Wp/syl/ꠛꠣꠁꠔ ꠀꠟ ꠇꠥꠞꠀꠘ

From Wikimedia Incubator
< Wp‎ | syl
Wp > syl > ꠛꠣꠁꠔ ꠀꠟ ꠇꠥꠞꠀꠘ
ꠎꠣꠖꠥꠉꠞꠧ ꠞꠣꠈꠣ ৭ꠝ ꠡꠔꠣꠛ꠆ꠖꠤꠞ ꠇꠥꠙꠤꠔ ꠟꠤꠙꠤ ꠖꠤ ꠟꠦꠈꠣ ꠇꠥꠞꠀꠘꠧꠞ ꠄꠇꠐꠣ ꠙꠣꠘ꠆ꠒꠥꠟꠤꠙꠤ।

ꠛꠣꠁꠔ ꠀꠟ ꠇꠥꠞꠀꠘ (ꠀꠞꠛꠤ: بيت القرآن‎‎, ꠅꠞ꠆ꠕ: ꠇꠥꠞꠀꠘꠧꠞ ꠊꠞ) ꠅꠁꠟ ꠛꠣꠢꠞꠣꠁꠘꠧꠞ ꠢꠥꠞꠣꠔ ꠅꠛꠡ꠆ꠕꠤꠔ ꠁꠍꠟꠣꠝꠤ ꠡꠤꠟ꠆ꠙꠞ ꠃꠙꠞꠦ ꠄꠇꠐꠣ ꠛꠤꠡꠦꠡ ꠇꠝꠙ꠆ꠟꠦꠇ꠆ꠍ ⁕ ꠁꠇꠐꠣ ১৯৯০ ꠡꠣꠟꠧ ꠙꠔꠤꠡ꠆ꠐꠣ ꠇꠞꠣ ꠅꠄ ⁕ ꠁ ꠇꠝꠙ꠆ꠟꠦꠇ꠆ꠍ ꠢꠃ ꠎꠣꠉꠣꠞ ꠁꠍꠟꠣꠝꠤ ꠎꠣꠖꠥꠉꠞꠧꠞ ꠟꠣꠉꠤ ꠛꠤꠇ꠆ꠇꠣꠔ ⁕ ꠁꠇꠐꠣ ꠖꠥꠘꠤꠀꠁꠞ ꠁꠍꠟꠣꠝꠤ ꠎꠣꠖꠥꠉꠞ ꠅꠈꠟꠧꠞ ꠝꠣꠏꠦ ꠅꠁꠘ꠆ꠘꠔꠝ ⁕

ꠙꠔꠤꠡ꠆ꠐꠣ[edit | edit source]

