᥒᥴ ᥟᥛᥱ ᥐᥣ, ᥓᥝᥲ ᥟᥛᥱ ᥔᥣ ᥑᥩᥒᥴ ᥟᥛᥱ ᥙᥨᥝᥰ.

ᥓᥣᥒ ᥟᥨᥙᥱ ᥔᥪᥳ ᥘᥭᥲ ᥙᥨᥝᥰ, ᥓᥣᥒ ᥕᥨᥝᥰ ᥑᥣᥭᥴ ᥘᥭᥲ ᥐᥣ.

ᥓᥝᥲ ᥙᥤ ᥘᥩᥒᥳ, ᥑᥩᥒᥴ ᥟᥛᥱ ᥙᥤ ᥘᥩᥒᥳ, ᥞᥐ ᥐᥢ ᥞᥬᥲ ᥙᥢ ᥘᥣᥭ, ᥔᥪᥳ ᥑᥣᥭᥴ ᥞᥬᥲ ᥛᥫᥢᥴ ᥙᥫᥢ.