Wp/syl/ꠝꠂꠔꠂ ꠝꠘꠤꠚꠥꠞꠤ ꠝꠣꠔ
ꠝꠂꠔꠂ /ˈməɪtəɪ/ (ꠝꠂꠔꠂ ꠝꠣꠔ: ꠝꠦꠁꠔꠦꠁ ꠟꠧꠘ꠆, ꠝꠘꠤꠚꠥꠞꠤ ꠝꠣꠔꠅ ꠈꠀ ꠅꠄ) ꠃꠔ꠆ꠔꠞ-ꠚꠥꠛꠞ ꠁꠘꠒꠤꠀꠞ ꠝꠘꠤꠚꠥꠞ ꠞꠣꠁꠎ꠆ꠎꠞ ꠚꠗꠣꠘ ꠝꠣꠔ⁕ ꠡꠞꠈꠣꠞꠤ ꠖꠙ꠆ꠔꠞꠅ ꠁ ꠝꠣꠔ ꠍꠟꠦ⁕ ꠝꠘꠤꠚꠥꠞ ꠛꠣꠖꠦꠅ ꠀꠡꠣꠝ, ꠔ꠆ꠞꠤꠙꠥꠞꠣ, ꠛꠣꠋꠟꠣꠖꠦꠡ ꠅ ꠛꠣꠞꠝꠣꠔ ꠁ ꠝꠣꠔꠞ ꠍꠟ ꠀꠍꠦ⁕
ꠝꠂꠔꠂ ꠄꠉꠥ ꠌꠤꠘꠣ-ꠔꠤꠛ꠆ꠛꠔꠤ ꠝꠣꠔ ꠎꠦꠉꠥꠞ ꠝꠥꠟ ꠄꠛ ꠁꠍꠚꠡ꠆ꠐ ꠘꠣꠄ⁕ ꠁ ꠝꠣꠔꠞ ꠟꠉꠦ ꠇꠥꠇꠤ ꠝꠣꠔ ꠀꠞ ꠔꠣꠋꠈꠥꠟ ꠝꠣꠔꠞ ꠝꠣꠔꠞꠝꠣꠘꠦꠞ ꠝꠤꠟ ꠀꠍꠦ⁕
ꠝꠂꠔꠂ ꠝꠣꠔ ꠝꠘꠤꠚꠥꠞꠞ ꠢꠈꠟ ꠎꠣꠔꠤꠉꠥꠡꠐꠤꠄ ꠘꠤꠎꠦꠞ ꠝꠣꠏꠦ ꠎꠥꠉꠣꠎꠥꠉꠞ ꠟꠣꠉꠤ ꠛꠦꠛꠀꠞ ꠈꠞꠦ, ꠒꠦ ꠝꠣꠔꠉꠥꠔꠣ ꠁ ꠎꠣꠔꠤꠉꠥꠡꠐꠤꠘ꠆ꠔꠞ ꠄꠇꠤ ꠎꠤꠘꠤꠡ ꠢꠤꠡꠣꠛꠦ ꠚꠝꠣꠘꠤꠔ ꠅꠁꠍꠦ⁕
ꠡꠛ꠆ꠖꠞ ꠎꠠ[edit | edit source]
ꠝꠂꠔꠂꠅꠞ ꠛꠃꠔ ꠔꠣꠘꠤꠅ ꠝꠣꠔ꠆ꠞꠣꠁꠘ꠆ꠔꠦ "ꠝꠘꠤꠚꠥꠞꠤ" ꠘꠣꠝ ꠔꠘꠦ "ꠝꠂꠔꠂ" (ꠛꠣ "ꠝꠂꠔꠂꠟꠧꠘ꠆") ꠘꠣꠝꠉꠥꠔꠦꠞ ꠛꠦꠡꠤ ꠈꠣꠁꠡ ꠈꠞꠁꠘ⁕ "ꠝꠂꠔꠂꠟꠧꠘ" ꠡꠛ꠆ꠖꠉꠥꠔꠣ ꠝꠂꠔꠂ ꠎꠣꠔꠤꠞ ꠘꠣꠝ ꠀꠞ ꠝꠂꠔꠂ ꠡꠛ꠆ꠖ "ꠟꠧꠘ꠆" ꠝꠣꠘꠦ ꠝꠣꠔ ꠔꠘꠦ ꠀꠁꠍꠦ⁕ ꠝꠂꠔꠂ ꠡꠛ꠆ꠖ ꠅꠄꠔ "ꠝꠤ" ꠝꠣꠘꠥꠡ + "ꠕꠂ" ꠀꠟꠣꠖꠣ; ꠀꠞꠎꠣꠔꠤ ꠡꠛ꠆ꠖ ꠖꠥꠉꠥ ꠔꠘꠦ ꠀꠁꠍꠦ⁕ ꠚꠍꠝꠞ ꠜꠣꠡꠣꠛꠤꠖ ꠅꠈꠟꠦ "ꠝꠂꠔꠂ" ꠘꠣꠝꠉꠥ ꠛꠦꠛꠀꠞ ꠈꠞꠁꠘ⁕
ꠀꠞꠛꠣꠞ ꠞꠣꠁꠎ꠆ꠎꠞ ꠘꠣꠝ "ꠝꠘꠤꠚꠥꠞ" ꠔꠘꠦ ꠁꠉꠥꠞ ꠘꠣꠝ "ꠝꠘꠤꠚꠥꠞꠤ" ꠈꠀꠅ ꠅꠄ⁕ ꠜꠣꠞꠔꠞ ꠡꠞꠈꠣꠞꠤ ꠈꠦꠔ꠆ꠞꠦ ꠀꠞ ꠡꠞꠈꠣꠞꠤ ꠚꠔꠤꠡ꠆ꠑꠣꠘꠅ ꠜꠣꠡꠣꠞ ꠘꠣꠝꠉꠥꠔꠣ "ꠝꠘꠤꠚꠥꠞ" ꠢꠤꠡꠣꠛꠦ ꠈꠀ ꠅꠄ⁕ ꠇꠥꠘꠥꠛꠣꠟꠣ "ꠝꠘꠤꠚꠥꠞꠤ" ꠡꠛ꠆ꠖꠐꠣ ꠛꠤꠡ꠆ꠘꠥꠙ꠆ꠞꠤꠀ ꠝꠘꠤꠚꠥꠞꠤ ꠝꠣꠔ ꠀꠞ ꠛꠤꠡ꠆ꠘꠥꠙ꠆ꠞꠤꠀ ꠎꠣꠔꠤꠞ ꠟꠣꠉꠤꠅ ꠈꠀ ꠅꠄ⁕ ꠀꠞ "ꠝꠘꠤꠚꠥꠞꠤ" ꠡꠛ꠆ꠖꠖꠤ ꠝꠘꠤꠚꠥꠞ ꠞꠣꠁꠎ꠆ꠎ ꠟꠁꠀ ꠎꠦꠍꠣꠔꠣ ꠛꠥꠏꠣꠘꠤꠔ ꠔ ꠛꠦꠛꠀꠞ ꠅꠄ⁕
ꠃꠚꠜꠣꠡꠣ[edit | edit source]
ꠝꠂꠔꠂ ꠝꠣꠔꠞ ꠛꠣꠇ꠆ꠇꠣ ꠃꠚꠜꠣꠡꠣ ꠀꠍꠦ, ꠇꠤꠘ꠆ꠔꠥꠇ ꠁꠖꠣꠘꠤꠋꠈꠣꠟ ꠎꠥꠉꠣꠎꠥꠉ ꠛꠦꠛꠍꠔꠣꠞ ꠃꠘ꠆ꠘꠔꠤ ꠀꠞ ꠄꠈꠁ ꠎꠣꠔꠞ ꠝꠣꠏꠦ ꠛꠤꠀꠞ ꠖꠣꠄ ꠃꠚꠜꠣꠡꠣ ꠁꠉꠥꠘ꠆ꠔꠞ ꠝꠣꠏꠦ ꠎꠦ ꠚꠣꠞꠣꠈ ꠀꠍꠦ ꠁꠔꠣ ꠙ꠆ꠞꠣꠄ ꠈꠝꠤ ꠉꠦꠍꠦ⁕ ꠄꠞ ꠛꠦꠔꠤꠇ꠆ꠞꠝ ꠅꠁꠟ ꠉꠤ ꠔ꠆ꠞꠤꠙꠥꠞꠣ, ꠛꠣꠋꠟꠣꠖꠦꠡ ꠀꠞ ꠛꠣꠞ꠆ꠝꠣꠔ ꠚꠣꠅꠀ ꠃꠚꠜꠣꠡꠣꠞ ꠚꠣꠞꠣꠈ⁕ ꠝꠂꠔꠂꠅꠞ ꠃꠚꠜꠣꠡꠣꠞ ꠡꠑꠤꠇ ꠡꠁꠋꠇꠣ ꠅꠎꠣꠘꠣ⁕