ꠎꠣꠖꠥꠊꠞꠧ ꠞꠣꠈꠣ ꠙꠣꠞ꠆ꠌꠝꠦꠘ꠆ꠐ ꠖꠤ ꠟꠦꠈꠣ ꠇꠥꠞꠀꠘꠞ ꠄꠇꠐꠣ ꠙꠣꠘ꠆ꠒꠥꠟꠤꠙꠤ।

১৯৮৪ ꠡꠣꠟꠧ ꠁ ꠇꠝꠙ꠆ꠟꠦꠇ꠆ꠍꠞ ꠇꠣꠝ ꠡꠥꠞꠥ ꠅꠄ ⁕ ১৯৯০ ꠡꠣꠟꠞ ꠝꠣꠞ꠆ꠌ ꠝꠣꠡꠧ ꠎꠣꠖꠥꠊꠞ ꠌꠣꠟꠥ ꠇꠞꠣ ꠅꠄ ⁕ ꠀꠛꠖꠥꠟ ꠟꠔꠤꠚ ꠎꠡꠤꠝ ꠇꠣꠘꠥ ꠁꠇꠐꠣꠞ ꠃꠖ꠆ꠛꠧꠗꠘ ꠇꠞꠂꠘ ⁕ ꠇꠥꠞꠀꠘ ꠀꠞ ꠅꠂꠘ꠆ꠘꠣꠘ꠆ꠘ ꠖꠥꠞ꠆ꠟꠜ ꠛꠁ ꠅꠇꠟꠞ ꠝꠥꠁꠟ꠆ꠟꠛꠣꠘ ꠙꠣꠘ꠆ꠒꠥꠟꠤꠙꠤ ꠞꠇ꠆ꠈꠣ ꠇꠞꠣꠞ ꠟꠣꠉꠤ ꠁꠇꠐꠣ ꠛꠣꠘꠣꠘꠤ ꠅꠄ ⁕ ꠄꠇꠐꠣ ꠀꠘ꠆ꠌꠟꠤꠇ ꠝꠦꠉꠣꠎꠤꠘꠞ ꠝꠔꠦ ꠚꠣꠞꠍꠤ ꠃꠙꠡꠣꠉꠞ ꠄꠟꠣꠇꠣꠔ ꠁ ꠃꠖ꠆ꠖꠧꠉ ꠅꠜꠣꠛꠘꠤꠅ ⁕ ꠎꠣꠖꠥꠊꠞꠞ ꠝꠥꠟꠧ ꠞꠁꠍꠦ ꠇꠣꠘꠥꠞ ꠛꠦꠇꠔꠤꠉꠔ ꠇꠥꠞꠀꠘꠞ ꠙꠣꠘ꠆ꠒꠥꠟꠤꠙꠤ ꠡꠋꠇꠟꠘ ꠀꠞ ꠁꠍꠟꠣꠝꠤ ꠡꠤꠟ꠆ꠙꠞ ꠘꠤꠖꠞ꠆ꠡꠘ ⁕ ꠔꠣꠘꠞꠦ ꠄꠇꠎꠘ ꠀꠉ꠆ꠞꠢꠤ ꠡꠋꠉ꠆ꠞꠣꠢꠇ ꠈꠅꠀ ꠅꠄ ⁕ ꠔꠣꠘ ꠡꠋꠉ꠆ꠞꠢ ꠛꠣꠠꠣꠞ ꠟꠉꠦ ꠟꠉꠦ ꠔꠣꠁꠘ ꠔꠣꠘ ꠡꠋꠉ꠆ꠞꠢꠔ ꠕꠣꠇꠣ ꠙꠣꠘ꠆ꠒꠥꠟꠤꠙꠤꠞ ꠙ꠆꠆ꠞꠔꠤ ꠖꠣꠁꠔ꠆ꠔ ꠛꠥꠗ ꠇꠞꠂꠘ ⁕ ১৯৯০ ꠡꠣꠟꠧ ꠔꠣꠘꠞ ꠙ꠆꠆ꠞꠔꠤꠡ꠆ꠐꠤꠔ ꠎꠣꠖꠥꠊꠞꠧ ꠔꠣꠁꠘ ꠔꠣꠘ ꠡꠋꠉ꠆ꠞꠢ ꠖꠣꠘ ꠇꠞꠂꠘ ⁕ ꠁꠎꠣꠔꠞ ꠎꠣꠖꠥꠊꠞꠞ ꠝꠣꠏꠦ ꠁꠇꠐꠣ ꠙꠄꠟꠣ ⁕

