Wp/syl/ꠘꠤꠎꠘꠣꠝ
ꠘꠤꠎꠘꠣꠝ (ꠁꠋꠟꠤꠡ: Noun ꠎꠦꠉꠥ ꠟꠦꠐꠤꠘ nōmen ꠡꠛ꠆ꠖ ꠔꠘꠦ ꠀꠁꠍꠦ; ꠎꠣꠞ ꠝꠣꠘꠦ ꠘꠣꠝ) ꠛꠣ ꠘꠣꠝꠣꠁꠘ ꠍꠤꠟꠐꠤ ꠈꠣꠄꠖꠣꠞ ꠄꠉꠥ ꠝꠣꠐ꠆ꠐꠥꠝꠣ⁕ ꠡꠣꠗꠣꠞꠘꠔ ꠛꠣꠁꠇ꠆ꠇꠞ ꠝꠣꠏꠦ ꠎꠦꠔꠣ ꠝꠣꠐ꠆ꠐꠥꠝꠣ ꠖꠤ ꠝꠣꠘꠥ, ꠎꠣꠔꠤ, ꠎꠤꠘꠤꠡ, ꠁꠍꠔꠣꠘ, ꠐꠣꠁꠝ, ꠜꠣꠛ, ꠈꠣꠝ ꠛꠣ ꠈꠣꠁꠍꠟꠔꠞ ꠘꠣꠝ ꠛꠥꠏꠣꠄ ꠁꠔꠣꠞꠦ ꠘꠤꠎꠘꠣꠝ ꠛꠣ ''ꠘꠣꠝꠣꠁꠘ ꠈꠄ⁕ ꠀꠞꠛꠤ-ꠚꠣꠞꠍꠤꠔ ꠁꠉꠥꠞꠦ 'ꠁꠍ꠆ꠝ" ꠈꠄ⁕ ꠝꠣꠘꠦ ꠎꠦꠍꠣꠔꠣꠞ ꠘꠣꠝꠞꠦ ꠘꠤꠎꠘꠣꠝ ꠛꠣ ꠘꠣꠝꠣꠁꠘ ꠈꠄ⁕ ꠎꠦꠟꠣꠘ- ꠍꠣ, ꠈꠝꠟꠣ, ꠍꠤꠟꠐ ꠅꠔꠣꠁꠘ⁕
ꠔꠣꠞꠤꠀ[edit | edit source]
ꠘꠤꠎꠘꠣꠝꠞꠦ ꠈꠄꠈ ꠐꠥꠝꠣꠄ ꠛꠣꠐꠣ ꠎꠣꠄ⁕
ꠀꠍꠟꠤ ꠘꠣꠝꠣꠁꠘ[edit | edit source]
ꠎꠦꠔꠣ ꠘꠣꠝꠣꠁꠘꠖꠤ ꠘꠤꠞꠖꠤꠡꠐ ꠝꠣꠘꠥ, ꠘꠖꠤ, ꠁꠍꠔꠣꠘ, ꠐꠤꠟꠟꠣ ꠐꠥꠟꠟꠣ, ꠖꠞꠤꠀ, ꠗꠞꠝꠤꠅ ꠇꠤꠔꠣꠛ ꠅꠔꠣꠁꠘ ꠛꠥꠏꠣꠄ ꠁꠔꠣꠞꠦ ꠀꠍꠟꠤ ꠘꠣꠝꠣꠁꠘ (Proper Noun) ꠈꠄ⁕ ꠎꠦꠟꠣꠘ- ꠃꠍꠝꠣꠘꠤ, ꠇꠤꠘ ꠛꠤꠞꠤꠎ, ꠢꠣꠟꠔꠥꠘꠘꠛꠤ, ꠡꠥꠞꠝꠣ ꠅꠔꠣꠁꠘ⁕
ꠎꠣꠔꠤ ꠘꠣꠝꠣꠁꠘ[edit | edit source]
