Wp/syl/ꠝꠥꠢꠣꠝ꠆ꠝꠖ ꠀꠔꠣꠃꠟ ꠉꠘꠤ ꠅꠍꠝꠣꠘꠤ

ꠁ ꠙꠣꠔꠣꠁꠈꠣꠘꠅ ꠀꠞꠅ ꠟꠇ ꠟꠣꠉꠛꠅ ꠎꠣꠌꠣꠁ ꠇꠞꠣꠞ ꠟꠣꠉꠤ ⁕ ꠖꠄꠀꠇꠞꠤ ꠁ ꠙꠣꠔꠣꠁꠈꠣꠘꠞ ꠃꠘ꠆ꠘꠔꠤ ꠇꠞꠂꠘ ꠛꠤꠡ꠆ꠡꠣꠇꠞꠣꠞ ꠝꠔꠘ ꠟꠇꠖꠤ ⁕ ꠟꠇꠍꠣꠠꠣ ꠎꠤꠘꠤꠡꠣꠁꠘ ꠌꠦꠟꠦꠘ꠆ꠎ ꠇꠞꠣ ꠅꠁꠔꠅ ꠙꠣꠞꠦ ꠀꠞ ꠄꠇꠛꠣꠞꠦ ꠢꠞꠣꠁꠟꠣꠅꠣ ꠅꠁꠔꠅ ꠙꠣꠞꠦ ⁕


ꠎꠘ꠆ꠝ	ꠍꠦꠙ꠆ꠐꠦꠝ꠆ꠛꠞ ꠖꠀꠝꠤꠞ ꠨ ꠅꠡꠝꠣꠘꠤ ꠘꠉꠞ ꠃꠙꠎꠦꠟꠣ ꠨ ꠍꠤꠟꠐ ꠎꠤꠟꠣ
ꠝꠤꠔ꠆ꠔꠥ	ꠚꠦꠛꠥꠀꠞꠁ ꠟꠘ꠆ꠒꠘ ꠨ ꠁꠋꠟꠦꠘ꠆ꠒ
ꠎꠣꠔꠤꠅꠔꠣ	ꠛꠤꠐꠤꠡ ꠜꠣꠞꠔꠤ ꠛꠣꠋꠟꠣꠖꠦꠡꠤ
ꠙꠖꠝꠞ꠆ꠎꠣꠖꠣ	ꠎꠦꠘꠣꠞꠦꠟ
ꠎꠥꠖ꠆ꠖ	ꠖꠤꠔꠤꠅ ꠛꠤꠡ꠆ꠡ ꠎꠥꠖ꠆ꠖ ꠜꠣꠞꠔ-ꠙꠣꠇꠤꠍ꠆ꠔꠣꠘ ꠎꠥꠖ꠆ꠖ ꠜꠣꠞꠔ-ꠙꠣꠇꠤꠍ꠆ꠔꠣꠘ ꠎꠥꠖ꠆ꠖ ꠛꠣꠋꠟꠣꠖꠦꠡꠞ ꠡꠣꠗꠤꠘꠔꠣ ꠎꠥꠖ꠆ꠖ

ꠝꠥꠢꠣꠝ꠆ꠝꠖ ꠀꠔꠣꠃꠟ ꠉꠘꠤ ꠅꠍꠝꠣꠘꠤ (ꠛꠣꠋꠟꠣꠄ:মুহাম্মদ আতাউল গণি ওসমানী), ꠎꠦꠁꠘ ꠎꠦꠘꠣꠞꠦꠟ ꠄꠝ ꠄ ꠎꠤ ꠅꠍꠝꠣꠘꠤ ꠘꠣꠝꠦ ꠛꠦꠡꠤ ꠙꠞꠤꠌꠤꠔ ( ꠍꠦꠙ꠆ꠐꠦꠝ꠆ꠛꠞ - ꠚꠦꠛꠥꠀꠞꠁ ) ꠨ ꠛꠣꠋꠟꠣꠖꠦꠡꠞ ꠝꠥꠇ꠆ꠔꠤꠎꠥꠖ꠆ꠖꠞ ꠡꠝꠄ ꠝꠥꠇ꠆ꠔꠤꠛꠣꠢꠤꠘꠤ ꠀꠞ ꠀꠞ꠆ꠝꠤꠞ ꠙ꠆ꠞꠗꠣꠘ ꠀꠍꠟꠣ ꠇꠞ꠆ꠘꠦꠟ ⁕