ꠁ ꠇꠣꠘꠞ ꠅꠞ꠆ꠕꠣꠄꠅꠘ ꠡꠣꠗꠣꠞꠘ ꠝꠣꠘꠥꠡ ꠅꠇꠟꠞ ꠖꠣꠘ ꠕꠘꠦ ꠅꠁꠍꠦ ⁕ ꠞꠣꠡ꠆ꠐ꠆ꠞꠙ꠆꠆ꠞꠗꠣꠘ ꠕꠣꠇꠤ ꠡꠥꠞꠥ ꠇꠞꠤ ꠁꠍꠇꠥꠟꠞ ꠍꠣꠔ꠆ꠞ-ꠍꠣꠔ꠆ꠞꠤ ꠙꠞ꠆ꠎꠘ꠆ꠔ ꠡꠝꠣꠎꠞ ꠘꠣꠘꠣꠘ ꠍꠕꠞꠞ ꠝꠣꠘꠡꠦ ꠁ ꠇꠣꠘꠞ ꠟꠣꠉꠤ ꠡꠣꠁꠎ꠆ꠎ ꠡꠢꠎꠥꠉꠤꠔꠣ ꠇꠞꠍꠂꠘ ⁕ ꠡꠣꠗꠣꠞꠘ ꠝꠣꠁꠘꠡꠞ ꠟꠣꠉꠤ ꠛꠣꠁꠔ ꠀꠟ-ꠇꠥꠞꠀꠘꠞ ꠡꠥꠎꠥꠉ ꠡꠥꠛꠤꠗꠣ ꠀꠘꠣ ꠐꠦꠇꠣꠄ ꠖꠦꠅꠀ ꠅꠄ ⁕

ꠁ ꠙ꠆꠆ꠞꠔꠤꠡ꠆ꠑꠣꠘ ꠅ ꠔꠣꠞ ꠎꠣꠖꠥꠊꠞꠧ ꠀꠘ꠆ꠔꠞ꠆ꠎꠣꠔꠤꠇꠜꠣꠛꠦ ꠙ꠆꠆ꠞꠡꠤꠖ꠆ꠗ ꠇꠥꠞꠀꠘꠧꠞ ꠅꠁꠔꠤꠢꠣꠡꠤꠇ ꠙꠣꠘ꠆ꠒꠥꠟꠤꠙꠤ ꠀꠍꠦ ⁕ ꠁꠈꠣꠘꠧ ꠙꠥꠛꠦꠖꠤ ꠌꠤꠘ ꠕꠣꠇꠤ ꠡꠥꠞꠥ ꠇꠞꠤ ꠙꠌꠝꠦꠖꠤ ꠍ꠆ꠙꠦꠘ ꠙꠞ꠆ꠎꠘ꠆ꠔ ꠁꠍꠟꠣꠝꠤ ꠖꠥꠘꠤꠀꠞ ꠛꠃꠔ ꠎꠣꠉꠣꠞ ꠇꠥꠞꠀꠘꠞ ꠙꠣꠘ꠆ꠒꠥꠟꠤꠙꠤ ꠀꠍꠦ ⁕ ꠁꠉꠥ ꠖꠤꠀ ꠢꠤꠎꠞꠤ ꠙꠄꠟꠣ ꠡꠘ ꠕꠘꠦ ꠁꠍꠟꠣꠝꠤ ꠡꠞ꠆ꠘꠎꠥꠉꠞꠦ ꠟꠁꠀ ꠅꠈꠘ ꠙꠞ꠆ꠎꠘ꠆ꠔ ꠇꠦꠟꠤꠉ꠆ꠞꠣꠚꠤ ꠡꠂꠟꠤꠞ ꠅꠉ꠆ꠞꠉꠔꠤ ꠛꠥꠏꠣ ꠎꠣꠄ ⁕

ꠡꠥꠎꠧꠉ ꠡꠥꠛꠤꠗꠣ[edit | edit source]

