Wp/syl/ꠈꠑꠣ
ꠈꠑꠣ ( ꠁꠋꠟꠤꠡ: Squirrel) ꠅꠁꠟ ꠞꠥꠒꠦꠘꠡꠤꠀ ꠛꠞ꠆ꠉꠞ Sciuridae ꠉꠥꠡ꠆ꠐꠤꠞ ꠄꠈꠎꠣꠔ ꠍꠥꠐ ꠀꠞ ꠝꠣꠁꠎꠝ ꠍꠣꠁꠎꠞ ꠖꠥꠗꠧꠚꠣꠟꠣ ꠎꠣꠘꠥꠀꠞ⁕
ꠈꠑꠣꠞ ꠝꠣꠏꠦ ꠀꠍꠦ ꠉꠣꠍꠥꠀ ꠈꠑꠣ, ꠝꠣꠐꠤꠞ ꠈꠑꠣ, ꠌꠤꠝ꠆ꠙꠣꠋꠇ, ꠝꠣꠞꠝꠐ, ꠃꠠꠣ ꠈꠑꠣ ꠀꠞ ꠙ꠆ꠞꠦꠁꠞꠤ ꠇꠥꠔ꠆ꠔꠣ ꠅꠃ ꠉꠥꠡꠑꠤꠞ ꠎꠣꠘꠥꠀꠞ⁕ ꠈꠑꠣ ꠀꠍꠔꠣ ꠖꠥꠘꠤꠀꠞ ꠢꠈꠟꠎꠣꠉꠣꠔ ꠚꠣꠅꠀ ꠎꠣꠄ, ꠎꠖꠤꠅ ꠁꠔꠣꠞ ꠝꠥꠟ ꠜꠤꠐꠣ ꠄꠡꠤꠀ, ꠀꠚ꠆ꠞꠤꠇꠣ, ꠁꠃꠞꠥꠙ ꠀꠞ ꠀꠝꠦꠞꠤꠇꠣꠔ, ꠅꠁꠟꠦ ꠝꠣꠘꠡꠦ ꠅꠡ꠆ꠐ꠆ꠞꠦꠟꠤꠀꠔ ꠅ ꠟꠁꠀ ꠉꠦꠍꠁꠘ⁕
ꠈꠑꠣꠞ ꠡꠣꠝꠘꠞ ꠚꠣꠃ ꠢꠥꠞꠥ ꠀꠞ ꠚꠤꠍꠞ ꠚꠣꠃ ꠖꠄꠐꠣ ꠛꠠ ꠅꠄ, ꠄꠞꠟꠣꠉꠤ ꠁꠔꠣꠄ ꠡꠢꠎꠦ ꠚꠣꠟꠣꠁꠔꠣ ꠚꠣꠞꠁꠘ⁕ ꠃꠠꠞꠣ ꠈꠑꠣꠞ ꠡꠣꠝꠘꠞ ꠚꠣꠃ ꠔꠘꠦ ꠚꠤꠍꠞ ꠚꠣꠃ ꠚꠞ꠆ꠎꠘ꠆ꠔ ꠉꠔꠞꠞ ꠟꠉꠦ ꠟꠥꠝꠀꠟꠣ ꠍꠣꠝꠠꠣ ꠖꠤ ꠎꠥꠠꠣ ꠟꠣꠉꠣꠁꠟ ꠕꠣꠈꠦ⁕
ꠍꠥꠞꠔ[edit | edit source]
ꠈꠑꠣ ꠝꠥꠟꠔ ꠢꠥꠞꠥ ꠎꠣꠘꠥꠀꠞ, ꠢꠈꠟꠞ ꠢꠥꠞꠥ ꠀꠚ꠆ꠞꠤꠇꠣꠘ ꠙꠤꠉꠝꠤ ꠈꠑꠣ ꠀꠞ ꠔꠥꠠꠣ ꠙꠤꠉꠝꠤ ꠈꠑꠣ ꠞ ꠍꠣꠁꠎ ১০-১৪ ꠍꠦ.ꠝꠤ. (৩.৯-৫.৫ ꠁꠘꠌꠤ) ꠟꠣꠝ꠆ꠛꠣꠄ ꠀꠞ ꠃꠎꠘꠦ ১২-২৬ ꠉ꠆ꠞꠣꠝ ꠅꠄ, ꠢꠤꠛꠣꠄ ꠡꠛꠞ ꠛꠠ ꠜꠥꠐꠣꠘꠤ ꠢꠦꠎꠣ ꠃꠠꠞꠣ ꠈꠑꠣ ꠟꠣꠝ꠆ꠛꠣꠄ ꠅꠄ ১.২৭ ꠝꠤꠐꠣꠞ (৪ ꠚꠥꠐ ২ ꠁꠘꠌꠤ) ꠀꠞ ꠈꠄꠈꠎꠣꠔ ꠝꠣꠞꠝꠐ ꠎꠣꠔꠞ ꠁꠔꠣꠞ ꠃꠎꠘ ꠅꠄ ৮ ꠈꠦꠎꠤꠞ ꠛꠦꠡꠤ⁕ ꠈꠑꠣꠞ ꠢꠣꠟꠣꠈ ꠉꠔꠞꠧ ꠟꠥꠝꠀꠟꠣ ꠟꠦꠘꠎꠥꠠ ꠀꠞ ꠛꠠ ꠍꠃꠇ⁕ ꠈꠑꠣꠞ ꠟꠥꠝ ꠚꠣꠟꠤꠡ ꠀꠞ ꠘꠞꠝ, ꠅꠁꠟꠦ ꠇꠤꠍꠥ ꠎꠣꠔꠧ ꠡꠈꠔꠧ⁕ ꠈꠑꠣꠞ ꠞꠋꠉ ꠅ ꠈꠥꠛ ꠛꠦꠡꠤ ꠛꠦꠡꠈꠝ ꠖꠦꠈꠣ ꠎꠣꠄ⁕
ꠈꠣꠍꠟꠔ[edit | edit source]
ꠈꠐꠣ ꠛꠍꠞꠧ ꠝꠤꠟꠦ ꠖꠥꠁ ꠇꠤ ꠄꠈꠛꠣꠞ, ꠍꠣꠃ ꠚꠦꠐꠧ ꠕꠣꠈꠦ ৩ ꠔꠘꠦ ৬ ꠡꠣꠙ꠆ꠔꠣ⁕ ꠚꠄꠖꠣ ꠅꠀ ꠛꠣꠌ꠆ꠌꠣꠞ ꠡꠋꠈꠣ ꠎꠣꠔꠞ ꠝꠣꠏꠦ ꠛꠦꠡꠈꠝ ꠈꠞꠦ⁕
ꠛꠦꠡꠤꠞꠜꠣꠉ ꠈꠑꠣꠞ ꠎꠣꠔ ꠖꠤꠘꠧ ꠕꠣꠈꠦ, ꠅꠁꠟꠦ ꠃꠠꠞꠣ ꠈꠑꠣ ꠞꠣꠁꠔꠇꠥ ꠛꠣꠞꠄ
ꠈꠣꠘꠤ[edit | edit source]
ꠈꠐꠣꠄ ꠍꠦꠟꠥꠟꠧꠎ ꠈꠣꠁꠔ ꠚꠣꠞꠦ ꠘꠣ ꠈꠞꠤ, ꠙ꠆ꠞꠧꠐꠤꠘ, ꠇꠣꠞꠛꠧꠢꠣꠁꠒ꠆ꠞꠦꠐ ꠀꠞ ꠍꠤꠇꠘꠣ ꠎꠣꠔ ꠈꠣꠘꠤ ꠈꠣꠄ⁕