ꠁ ꠝꠣꠔꠞ ꠝꠥꠟ ꠃꠚꠜꠣꠡꠣꠁꠘ ꠅꠁꠟ ꠙ꠆ꠞꠝꠤꠔ ꠝꠂꠔꠂ, ꠟꠥꠁ ꠀꠞ ꠙꠣꠘ꠆ꠉꠣꠟ⁕ ꠝꠂꠔꠂꠅꠞ ꠃꠙꠜꠣꠡꠣꠁꠘ꠆ꠔꠞ ꠝꠥꠟ ꠚꠣꠞꠣꠈ ꠅꠁꠟ ꠘꠄꠀ ꠗ꠆ꠛꠘꠤꠞ ꠡꠥꠞ ꠀꠞ ꠐꠣꠘꠐꠥꠘꠞ ꠛꠖꠟ⁕
ꠟꠦꠈꠣ[edit | edit source]
ꠝꠂꠔꠂ ꠟꠤꠙꠤ[edit | edit source]
১৮ꠡ ꠡꠔꠈ ꠚꠞ꠆ꠎꠘ꠆ꠔ ꠝꠂꠔꠂ ꠟꠦꠈꠣꠞ ꠖꠣꠄ ꠘꠤꠎꠁꠡ꠆ꠡ ꠟꠤꠙꠤ ꠛꠦꠛꠀꠞ ꠈꠞꠣ ꠅꠁꠔ, ꠇꠤꠘ꠆ꠔꠥꠇ ꠁꠔꠣꠞ ꠚꠁꠟ ꠛꠦꠛꠀꠞ ꠟꠁꠀ ꠇꠥꠘꠥ ꠔꠔ꠆ꠔ ꠚꠣꠅꠀ ꠉꠦꠍꠦ ꠘꠣ⁕ ꠝꠘꠤꠚꠥꠞ ꠞꠣꠎ ꠝꠦꠁꠖꠤꠘ꠆ꠉꠥ ꠙꠣꠝꠢꠦꠁꠛꠣ, ꠝꠘꠤꠚꠥꠞ ꠁꠘ꠆ꠖꠥꠗꠞ꠆ꠝ ꠍꠣꠟꠥ ꠈꠞ꠆ꠍꠟꠣ, ꠝꠂꠔꠂ ꠟꠤꠙꠤꠞ ꠛꠦꠛꠀꠞ ꠘꠤꠡꠤꠖ꠆ꠖ ꠈꠞꠤꠟꠣꠁꠘ ꠀꠞ ꠛꠣꠋꠟꠣ ꠟꠤꠙꠤ ꠍꠣꠟꠥ ꠈꠞꠂꠘ⁕ ꠁꠖꠣꠘꠋꠇꠥ ꠁꠍꠇꠥꠟ ꠇꠟꠦꠎ ꠛꠣꠋꠟꠣ ꠟꠤꠙꠤꠞ ꠛꠖꠟꠣ ꠝꠂꠔꠂ ꠟꠤꠙꠤꠞ ꠛꠦꠛꠀꠞ ꠛꠣꠠꠔꠦ ꠀꠍꠦ⁕
১৮ꠡ ꠡꠔꠣꠛ꠆ꠖꠤꠞ ꠚꠁꠟꠛꠣꠄ ꠝꠘꠤꠚꠥꠞꠞ ꠁꠘ꠆ꠖꠥ ꠗꠞ꠆ꠝꠔ ꠞꠥꠚꠣꠘ꠆ꠔꠞꠤꠔ ꠞꠣꠎꠣ ꠙꠣꠝꠢꠦꠁꠛꠣ, ꠛꠣꠋꠉꠣꠟꠤ ꠁꠘ꠆ꠖꠥ ꠗꠞ꠆ꠝꠚꠍꠣꠞꠇ ꠡꠣꠘ꠆ꠔꠤꠖꠣꠡ ꠉꠥꠡꠣꠁꠅꠞ ꠈꠕꠣꠄ ꠛꠃꠔ ꠝꠂꠔꠂ ꠞꠦꠇꠒ ꠘꠡ꠆ꠐ ꠈꠞꠤꠟꠣꠁꠘ⁕