ꠛꠣꠁꠔ ꠀꠟ ꠇꠥꠞꠀꠘ ꠇꠝꠙ꠆ꠟꠦꠇ꠆ꠍ ꠡꠘꠤꠛꠣꠞ ꠔꠘꠦ ꠛꠥꠗꠛꠣꠞ ꠡꠇꠣꠟ ৯ꠐꠣ ꠕꠣꠇꠤ ꠖꠥꠁꠙꠞ ১২ꠐꠣ ꠅ ꠛꠤꠀꠟ ৪ꠐꠣ ꠕꠣꠇꠤ ꠢꠣꠁꠘ꠆ꠎꠣ ৬ꠐꠣ ꠙꠞ꠆ꠎꠘ꠆ꠔ ꠡꠣꠗꠣꠞꠘ ꠝꠣꠁꠘꠡꠧꠞ ꠟꠣꠉꠤ ꠇꠧꠟꠣ ꠕꠣꠇꠦ ⁕ ꠎꠐꠤꠟ ꠉꠑꠘ ꠖꠤ ꠛꠣꠞꠧꠞ ꠘꠇꠡꠣ ১২ꠡ-ꠡꠔꠣꠛ꠆ꠖꠤꠞ ꠙ꠆ꠞꠣꠌꠤꠘ ꠝꠌ꠆ꠍꠤꠖꠧꠞ ꠜꠤꠔ꠆ꠔꠤꠔ ꠛꠣꠘꠣꠘꠤ ꠅꠁꠍꠦ ⁕ ꠇꠝꠙ꠆ꠟꠦꠇ꠆ꠍꠧꠞ ꠝꠣꠏꠦ ꠝꠌ꠆ꠍꠤꠖ, ꠟꠣꠁꠛ꠆ꠛꠦꠞꠤ, ꠅꠒꠤꠐꠞꠤꠀꠝ, ꠝꠣꠖ꠆ꠞꠣꠡꠣ ꠀꠞ ꠖꠡꠐꠣ ꠖꠦꠈꠣꠞꠟꠣꠉꠤ ꠢꠟꠎꠥꠇ꠆ꠔ ꠎꠣꠖꠥꠉꠞ ꠀꠍꠦ ⁕ ꠝꠥꠟ ꠢꠟ ꠅ ꠝꠌ꠆ꠍꠤꠖꠧꠞ ꠃꠙꠞꠦ ꠛꠠ ꠇꠞꠤ ꠍ꠆ꠐ꠆ꠞꠦꠁꠘ꠆ꠒ ꠉ꠆ꠟꠣꠍꠧꠞ ꠉꠝ꠆ꠛꠥꠎ ꠀꠍꠦ ⁕ ꠝꠤꠢꠞꠣꠛ ꠟꠤꠟꠥꠀ ꠍꠤꠞꠣꠝꠤꠇ ꠖꠤ ꠊꠥꠞꠣ ⁕ ꠄꠞ ꠃꠙꠞꠦ ꠇꠥꠞꠀꠘꠧꠞ ꠀꠄꠀꠔ ꠟꠦꠈꠣ ꠀꠍꠦ ⁕

ꠟꠣꠁꠛ꠆ꠛꠦꠞꠤꠔ ꠁꠍꠟꠣꠝꠧꠞ ꠃꠙꠞꠦ ꠟꠦꠈꠣ ꠀꠞꠛꠤ, ꠁꠋꠟꠤꠡ ꠀꠞ ꠚꠞꠣꠡꠤ ꠜꠣꠡꠣꠔ ꠙ꠆ꠞꠣꠄ ৫০,০০০ ꠛꠁ ꠅ ꠙꠣꠘ꠆ꠒꠥꠟꠤꠙꠤ ꠀꠍꠦ ⁕ ꠎꠣꠖꠥꠉꠞ ꠁꠇꠐꠣ ꠁꠍꠟꠣꠝꠤ ꠡꠤꠟ꠆ꠙ ꠛꠤꠡꠄ ꠖꠤꠀ ꠛꠤꠡꠦꠡꠣꠁꠔ ⁕ ꠁꠇꠐꠣꠞ ꠛꠦꠡꠤꠞꠜꠣꠉ ꠞꠦꠚꠣꠞꠦꠘ꠆ꠍ ꠛꠁ ꠀꠘ꠆ꠔꠞ꠆ꠎꠣꠔꠤꠇ ꠉꠥꠞꠥꠔ꠆ꠔ ꠡꠝ꠆ꠙꠘ꠆ꠘ ⁕ ꠅꠚꠤꠍ ꠌꠟꠣꠇꠣꠟꠤꠘ ꠡꠝꠄꠅ ꠟꠣꠁꠛ꠆ꠛꠦꠞꠤ ꠅ ꠙꠠꠣꠞ ꠞꠥꠝ ꠡꠣꠗꠣꠞꠘꠧꠞ ꠟꠣꠉꠤ ꠇꠧꠟꠣ ꠕꠣꠇꠦ ⁕ ꠁꠈꠣꠘꠧ ꠁꠘ꠆ꠐꠣꠞꠘꠦꠐ ꠡꠥꠛꠤꠗꠣ ꠀꠍꠦ ⁕ ꠄꠍꠣꠠꠣ ꠉꠛꠦꠡꠇ ꠅ ꠛꠤꠡꠦꠡꠉ꠆ꠉ ꠅꠈꠟꠧꠞ ꠟꠣꠉꠤ ꠀꠟꠣꠖꠣ ꠞꠥꠝ ꠀꠍꠦ ⁕

