Wp/syl/ꠝꠣꠐꠤ
ꠝꠣꠐꠤ ꠅꠁꠟꠧ ꠉꠤꠀ ꠖꠥꠘꠤꠀꠞ ꠚꠤꠐꠉꠣꠟꠣꠞ ꠘꠞꠝ ꠀꠛꠞꠘ ⁕ ꠚꠣꠔ꠆ꠔꠞ ꠉꠥꠠꠣ ꠅꠁꠀ ꠈꠘꠤꠎ ꠚꠖꠣꠞ꠆ꠕ ꠛꠘꠣ ꠀꠞ ꠎꠂꠛꠎꠃꠉꠧ ꠝꠤꠡꠤꠀ ꠝꠣꠐꠤ ꠛꠘꠍꠦ ⁕ ꠎꠂꠛ ꠚꠖꠣꠞ꠆ꠕꠧꠞ ꠃꠚꠍꠔꠤꠕꠦꠔꠦ ꠜꠥꠝꠤꠈꠄ, ꠜꠣꠋꠉꠘ ꠅꠔꠣ ꠘꠣꠘꠣꠘ ꠙ꠆ꠞꠣꠇ꠆ꠞꠤꠔꠤꠇ ꠀꠞ ꠞꠣꠡꠣꠄꠘꠤꠇ ꠛꠖꠟꠤꠞ ꠃꠍꠤꠟꠣꠄ ꠚꠣꠔ꠆ꠔꠞ ꠔꠘꠦ ꠝꠣꠐꠤꠞ ꠃꠖ꠆ꠜꠛ ⁕ ꠎꠦ ꠉꠔꠤꠇꠦ ꠛꠦꠡꠤ ꠀꠉꠞꠣꠝꠟꠤ ꠝꠣꠐꠤ ꠖꠥꠘꠤꠀꠔ ꠝꠤꠟꠦ ꠘꠣ ⁕ ꠢꠥꠇꠘꠣ ꠉꠥꠠꠣ ꠝꠣꠐꠤꠞꠦ ꠡꠣꠗꠣꠞꠘꠜꠣꠛꠦ ꠗꠥꠁꠟ ꠈꠀ ꠅꠄ ⁕ ꠎꠦꠎꠣꠉꠣꠔ ꠟꠦꠐꠟꠦꠐꠣ ꠘꠞꠝ ꠝꠣꠐꠤꠞꠦ ꠚꠦꠈ ꠀꠘ꠆ꠘꠣꠄ ꠚꠦꠗꠁꠟ ꠈꠁꠘ ⁕ ꠝꠣꠐꠤ ꠍꠤꠡ꠆ꠐꠤ ꠅꠁꠔꠦ ꠚꠣꠍꠈꠣꠘ ꠈꠣꠞꠇ (factors) ꠞꠁꠍꠦ ⁕ ꠎꠉꠥꠁꠘ ꠅꠁꠟꠧ- ১. parent material (ꠝꠣꠔ꠆ꠞꠤꠇꠣ ꠚꠖꠣꠞ꠆ꠕ) ২. Climate( ꠎꠟꠛꠣꠁꠃ) ৩. Biota (ꠎꠤꠛ ꠃꠚꠣꠖꠣꠘ) ৪.Topography( ꠜꠥꠡꠋꠁꠍꠕꠣꠘ) ৫. Time (ꠡꠝꠄ) ꠁ ꠚꠣꠍꠐꠣꠞ ꠎꠦꠍꠣ ꠄꠈꠣꠘ ꠍꠣꠠꠣ ꠝꠣꠐꠤ ꠉꠑꠘ ꠡꠝ꠆ꠜꠛ ꠘꠣꠄ ⁕ ꠝꠣꠐꠤꠔ ꠈꠘꠤꠎ ꠀꠞ ꠎꠂꠛ ꠚꠖꠣꠞ꠆ꠕꠞ ꠝꠤꠡ꠆ꠞꠘ ꠞꠁꠍꠦ ⁕ ꠄꠞ ꠃꠚꠣꠖꠣꠘꠉꠥꠁꠘ ꠒꠣꠐ꠆ꠐꠣ, ꠔꠦꠟꠣꠟ ꠀꠞ ꠚꠣꠚꠠꠣ ꠅꠛꠍꠔꠣꠕ ꠝꠣꠐꠤꠔ ꠀꠍꠦ ⁕ ꠝꠣꠐꠤꠞ ꠈꠘꠣꠁꠘ ꠀꠟꠉꠣ ꠀꠟꠉꠣ ꠟꠣꠉꠣꠁꠟ, ꠎꠦꠔꠣꠞꠖꠣꠄ ꠝꠣꠐꠤꠞ ꠝꠣꠏꠦ ꠛꠄꠀꠞ ꠀꠞ ꠚꠣꠘꠤ ꠍꠟꠣꠍꠟꠞ ꠎꠕꠦꠡ꠆ꠐ ꠎꠣꠄꠉꠣ ꠞꠁꠍꠦ ⁕ꠄꠞꠖꠣꠄ ꠛꠤꠉ꠆ꠉꠣꠘꠤꠘ꠆ꠔꠦ ꠝꠣꠐꠤꠞꠦ ꠔꠤꠘꠔꠤ-ꠖꠡꠣ ꠚꠖꠣꠞ꠆ꠕ (Three state system) ꠈꠁꠀ ꠒꠣꠈꠂꠘ ⁕ ꠛꠦꠡꠤꠜꠣꠉ ꠄꠟꠣꠇꠣꠞ ꠝꠣꠐꠤꠞ ꠊꠘꠔ꠆ꠔ ১ ꠔꠘꠦ ২ ꠉ꠆ꠞꠣꠝ/ꠊꠘ ꠍꠦ.ꠝꠤ. ⁕ ꠙꠤꠕꠤꠛꠤꠞ ꠃꠚꠞꠉꠣꠟꠣꠞ ꠛꠦꠡꠤꠜꠣꠉ ꠝꠣꠐꠤꠃ ꠐꠣꠞꠡꠤꠀꠞꠤ ꠎꠥꠉꠞ ꠛꠣꠖꠦ ꠉꠑꠤꠔ ꠅꠁꠍꠦ ⁕ ꠀꠞ ꠇꠥꠘꠥꠈꠣꠘ ꠃ ꠙ꠆ꠟꠦꠍꠐꠧꠍꠤꠘ ꠎꠥꠉꠞ ꠚꠥꠞꠣꠘꠣ ꠝꠣꠐꠤ ꠘꠣꠁ ⁕