Wp/syl/ꠜꠁꠍꠣꠟ
ꠜꠁꠍꠣꠟ ꠅꠁꠟꠧ ꠉꠤꠀ ꠙ꠆ꠞꠤꠕꠤꠛꠤꠞ ꠛꠤꠔ꠆ꠞꠞ ꠀꠈꠔꠣ ꠡꠇ꠆ꠔꠤ ꠍꠣꠞꠣꠞ ꠖꠣꠄ ꠖꠥꠘꠤꠀꠔ ꠡ꠆ꠞꠤꠡ꠆ꠐꠤ ꠅꠃꠀ ꠏꠣꠈꠞꠣꠘꠤ ⁕ ꠝꠣꠐꠤꠞ ꠛꠤꠔ꠆ꠞꠞ ꠁꠍꠔꠞ ꠅꠈꠟꠞ ꠟꠠꠍꠠ ꠇꠤ ꠝꠢꠣꠇꠞ꠆ꠡꠤꠅ (ꠁꠋꠞꠣꠎꠤ: Gravitional) ꠡꠇ꠆ꠔꠤꠞ ꠜꠣꠞꠡꠣꠁꠝ꠆ꠝꠢꠤꠘ ꠅꠛꠡ꠆ꠕꠣꠞ ꠟꠣꠉꠤ ꠎꠦ ꠏꠣꠈꠞꠣꠘꠤꠞ ꠡ꠆ꠞꠤꠡ꠆ꠐꠤ ꠅꠄ, ꠝꠥꠟꠔ ꠅꠉꠥꠞꠦꠃ ꠜꠂꠍꠣꠟ ꠈꠂꠘ ⁕ ꠜꠁꠍꠣꠟꠞ ꠏꠣꠈꠞꠣꠘꠤ ꠈꠔꠉꠥꠁꠘ ꠢꠣꠍꠤꠝꠤꠍꠤ ꠀꠞ ꠈꠔꠉꠥꠁꠘ ꠛꠦꠡꠦꠛꠣ ꠅꠄ ⁕ ꠈꠔꠉꠥ ꠏꠣꠈꠞꠣꠘꠤ ꠏꠦꠏꠣꠔ ꠏꠥꠞꠦ ꠅꠄ ꠎꠦ ꠝꠣꠘꠡꠞ ꠊꠞ-ꠖꠥꠀꠞ ꠜꠣꠋꠉꠤ ꠚꠞꠦ, ꠜꠥ-ꠙ꠆ꠞꠤꠡ꠆ꠑꠔ ꠘꠤꠘ ꠅꠁꠀ ꠚꠣꠐꠣ ꠝꠦꠟꠦ, ꠇꠥꠘꠥ ꠎꠦꠉꠣ ꠃꠚꠞꠦꠖꠤ ꠃꠑꠤ ꠎꠣꠄ ꠀꠞ ꠇꠥꠘꠥꠈꠣꠘ ꠘꠥ ꠔꠟꠦꠖꠤ ꠢꠣꠝꠣꠁ ꠎꠣꠄ ⁕ ꠜꠁꠍꠣꠟꠞ ꠎꠘ꠆ꠝꠃ ꠅꠄ ꠝꠣꠔꠤꠞ ꠔꠟꠦ ⁕ ꠙ꠆ꠞꠤꠕꠤꠛꠤꠞ ꠛꠤꠔ꠆ꠞꠦ ꠎꠦꠈꠣꠘꠧ ꠏꠣꠈꠞꠣꠘꠤꠞ ꠃꠔꠚꠔ꠆ꠔꠤ ꠅꠄ ꠁꠇꠣꠘꠞꠦ ꠜꠁꠍꠣꠟꠞ ꠅꠜꠤꠇꠦꠘ꠆ꠖ꠆ꠞ (Focus) ꠒꠣꠈꠣ ꠅꠄ ⁕ ꠅꠜꠤꠇꠦꠘ꠆ꠖ꠆ꠞꠉꠥ ꠜꠥ-ꠙ꠆ꠞꠤꠡ꠆ꠑꠞ ꠔꠣꠇꠤ ꠛꠃꠔ ꠇꠤꠟꠧꠝꠤꠐꠣꠞ ꠘꠤꠘꠧ ꠕꠣꠈꠦ ⁕ ꠇꠦꠘ꠆ꠖ꠆ꠞꠞ ꠑꠤꠇ ꠃꠚꠞꠞ ꠛꠤꠘ꠆ꠖꠥꠉꠥꠞꠦ ꠃꠚꠇꠦꠘ꠆ꠖ꠆ꠞ (ꠁꠋꠞꠣꠎꠤ: Epicentre) ꠈꠂꠘ ⁕