ꠇꠝꠙ꠆ꠟꠦꠇ꠆ꠍꠧꠞ ꠅꠒꠤꠐꠞꠤꠀꠝꠧꠞ ꠘꠣꠝ ꠝꠥꠢꠣꠝ꠆ꠝꠖ ꠛꠤꠘ ꠈꠟꠤꠚꠣ ꠛꠤꠘ ꠍꠣꠟꠝꠣꠘ ꠀꠟ ꠈꠟꠤꠚꠣ ꠟꠦꠇꠌꠣꠞ ꠢꠟ ⁕ ꠁꠇꠐꠣ ১৫০ꠎꠘ ꠖꠞ꠆ꠡꠇꠞꠦ ꠎꠣꠉꠣ ꠖꠤꠔꠧ ꠙꠣꠞꠦ ⁕ ꠁꠉꠥ ꠝꠥꠟꠔ ꠛꠇ꠆ꠔꠤꠔꠣ ꠀꠞ ꠄꠇꠣꠒꠦꠝꠤꠇ ꠡꠝ꠆ꠝꠦꠟꠘꠧꠞ ꠟꠣꠉꠤ ꠛꠦꠛꠢꠣꠞ ꠇꠞꠣ ꠅꠄ ⁕ ꠎꠥꠇ꠆ꠔꠞꠣꠎ꠆ꠎ, ꠎꠥꠇ꠆ꠔꠞꠣꠡ꠆ꠐ꠆ꠞ, ꠚ꠆ꠞꠣꠘ꠆ꠍ ꠡꠢ ꠛꠃꠔ ꠖꠦꠡ ꠔꠘꠦ ꠅꠕꠤꠔꠤ ꠛꠇ꠆ꠔꠣ ꠅꠈꠟ ꠛꠣꠢꠞꠣꠁꠘꠧ ꠀꠁꠀ ꠕꠣꠇꠂꠘ ⁕ ꠛꠤꠜꠤꠘ꠆ꠘ ꠡꠝꠤꠔꠤ ꠅ ꠙꠔꠤꠡ꠆ꠐꠣꠘꠧꠞ ꠟꠉꠦ ꠡꠎꠥꠉꠤꠔꠣꠞ ꠟꠣꠉꠤ ꠡꠝ꠆ꠝꠦꠟꠘ ꠢꠟ ꠙ꠆ꠞꠣꠄ ꠡꠣꠗꠣꠞꠘꠧꠞ ꠟꠣꠉꠤ ꠛꠦꠛꠀꠞ ꠅꠄ ⁕

ꠁꠍꠟꠣꠝꠤ ꠡꠤꠇ꠆ꠇꠣ ꠛꠤꠡꠅꠇ ꠁꠃꠡꠥꠚ ꠛꠤꠘ ꠀꠢꠝꠦꠖ ꠇꠣꠘꠥ ꠁꠍ꠆ꠇꠥꠟ ꠅꠃ ꠎꠣꠉꠣꠔ ꠅꠛꠡ꠆ꠕꠤꠔ ⁕ ꠁ ꠁꠍ꠆ꠇꠥꠟꠧ ꠡꠣꠔꠐꠣ ꠛꠤꠘ꠆ꠘ ꠛꠤꠡꠄꠅ ꠙꠠꠣꠘꠤ ꠅꠄ ⁕ ꠛꠦꠐꠤꠘ ꠅ ꠚꠥꠞꠥꠔ꠆ꠔꠣꠁꠔꠞꠦ ꠀꠟꠣꠖꠣ ꠇ꠆ꠟꠣꠍꠧ ꠇꠥꠞꠀꠘ ꠡꠤꠇ꠆ꠇꠣ ꠖꠦꠅꠀ ꠅꠄ ⁕

