Wp/syl/ꠢꠣꠞꠋ ꠢꠥꠞꠋ

‘‘‘ꠢꠣꠞꠋ ꠢꠥꠞꠋ’’’ ꠅꠁꠟꠧ ꠛꠣꠋꠟꠣꠖꠦꠡꠧꠞ ꠍꠤꠟꠦꠐ ꠄꠟꠣꠇꠣꠞ ꠄꠇꠐꠣ ꠀꠉꠅꠞꠣꠝꠟꠤ ꠉꠥꠢꠣ ⁕ ꠢꠣꠞꠋ ꠢꠥꠞꠋ ꠡꠛ꠆ꠖ ꠖꠥꠁꠐꠣ ꠍꠤꠟꠦꠐꠧꠞ ꠀꠘ꠆ꠌꠟꠤꠇ ꠖꠥꠁꠐꠣ ꠀꠉꠅꠞꠣꠝꠟꠤ ꠡꠛ꠆ꠖ ⁕ ꠍꠤꠟꠦꠐꠤ ꠜꠣꠡꠣꠄ ‘ꠢꠣꠞꠋ’ ꠅꠞ꠆ꠕ ꠢꠣꠈꠝ ꠛꠣ ꠚꠣꠔꠣꠞꠤ ꠙꠕ ꠀꠞ ‘ꠢꠥꠞꠋ’ ꠝꠣꠘꠦ ‘ꠢꠥꠞꠋꠥꠉ’ ⁕ ‘ꠢꠣꠞꠋ ꠢꠥꠞꠋ’ ꠡꠛ꠆ꠖ ꠖꠤ ꠚꠣꠔꠣꠞꠤ ꠙꠕ ꠛꠥꠏꠣꠄ ⁕ ꠝꠣꠘꠡꠦ ꠇꠄ ꠨ ١৩০৩ ꠡꠣꠟꠧ ꠞꠣꠎꠣ ꠉꠃꠠ ꠉꠛꠤꠘ꠆ꠖ ꠎꠦꠛꠟꠣ ꠢꠎꠞꠔ ꠡꠣꠎꠣꠟꠣꠟꠧꠞ (ꠞ.) ꠈꠛꠞ ꠙꠣꠁꠘ ꠎꠦ ꠔꠣꠁꠘ ꠍꠤꠟꠐ ꠀꠁꠍꠁꠘ ꠨ ꠢꠃꠡꠝꠄ ꠔꠣꠁꠘ ꠐꠤꠟ꠆ꠟꠣꠞ ꠍꠤꠙꠣꠛꠣꠄ ꠅꠃ ꠢꠥꠞꠋ ꠖꠤ ꠎꠣꠁꠛꠣꠞ ꠛꠣꠖꠦ ꠔꠣꠘ ꠀꠞ ꠈꠛꠞ ꠝꠤꠟꠦ ꠘꠣ ⁕

ꠝꠥꠟ

ꠢꠥꠞꠋ ꠅꠁꠟꠧ ꠢꠤꠋ ꠡꠛ꠆ꠖꠧꠞ ꠍꠤꠟꠦꠐꠤ ꠞꠥꠚ ꠀꠞ ꠍꠤꠟꠐ ꠅ ꠡꠥꠘꠣꠝꠉꠘ꠆ꠎ ꠄꠞꠤꠣꠞ ꠛꠃꠔ ꠎꠣꠉꠣꠔ ꠢꠣꠈꠝ ꠅꠞ꠆ꠕꠦ ꠢꠣꠞꠋ ꠈꠃꠀ ꠅꠃ ⁕ ꠅꠔꠣꠞꠟꠣꠉꠤ ꠢꠣꠈꠝ ꠖꠤ ꠎꠥꠖꠤ ꠇꠥꠘꠥ ꠚꠣꠔꠣꠞꠤ ꠙꠕ ꠛꠥꠏꠣꠁꠟ ꠅꠄ ꠨ ꠔꠦ ꠢꠣꠞꠋ ꠢꠥꠞꠋ ꠅꠞ꠆ꠕ ꠅꠁꠛꠧ ꠇꠥꠘꠧꠈꠣꠘꠧ ꠎꠣꠁꠛꠣꠞ ꠚꠣꠔꠣꠞꠤ ꠙꠕ ⁕ ꠛꠣꠉꠣꠘꠤ ꠅꠈꠟꠧꠞ ꠉꠦꠍꠦ ꠢꠣꠞꠋ ꠢꠥꠞꠋ ꠉꠃꠠ ꠉꠛꠤꠘ꠆ꠖ ꠞꠣꠗꠣ ꠉꠥꠢꠣ ꠘꠣꠝꠦ ꠛꠦꠡꠤ ꠎꠣꠘꠣ ꠙꠞꠤꠌꠤꠔ ⁕ ꠙꠞ꠆ꠔꠦꠇ ꠡꠘꠤ ꠝꠘ꠆ꠉꠟꠛꠣꠞ ꠁꠇꠣꠘꠧ ꠙꠥꠎꠣ ꠖꠦꠃꠀ ꠅꠄ ⁕