১৭০৯ ꠡꠣꠟ ꠀꠞ ২০ꠡ ꠡꠔꠣꠛ꠆ꠖꠤꠞ ꠝꠣꠏ ꠚꠞ꠆ꠎꠘ꠆ꠔꠅ ꠝꠂꠔꠂ ꠜꠣꠡꠣ ꠟꠦꠈꠣꠞ ꠟꠣꠉꠤ ꠛꠣꠋꠟꠣ ꠟꠤꠙꠤ ꠛꠦꠛꠀꠞ ꠈꠞꠣ ꠅꠁꠔ⁕ ১৯৪০ ꠀꠞ ১৯৫০-ꠞ ꠖꠡꠇ ꠝꠂꠔꠂ ꠚꠘ꠆ꠒꠤꠔ ꠅꠈꠟꠦ ꠀꠉꠞꠣꠝꠟꠤ ꠝꠂꠔꠂ (ꠝꠘꠤꠚꠥꠞꠤ) ꠢꠞꠚꠞꠦ ꠚꠣꠈꠖꠤ ꠀꠘꠣꠞ ꠟꠣꠉꠤ ꠚꠍꠣꠞ ꠡꠥꠞꠥ ꠈꠞꠂꠘ⁕
ꠟꠣꠔꠤꠘ ꠢꠞꠚ[edit | edit source]
ꠝꠂꠔꠂ ꠟꠤꠙꠤ ꠍꠣꠠꠣꠅ ꠅꠘꠦ ꠝꠂꠔꠂ ꠜꠣꠡꠣ ꠟꠦꠈꠣꠞ ꠟꠣꠉꠤ ꠟꠣꠔꠤꠘ ꠢꠞꠚ ꠛ꠆ꠎꠛꠢꠣꠞ ꠅꠄ, ꠛꠤꠡꠦꠡ ꠈꠞꠤ ꠁꠘ꠆ꠐꠣꠞꠘꠦꠐ⁕ ꠀꠞ ꠢꠤꠇꠣꠞ ꠈꠦꠔ꠆ꠞꠦꠅ ꠛꠣꠇ꠆ꠇꠣ ꠛꠁꠀꠁꠘ ꠟꠣꠔꠤꠘ ꠢꠞꠚꠖꠤ ꠍꠣꠚꠣ ꠅꠁꠍꠦ⁕ ꠎꠥꠖꠤꠘꠅ ꠁꠔꠣ ꠢꠞꠚꠖꠤ ꠐꠣꠘꠐꠥꠘ ꠍꠤꠘꠣꠘꠤ ꠅꠁꠍꠦ ꠘꠣ, ꠔꠛꠥꠅ ꠁꠔꠣꠖꠤ ꠖꠥꠖꠤꠟꠣꠝꠤꠞ ꠟꠣꠈꠣꠘ ꠝꠂꠔꠂ ꠜꠣꠡꠣꠞ ꠡꠥꠞꠞꠦ ꠍꠤꠘ꠆ꠘꠤꠔ ꠈꠞꠣ ꠎꠣꠄ⁕ ꠈꠣꠟꠤ /ə/ ꠘꠣꠄꠔꠦ /a/ ꠍꠤꠘ꠆ꠘ ꠖꠥꠄꠉꠥ ꠖꠤꠀ a ꠟꠦꠈꠣ ꠅꠄ⁕ ꠀꠞꠛꠣꠞ ꠖꠥꠖꠤꠟꠣꠝꠤ ꠘꠣ ꠈꠞꠔꠦ ꠄꠈꠅꠛꠣꠟꠣ /ə/-ꠞꠦ aa ꠖꠤꠀꠅ ꠍꠤꠘ꠆ꠘꠤꠔ ꠈꠞꠣ ꠎꠣꠄ⁕
ꠟꠈ[edit | edit source]
ꠛꠣꠁꠞꠣ[edit | edit source]
ꠃꠁꠇꠤꠍꠚꠞ - Wy/syl/ꠝꠘꠤꠙꠥꠞꠤ ꠝꠣꠔꠧꠞ ꠛꠣꠁꠟ