ꠎꠣꠖꠥꠉꠞ[edit | edit source]

ꠀꠟ ꠢꠣꠄꠀꠔ ꠎꠣꠖꠥꠉꠞ ꠁ ꠇꠝꠙ꠆ꠟꠦꠇ꠆ꠍꠧꠞ ꠡꠛꠔꠘꠦ ꠡꠤꠇ꠆ꠞꠤꠔ ꠙꠔꠤꠡ꠆ꠐꠣꠘ ⁕ ꠁꠈꠣꠘꠧꠞ ꠖꠥꠁ ꠔꠣꠟꠣꠔ ꠖꠡꠐꠣ ꠢꠟ ꠀꠍꠦ ⁕ ꠁꠔꠣ ꠢꠟ ꠅꠈꠟꠧ ꠢꠤꠎꠞꠤ ꠙꠄꠟꠣ ꠡꠔꠣꠛ꠆ꠖꠤ ꠔꠘꠦ ꠡꠥꠞꠥ ꠇꠞꠤ ꠛꠤꠜꠤꠘ꠆ꠘ ꠎꠥꠉꠧ ꠟꠦꠈꠣ ꠇꠥꠞꠀꠘꠧꠞ ꠙꠣꠘ꠆ꠒꠥꠟꠤꠙꠤ ꠅꠈꠟ ꠞꠣꠈꠣ ꠀꠍꠦ ⁕ ꠝꠇ꠆ꠇꠣ, ꠝꠖꠤꠘꠣ, ꠖꠣꠝꠦꠡ꠆ꠇ, ꠛꠣꠉꠖꠣꠖꠧ ꠙꠣꠞ꠆ꠌꠝꠦꠘ꠆ꠐ ꠇꠣꠉꠎ ꠖꠤ ꠟꠦꠈꠣ ꠙꠣꠘ꠆ꠒꠥꠟꠤꠙꠤ ꠁꠈꠘꠧ ꠞꠣꠈꠣ ꠀꠍꠦ ⁕ ꠙꠣꠘ꠆ꠒꠥꠟꠤꠙꠤꠞ ꠡꠥꠞꠇ꠆ꠇꠣꠞ ꠟꠣꠉꠤ ꠛꠤꠡꠦꠡ ꠙꠇ꠆ꠞꠤꠀꠄ ꠞꠣꠈꠣ ꠅꠄ ⁕ ꠖꠥꠞ꠆ꠟꠜ ꠙꠣꠘ꠆ꠒꠥꠟꠤꠙꠤꠞ ꠝꠣꠏꠦ ১৬৯৪ ꠈꠤꠡ꠆ꠐꠣꠛ꠆ꠖꠦ ꠎꠣꠞ꠆ꠝꠣꠘꠤꠔ ꠝꠥꠖ꠆ꠞꠤꠔ ꠇꠥꠞꠀꠘꠧꠞ ꠄꠇꠐꠣ ꠙꠣꠘ꠆ꠒꠥꠟꠤꠙꠤ ꠀꠍꠦ ⁕ ৯৫৫ ꠈꠤꠡ꠆ꠐꠣꠛ꠆ꠖꠦ ꠍꠥꠁꠎꠣꠞꠟꠦꠘ꠆ꠒꠧ ꠟꠦꠐꠤꠘ ꠜꠣꠡꠣꠔ ꠅꠘꠥꠖꠤꠔ ꠇꠥꠞꠀꠘꠧꠞ ꠙꠣꠘ꠆ꠒꠥꠟꠤꠙꠤ ꠎꠣꠖꠥꠉꠞꠧ ꠀꠍꠦ ⁕ ꠁꠇꠐꠣ ꠇꠥꠞꠀꠘꠧꠞ ꠙ꠆ꠞꠣꠌꠤꠘꠔꠝ ꠅꠘꠥꠛꠣꠖ ꠅꠈꠟꠧꠞ ꠅꠁꠘ꠆ꠘꠔꠝ ⁕ ꠈꠟꠤꠚꠣ ꠃꠍꠝꠣꠘꠧꠞ ꠀꠝꠟꠧ ꠟꠦꠇꠣ ꠇꠥꠞꠀꠘꠧꠞ ꠙꠣꠘ꠆ꠒꠥꠟꠤꠙꠤ ꠁꠈꠣꠘꠧ ꠞꠣꠈꠣ ꠀꠍꠦ ⁕ ꠄꠍꠣꠠꠣ ꠇꠤꠍꠥ ꠍꠥꠐꠝꠥꠐ ꠡꠣꠁꠎꠧꠞ ꠇꠥꠞꠀꠘꠧꠞ ꠙꠣꠘ꠆ꠒꠥꠟꠤꠙꠤ ꠀꠍꠦ ꠎꠦꠉꠥꠁꠘ ꠙꠠꠔꠦ ꠀꠟꠧꠇꠤꠅ ꠎꠘ꠆ꠔ꠆ꠞꠧꠞ ꠖꠞꠇꠣꠞ ꠅꠄ ⁕