ꠎꠘ꠆ꠝ

ꠅꠡꠝꠣꠘꠤꠞ ꠎꠘ꠆ꠝ ꠡꠣꠟꠞ ꠟꠣ ꠍꠦꠙ꠆ꠐꠦꠝ꠆ꠛꠞ ꠡꠥꠘꠣꠝꠉꠘ꠆ꠎꠦ ⁕ ꠔꠣꠘ ꠛꠣꠙꠞ ꠛꠣꠠꠤ ꠍꠤꠟꠦꠐ ꠎꠦꠟꠣꠞ ꠛꠣꠟꠣꠉꠘ꠆ꠎ ꠕꠣꠘꠣꠞ (ꠅꠇꠢꠧꠘꠇꠥꠞ ꠅꠡꠝꠣꠘꠤ ꠘꠉꠞ ꠃꠙꠎꠦꠟꠣ) ꠖꠀꠝꠤꠞ ⁕ ꠔꠣꠘ ꠀꠛ꠆ꠛꠣꠞ ꠘꠣꠝ ꠈꠣꠘ ꠛꠣꠢꠣꠖꠥꠞ ꠝꠚꠤꠎꠥꠞ ꠞꠢꠝꠣꠘ ꠨ ꠝꠣꠞ ꠘꠣꠝ ꠎꠧꠛꠦꠖꠣ ꠈꠣꠔꠥꠘ ꠨ ꠈꠣꠘ ꠛꠣꠢꠣꠖꠥꠞꠞ ꠖꠥꠁ ꠚꠥꠀ ꠀꠞ ꠄꠇ ꠚꠥꠞꠤꠞ ꠝꠣꠏꠦ ꠅꠡꠝꠣꠘꠤ ꠀꠍꠟꠣ ꠢꠈꠟꠧꠞ ꠍꠥꠐ ⁕ ꠅꠡꠝꠣꠘꠤꠞ ꠎꠘ꠆ꠝ ꠡꠝꠄ ꠡꠣꠟ ꠈꠣꠘ ꠛꠣꠢꠣꠖꠥꠞ ꠝꠚꠤꠎꠥꠞ ꠞꠢꠝꠣꠘ ꠢꠃ ꠡꠝꠄꠇꠥꠞ ꠀꠡꠣꠝꠞ ꠡꠥꠘꠣꠝꠉꠘ꠆ꠎ ꠡꠖꠞ ꠝꠢꠇꠥꠝꠣꠔ ꠍꠣꠛ-ꠒꠤ꠆ꠔꠤꠡꠘꠣꠟ ꠅꠚꠤꠍꠣꠞꠞ ꠌꠣꠇꠞꠤ ꠇꠞꠔꠣ. ꠔꠣꠞꠣ ꠢꠈꠣꠘꠧ ꠕꠣꠇꠔꠣ ⁕ ꠅꠡꠝꠣꠘꠤꠞ ꠎꠘ꠆ꠝ ꠢꠈꠣꠘꠧ ꠕꠣꠇꠔꠦ ꠡꠝꠄ ⁕

