Wp/syl/ꠀꠘꠣꠞ
ꠀꠘꠣꠞ (ꠁꠋꠟꠤꠡ: Pomegranate) ꠅꠁꠟ Lytgraceae ꠚꠞꠤꠛꠣꠞꠞ Punica ꠉꠘꠞ ꠄꠈꠎꠣꠔ ꠚꠟ⁕ ꠁ ꠚꠟꠞ ꠞꠋ ꠟꠣꠟ, ꠚꠟꠞ ꠜꠤꠔꠞꠦ ꠕꠣꠈꠦ ꠟꠣꠟ ꠢꠥꠞꠥ ꠢꠥꠞꠥ ꠞꠡꠦꠜꠞꠣ ꠖꠣꠘꠣ, ꠅꠃ ꠖꠣꠘꠣꠃ ꠈꠣꠅꠀ ꠅꠄ⁕ ꠁ ꠚꠟꠞꠦ ꠒꠣꠟꠤꠝ ꠅ ꠈꠅꠀ ꠅꠄ⁕ ꠀꠘꠣꠞ ꠅꠞ ꠝꠥꠟ ꠚꠟꠣꠘꠤꠞ ꠎꠣꠉꠣ ꠀꠍꠔꠣ ꠁꠞꠣꠘ ꠕꠣꠇꠤ ꠃꠔꠞꠧ ꠁꠘ꠆ꠒꠤꠀ ꠎꠥꠠꠤꠀ, ꠀꠞ ꠁꠇꠐꠣ ꠚꠄꠟꠣ ꠎꠛꠣꠘꠣ ꠕꠣꠇꠤ ꠚꠟꠣꠘꠤ ꠅꠞ ꠝꠣꠏꠖꠥꠘꠤꠀꠞ ꠡꠣꠉꠞ ꠄꠟꠣꠇꠣꠔ⁕
.jpg)
ꠁ ꠚꠟ ꠚꠣꠈꠦ ꠡꠤꠔꠞ ꠡꠝꠄ, ꠚꠟꠞ ꠖꠣꠘꠣ ꠡꠞꠣꠡꠞꠤ ꠈꠣꠅꠀ ꠅꠄ, ꠡꠞꠛꠔ ꠈꠞꠤ ꠈꠣꠅꠀ ꠅꠄ, ꠇꠥꠘꠧ ꠇꠥꠘꠧ ꠎꠣꠉꠣꠔ ꠞꠣꠘ꠆ꠗꠣ ꠅꠄ, ꠁꠔꠣꠖꠤ ꠚꠤꠑꠣ ꠅ ꠛꠣꠘꠣꠘꠤ ꠅꠄ ꠀꠞꠅ ꠘꠣꠘꠣꠘꠎꠣꠔ ꠞꠡꠁ ꠛꠣꠘꠣꠘꠤ ꠅꠄ⁕
ꠁꠍꠟꠣꠝꠞ ꠘꠛꠤ ꠝꠥꠢꠣꠝ꠆ꠝꠖ (ꠍꠣ:) ꠄ ꠁ ꠚꠟꠞꠦ ꠛꠦꠢꠦꠍꠔꠞ ꠚꠟ ꠈꠁꠍꠁꠘ⁕
ꠘꠣꠝꠞ ꠁꠔꠤꠢꠣꠡ
[edit | edit source]ꠚꠣꠞꠍꠤ ꠝꠣꠔ ꠕꠣꠇꠤ ꠀꠁꠍꠦ, ꠚꠣꠞꠍꠤ ꠝꠣꠔ ꠁꠇꠐꠣꠞꠦ ꠀꠘꠣꠞ (انار) ꠈꠅꠀ ꠅꠄ, ꠇꠥꠞ꠆ꠖꠤ ꠝꠣꠔꠧ ꠈꠅꠀ ꠅꠄ ꠢꠤꠘꠣꠞ ꠀꠞ ꠀꠎꠦꠞꠤ ꠝꠣꠔꠧ ꠘꠣꠞ⁕ ꠀꠞ ꠁꠇꠐꠣꠞ ꠀꠞꠈ ꠘꠣꠝ ꠒꠣꠟꠤꠝ ꠀꠁꠍꠦ ꠡꠋꠍꠇ꠆ꠞꠤꠔ ꠝꠣꠔ ꠕꠣꠇꠤ, ꠡꠋꠍꠇ꠆ꠞꠤꠔ ꠝꠣꠔ ꠁ ꠚꠟꠞ ꠘꠣꠝ ꠖꠣꠞꠤꠝ⁕
ꠛꠞ꠆ꠘꠘꠣ
[edit | edit source]ꠏꠥꠚꠞꠤ ꠢꠥꠞꠥ 
ꠕꠣꠇꠤ 
ꠝꠤꠐꠣꠞ ꠃꠍꠣ ꠀꠘꠣꠞ ꠉꠣꠍ, ꠉꠣꠍ ꠅ ꠛꠣꠇ꠆ꠇꠣ ꠈꠄꠐꠣ ꠈꠣꠐꠣꠀꠟꠣ ꠒꠣꠟ ꠕꠣꠈꠦ, ꠀꠘꠣꠞ ꠉꠣꠍ ꠈꠥꠛ ꠛꠦꠡꠤ ꠖꠤꠘ ꠛꠣꠍꠦ, ꠅꠟꠣꠃꠎꠦ ꠄꠈꠎꠣꠔꠞ ꠀꠘꠣꠞ ꠉꠣꠍ 
ꠛꠍꠞ ꠚꠞ꠆ꠎꠘ꠆ꠔ ꠛꠣꠍꠦ⁕
ꠚꠟ,ꠖꠣꠘꠣ ꠀꠞ ꠛꠤꠍꠤ
[edit | edit source]ꠟꠣꠟ ꠞꠋꠞ ꠚꠟ, ꠁ ꠚꠟꠞ ꠛꠣꠈꠟꠞ ꠖꠥꠁ ꠉꠣꠟꠣ, ꠛꠣꠁꠞꠞ ꠉꠣꠟꠣ ꠡꠈꠔ ꠀꠞ ꠜꠤꠔꠞꠞ ꠉꠣꠟꠣ ꠘꠞꠝ ꠔꠥꠟꠔꠥꠟꠣ ꠀꠞ ꠁꠉꠣꠟꠣꠞ ꠟꠉꠦ ꠖꠣꠘꠣ ꠟꠣꠉꠣꠁꠟ ꠕꠣꠈꠦ⁕ ꠖꠣꠘꠣꠞ ꠜꠤꠔꠞꠦ ꠕꠣꠈꠦ ꠞꠡ ꠀꠞ ꠢꠥꠞꠥ ꠛꠤꠍꠤ⁕ ꠀꠘꠣꠞ ꠅꠞ ꠜꠤꠔꠞꠦ ꠖꠣꠘꠣ ꠕꠣꠇꠤ ꠡꠥꠞꠥ ꠈꠞꠤ 
ꠚꠞ꠆ꠎꠘ꠆ꠔ ꠅꠁꠔ ꠚꠣꠞꠦ⁕