ꠎꠦꠔꠣ ꠘꠣꠝꠣꠁꠘꠖꠤ ꠇꠥꠘꠥ ꠎꠣꠘꠖꠣꠞ ꠘꠣꠁꠟꠦ ꠎꠤꠘꠤꠡꠞ ꠎꠣꠔ ꠛꠥꠏꠣꠄ ꠁꠔꠣꠞꠦ ꠎꠣꠔꠤ ꠘꠣꠝꠣꠁꠘ (Common Noun) ꠈꠄ⁕ ꠎꠦꠟꠣꠘ- ꠝꠣꠘꠥ, ꠝꠥꠍꠟꠤꠝ, ꠁꠘ꠆ꠖꠥ, ꠞꠣꠎꠣ ꠅꠔꠣꠁꠘ⁕
ꠈꠣꠝꠤ ꠘꠣꠝꠣꠁꠘ[edit | edit source]
ꠎꠦꠔꠣ ꠘꠣꠝꠣꠁꠘꠖꠤ ꠇꠥꠘꠥ ꠈꠣꠝꠞ ꠘꠣꠝꠣꠁꠘ ꠛꠥꠏꠣꠄ ꠁꠔꠣꠞꠦ ꠈꠣꠝꠤ ꠘꠣꠝꠣꠁꠘ (Verbal Noun) ꠈꠄ⁕ ꠎꠦꠟꠣꠘ- ꠈꠣꠅꠘ, ꠎꠣꠅꠘ, ꠖꠦꠈꠘ ꠅꠔꠣꠁꠘ⁕
ꠉꠥꠁꠐ ꠘꠣꠝꠣꠁꠘ[edit | edit source]
ꠎꠦꠔꠣ ꠘꠣꠝꠣꠁꠘꠖꠤ ꠇꠥꠘꠥ ꠉꠥꠁꠐꠞꠦ ꠛꠥꠏꠣꠄ ꠁꠔꠣꠞꠦ ꠉꠥꠁꠐ ꠘꠣꠝꠣꠁꠘ (Collective Noun) ꠈꠄ⁕ ꠎꠦꠟꠣꠘ- ꠚꠥꠀ-ꠚꠥꠞꠤꠘ꠆ꠔꠞ ꠉꠥꠁꠐ, ꠀꠡ ꠛꠣ ꠝꠥꠞꠉꠤꠞ ꠚꠣꠟ, ꠉꠞꠥꠞ ꠉꠥꠁꠐ ꠅꠔꠣꠁꠘ⁕
ꠈꠣꠁꠍꠟꠔꠤ ꠘꠣꠝꠣꠁꠘ[edit | edit source]
ꠎꠦꠔꠣ ꠘꠣꠝꠣꠁꠘꠖꠤ ꠇꠥꠘꠥ ꠎꠤꠘꠤꠡꠞ ꠀꠖꠛ, ꠈꠣꠁꠍꠟꠔ, ꠢꠣꠟꠔ ꠅꠔꠣꠞ ꠘꠣꠝ ꠛꠥꠏꠣꠄ ꠁꠔꠣꠞꠦ ꠈꠣꠁꠍꠟꠔꠤ ꠘꠣꠝꠣꠁꠘ (Abstract Noun) ꠈꠄ⁕ ꠎꠦꠟꠣꠘ- ꠡꠥꠇ, ꠖꠥꠇ, ꠉꠞꠤꠝꠣ, ꠚꠖꠚꠖ ꠅꠔꠣꠁꠘ⁕
ꠍꠤꠎ ꠘꠣꠝꠣꠁꠘ[edit | edit source]
ꠎꠦꠔꠣ ꠘꠣꠝꠣꠁꠘꠖꠤ ꠇꠥꠘꠥ ꠍꠤꠎ ꠛꠣ ꠎꠤꠘꠤꠡꠞ ꠘꠣꠝ ꠛꠥꠏꠣꠄ ꠁꠔꠣꠞꠦ ꠍꠤꠎ ꠘꠣꠝꠣꠁꠘ (Material Noun) ꠈꠄ⁕ ꠎꠦꠟꠣꠘ- ꠚꠣꠘꠤ, ꠖꠁ, ꠝꠗꠥ ꠅꠔꠣꠁꠘ⁕