ꠡꠤꠇ꠆ꠇꠣ

ꠛꠣꠙꠞ ꠌꠣꠇꠞꠤꠞ ꠟꠣꠉꠤ ꠔꠣꠘ ꠚꠥꠞꠥꠇꠣꠟ-ꠇꠁꠡꠞ ꠇꠣꠟ ꠇꠣꠐꠍꠦ ꠛꠤꠜꠤꠘ꠆ꠘ ꠎꠣꠉꠣꠔ ⁕ ꠅꠔꠣꠞ ꠟꠣꠉꠤ ꠇꠔꠖꠤꠘ ꠙꠞ ꠛꠖꠟꠤꠞ ꠀꠖꠦꠡ ꠟꠁꠀ ꠡꠥꠘꠣꠝꠉꠘ꠆ꠎ ꠕꠣꠇꠤ ꠉꠧꠀꠢꠣꠐꠤꠔ ꠎꠣꠁꠘ৷ ꠀꠞ ꠢꠈꠣꠘ ꠔꠘꠦꠁ ꠅꠍꠝꠣꠘꠤꠞ ꠙ꠆ꠞꠣꠕꠝꠤꠇ ꠡꠤꠇ꠆ꠇꠣ ꠀꠞꠝ꠆ꠜ ꠅꠄ৷ ꠡꠣꠟ 'ꠇꠐꠘꠍ ꠁꠍ꠆ꠇꠥꠟ ꠅꠛ ꠀꠡꠣꠝ'-ꠅ ꠔꠣꠁꠘ ꠜꠞ꠆ꠔꠤ ꠅꠁꠘ৷ ꠟꠦꠈꠣꠙꠠꠣꠔ ꠔꠣꠁꠘ ꠈꠥꠛ ꠝꠘꠧꠎꠥꠉꠤ ꠀꠍꠟꠣ ꠔꠣ ꠢꠈꠟ ꠙꠞꠤꠇ꠆ꠇꠣꠔ ꠎꠦ ꠔꠣꠁꠘ ꠚꠣꠍ꠆ꠐ ꠅꠁꠔꠣ ꠅꠈꠣꠘ ꠔꠣꠇꠤ ꠛꠥꠏꠣ ꠎꠣꠄ৷ ꠡꠣꠟ ꠅꠍꠝꠣꠘꠤ ꠍꠤꠟꠦꠐ ꠉꠜ꠆ꠘꠝꠦꠘ꠆ꠐ ꠙꠣꠁꠟꠐ ꠢꠣꠁ ꠁꠍꠇꠥꠟꠧ ꠜꠞ꠆ꠔꠤ ꠅꠁꠘ৷ ꠢꠤ ꠡꠝꠄ ꠍꠤꠟꠐꠞ ꠁ ꠁꠍ꠆ꠇꠥꠟ ꠇꠟꠇꠣꠔꠣ ꠛꠤꠡ꠆ꠡꠛꠤꠖ꠆ꠖꠣꠟꠄꠞ ꠅꠗꠤꠘ ꠀꠍꠤꠟ৷ ꠡꠣꠟꠧ ꠍꠤꠟꠦꠐ ꠡꠞꠇꠣꠞꠤ ꠃꠌ꠆꠆ꠌ ꠛꠤꠖ꠆ꠖꠣꠟꠄ ꠕꠣꠇꠤ ꠝꠦꠐ꠆ꠐꠤꠇ ꠙꠣꠡ ꠇꠞꠁꠘ ꠅꠡꠣꠣꠞꠘ ꠇ꠆ꠞꠤꠔꠤꠔ꠆ꠔꠞ ꠟꠉꠦ৷ ꠢꠣꠞꠣ ꠛꠤꠐꠤꠡ ꠜꠣꠞꠔꠧ ꠔꠣꠁꠘ ꠙꠄꠟꠣ ꠡ꠆ꠕꠣꠘ ꠙꠣꠁꠘ৷ ꠅꠃ ꠅꠡꠣꠣꠞꠘ ꠇ꠆ꠞꠤꠔꠤꠔ꠆ꠔꠞ ꠟꠣꠉꠤ ꠛꠤꠐꠤꠡ ꠡꠞꠇꠣꠞ ꠔꠣꠘꠞꠦ ꠙ꠆ꠞꠣꠁꠐꠧꠞꠤꠀ ꠙꠥꠞꠡ꠆ꠇꠣꠞ ꠖꠤ ꠡꠝ꠆ꠝꠣꠘ ꠖꠦꠄ ⁕ ꠀꠟꠤꠉꠠ ꠝꠥꠍꠟꠤꠝ ꠛꠤꠡ꠆ꠡꠛꠤꠖ꠆ꠖꠣꠟꠄ ꠕꠣꠇꠤ ꠍ꠆ꠘꠣꠔꠇ ꠒꠤꠉ꠆ꠞꠤ ꠙꠣꠁꠘ ꠡꠣꠟꠧ ⁕