১৪ꠡ-ꠡꠔꠣꠛ꠆ꠖꠤꠔ ꠅꠈꠘꠇꠥꠞ ꠙꠣꠇꠤꠍ꠆ꠔꠣꠘꠧ ꠡꠡ꠆ꠡ, ꠒꠣꠁꠟ ꠅ ꠌꠣꠃꠟꠧꠞ ꠃꠙꠞꠦ ꠟꠦꠈꠣ ꠇꠥꠞꠀꠘꠧꠞ ꠛꠤꠜꠤꠘ꠆ꠘ ꠍꠥꠞꠣ ꠁ ꠎꠣꠖꠥꠉꠞꠧ ꠀꠍꠦ ⁕ ꠄꠍꠣꠠꠣ ꠛꠤꠜꠤꠘ꠆ꠘ ꠎꠥꠉꠧ ꠁꠞꠣꠇ, ꠔꠥꠞꠡ꠆ꠇ, ꠁꠞꠣꠘ ꠅ ꠝꠤꠡꠞꠧ ꠛꠣꠘꠣꠁꠟ ꠖꠥꠞ꠆ꠟꠜ ꠡꠧꠘꠣꠞ ꠅ ꠔꠣꠝꠣꠞ ꠚꠐ ꠀꠞ ꠇꠣꠌ ꠎꠣꠖꠥꠉꠞꠧ ꠀꠍꠦ ⁕

ꠁꠛꠘꠦ ꠔꠣꠁꠝꠤꠀ ꠡꠢ ꠅꠁꠘꠣꠘ꠆ꠘ ꠁꠍꠟꠣꠝꠤ ꠙꠘ꠆ꠒꠤꠔ ꠅꠈꠟꠧꠞ ꠞꠌꠘꠣ ꠎꠣꠖꠥꠉꠞꠧ ꠞꠣꠈꠣ ꠀꠍꠦ ⁕ ꠖꠣꠛꠤ ꠇꠞꠣ ꠅꠄ ꠎꠦ "ꠁꠇꠐꠣ ꠇꠥꠞꠀꠘ ꠅ ꠇꠥꠞꠀꠘ ꠡꠤꠇ꠆ꠇꠣꠔ ꠘꠤꠛꠦꠖꠤꠔ ꠖꠥꠘꠤꠀꠞ ꠄꠇꠝꠣꠔ꠆ꠞ ꠙꠔꠤꠡ꠆ꠐꠣꠘ" ⁕