ꠀꠞ꠆ꠝꠤ ꠎꠤꠛꠘ

ꠛꠤꠡ꠆ꠡꠛꠤꠖ꠆ꠖꠣꠟꠄ ꠡꠦꠡ ꠇꠞꠤꠀ ꠎꠦꠘꠣꠞꠦꠟ ꠄꠝ ꠄ ꠎꠤ ꠅꠍꠝꠣꠘꠤ ꠀꠞ꠆ꠝꠤꠔ ꠢꠣꠝꠣꠁꠘ৷ ꠡꠣꠟꠧ ꠔꠣꠁꠘ ꠞꠄꠀꠟ ꠀꠞ꠆ꠝ꠆ꠒ ꠚꠧ꠆ꠍꠧ ꠇꠦꠒꠦꠐ ꠅꠁꠀ ꠢꠣꠝꠣꠁꠘ ⁕ ꠖꠦꠞꠣꠖꠥꠘꠧ ꠛꠤꠐꠤꠡ-ꠜꠣꠞꠔꠤꠅ ꠝꠤꠟꠤꠐꠣꠞꠤ ꠄꠇꠣꠒꠦꠝꠤꠔ ꠐꠦꠘꠤꠋꠅꠞ ꠛꠣꠖꠦ ꠡꠣꠟꠧ ꠛꠤꠐꠤꠡ ꠀꠞ꠆ꠝꠤꠔ ꠢꠣꠝꠣꠁꠘ ꠇꠝꠤꠡꠘ꠆ꠒ ꠅꠚꠤꠍꠣꠞ ꠅꠁꠀ ⁕ ꠢꠤꠡꠝꠄ ꠖꠤꠔꠤꠅ ꠛꠤꠡ꠆ꠡꠎꠥꠖ꠆ꠖ ꠀꠍꠤꠟ ⁕ ꠛꠤꠐꠤꠡ ꠀꠞ꠆ꠝꠤꠞ ꠄꠇꠐꠣ ꠛꠦꠐꠣꠟꠤꠀꠘꠧꠞ ꠇꠝꠣꠘ꠆ꠒꠣꠞ ꠅꠁꠀ ꠔꠣꠁꠘ ꠛꠣꠞ꠆ꠝꠣ ꠡꠦꠇ꠆ꠐꠞꠧ ꠀꠍꠟꠣ ⁕ ꠡꠣꠟꠧ ꠝꠦꠎꠞ ꠅꠁꠘ ⁕ ꠡꠣꠟꠧ ꠅꠍꠝꠣꠘꠤ ꠛꠤꠐꠤꠡ ꠡꠣꠝ꠆ꠞꠣꠎ꠆ꠎꠞ ꠢꠈꠟ ꠚꠥꠞꠥ ꠝꠦꠎꠞ ꠀꠍꠟꠣ ⁕ ꠡꠣꠟꠧ ꠖꠤꠔꠤꠅ ꠛꠤꠡ꠆ꠡꠎꠥꠖ꠆ꠖ ꠡꠦꠡ ꠅꠁꠟꠦ ꠅꠍꠝꠣꠘꠤ ꠛꠤꠐꠤꠡ ꠀꠞ꠆ꠝꠤꠔ ꠟꠋ ꠇꠧꠞ꠆ꠍ ꠙꠞꠤꠇ꠆ꠇꠣ ꠖꠤꠀ ꠃꠌ꠆ꠌꠍ꠆ꠕꠣꠘ ꠙꠣꠁꠘ৷ ꠢꠃ ꠛꠍꠞ ꠁꠘ꠆ꠒꠤꠀꠘ ꠙꠟꠤꠐꠤꠇꠣꠟ ꠡꠣꠞ꠆ꠜꠤꠍꠞ ꠟꠣꠉꠤ ꠅ ꠔꠣꠁꠘꠞꠦ ꠛꠣꠍꠤꠀ ꠘꠦꠀ ꠅꠄ৷ ꠇꠤꠘ꠆ꠔꠥ ꠔꠣꠁꠘ ꠡꠣꠝꠞꠤꠇ ꠛꠣꠢꠤꠘꠤꠔ ꠕꠣꠇꠤ ꠎꠣꠁꠘ. ꠖꠦꠡꠜꠣꠉꠧꠞ ꠙꠞꠦ ꠡꠣꠟꠧꠞ ꠁ ꠧꠇ꠆ꠐꠧꠛꠞ ꠅꠍꠝꠣꠘꠤ ꠙꠣꠇꠤꠍ꠆ꠕꠣꠘ ꠇꠞꠤꠀ ꠢꠣꠝꠣꠁꠘ ⁕ ꠢꠤ ꠡꠝꠄ ꠔꠣꠁꠘ ꠀꠍꠟꠣ ꠟꠦꠚꠐꠦꠘꠦꠘ꠆ꠐ ⁕