Wp/syl/ꠀꠍꠣ

From Wikimedia Incubator
< Wp‎ | syl
Wp > syl > ꠀꠍꠣ

ꠀꠍꠣ ꠅꠁꠟ ꠀꠝ-ꠈꠣꠐꠟꠤꠞ ꠡꠝꠄ ꠚꠥꠠꠤ ꠨ ꠛꠁꠘ ꠨ ꠜꠣꠉ꠆ꠘꠤꠞ ꠛꠣꠠꠤ ꠘꠣꠘꠣꠘꠎꠣꠔ ꠚꠟꠚ꠆ꠞꠥꠐ ꠟꠁꠀ ꠎꠣꠅꠀꠞ ꠞꠍꠝ ⁕ ꠁꠇꠐꠣ ꠍꠤꠟꠐ ꠅꠘ꠆ꠌꠟꠞ ꠅꠁꠔꠤꠎ꠆ꠎꠧ ⁕ ꠀꠁꠎ ꠕꠣꠇꠤ ꠛꠃꠔ ꠛꠍꠞ ꠗꠞꠤꠀ ꠁ ꠞꠍꠝꠞ ꠍꠟ ꠍꠤꠟꠐ ꠍꠟꠤꠀ ꠀꠞ ⁕ ꠀꠝ-ꠈꠣꠑꠟꠤꠞ ꠡꠝꠄ ꠝꠣꠘꠦ ꠉꠞꠝꠞ ꠡꠝꠄ ꠎꠦꠛꠟꠣ ꠀꠝ ꠈꠣꠑꠟ ꠡꠢ ꠘꠣꠘꠣꠘꠎꠣꠔ ꠚꠟ ꠚ꠆ꠞꠥꠐ ꠚꠣꠈꠦ ꠨ ꠅꠃ ꠡꠝꠄ ꠘꠤꠎꠞ ꠚꠥꠠꠤ ꠨ ꠛꠁꠘ ꠛꠣ ꠜꠣꠉ꠆ꠘꠤ ꠨ ꠜꠣꠁꠎꠤꠞ ꠢꠃꠞ ꠛꠣꠠꠤ ꠘꠣꠘꠣꠘꠎꠣꠔ ꠚꠟ ꠟꠁꠀ ꠎꠣꠅꠀ ꠅꠄ ⁕

ꠚꠣꠟꠘ[edit | edit source]

ꠀꠝ-ꠈꠣꠑꠟꠤꠞ ꠡꠝꠄ ꠨ ꠡꠥꠞꠥ ꠅꠁꠎꠣꠄ ꠚꠥꠞꠤꠘ꠆ꠔꠞ ꠛꠣꠠꠤ ꠀꠍꠣ ꠖꠦꠅꠀ ꠨ ꠛꠤꠡꠦꠡ ꠈꠞꠤ ꠘꠄꠀ ꠎꠣꠞꠣꠞ ꠛꠤꠀ ꠅꠄ ⁕ ꠀꠉꠦ ꠘꠤꠎꠞ ꠛꠣꠠꠤꠔ ꠎꠦꠔꠣ ꠚꠟꠔ ꠅꠔꠣ ꠖꠤꠃ ꠀꠍꠣ ꠖꠦꠅꠀ ꠅꠁꠔ ꠨ ꠄꠛꠟꠣ ꠝꠥꠟꠔ ꠛꠣꠎꠣꠞ ꠕꠣꠇꠤ ꠇꠤꠘꠤꠀ ꠖꠦꠅꠀ ꠅꠄ ⁕ ꠚꠥꠞꠤꠞ ꠛꠣꠚ ꠨ ꠜꠣꠁ ꠨ ꠝꠣꠝꠣ ꠨ ꠍꠣꠍꠣ ꠨ ꠖꠥꠟꠣꠜꠣꠁ ꠀꠞꠅ ꠇꠤꠍꠥ ꠈꠦꠡ ꠇꠥꠐꠥꠝꠦ ꠚꠥꠞꠤꠞ ꠢꠃꠞ ꠛꠣꠠꠤ ꠀꠍꠣ ꠟꠁꠀ ꠎꠣꠁꠘ ⁕ ꠚꠥꠞꠤꠞ ꠛꠣꠠꠤ ꠄꠖꠤꠘ ꠀꠍꠣꠞ ꠟꠣꠉꠤ ꠄꠈꠐꠣ ꠅꠘꠥꠡ꠆ꠑꠣꠘ ꠅꠄ ꠨ ꠎꠦꠈꠐꠣꠔ ꠢꠈꠟ ꠈꠦꠡ-ꠇꠥꠐꠥꠝꠞꠦ ꠖꠣꠅꠀꠔ ꠖꠦꠅꠀ ꠅꠄ ⁕ ꠀꠞ ꠛꠣꠖꠦ ꠀꠍꠣꠔ ꠀꠅꠀ ꠍꠣꠝꠣꠘ ꠟꠣꠉꠣ ꠊꠞꠣꠁꠘ ꠀꠞ ꠈꠦꠡ-ꠇꠥꠐꠥꠝꠞ ꠛꠣꠠꠤꠔ ꠛꠣꠐꠤꠀ ꠖꠦꠅꠀ ꠅꠄ ⁕

ꠍꠣꠝꠣꠘ[edit | edit source]

ꠀꠍꠣꠔ ꠝꠥꠟꠔ ꠉꠞꠝꠞ ꠡꠝꠄ ꠗꠞꠣ ꠚꠟ ꠖꠦꠅꠀ ꠅꠄ ꠨ ꠟꠉꠦ ꠕꠣꠈꠦ ꠨ ꠝꠤꠐꠣ ꠈꠂ ꠨ ꠉꠦꠎꠣ ꠨ ꠚꠤꠑꠣ ꠡꠢ ꠀꠞꠅ ꠈꠄꠈꠎꠣꠔ ꠝꠤꠐꠣ ꠎꠤꠘꠤꠡ ⁕ ꠚꠟꠞ ꠝꠣꠏꠦ ꠕꠣꠈꠦ ꠨ ꠀꠝ ꠨ ꠈꠣꠑꠟ ꠨ ꠟꠦꠍꠥ ꠨ ꠎꠣꠝ ꠨ ꠟꠦꠛꠁ ꠨ ꠟꠥꠇꠟꠥꠇꠤ ꠨ ꠀꠘꠣꠞꠡ ꠨ ꠀꠞꠧꠅ ꠘꠣꠘꠣꠘꠔꠣ ⁕

ꠡꠝꠣꠎꠞ ꠃꠚꠞꠦ ꠀꠍꠣꠞ ꠁꠚꠦꠇ꠆ꠐ[edit | edit source]

ꠎꠖꠤꠅ ꠀꠍꠣꠞ ꠞꠍꠝ ꠄꠈꠐꠣ ꠈꠥꠡꠤꠞ ꠞꠍꠝ ꠨ ꠔꠣꠟꠁꠞ ꠛꠣꠠꠤꠞ ꠟꠉꠦ ꠡꠥꠘ꠆ꠖꠞ ꠈꠦꠡꠤ ꠕꠣꠈꠣꠞ ꠄꠈꠐꠣ ꠃꠚꠟꠇ꠆ꠇ ꠀꠍꠤꠟ ⁕ ꠀꠞ ꠀꠍꠣ ꠖꠦꠅꠀ ꠅꠄ ꠚꠥꠞꠤꠞ ꠛꠣꠚꠞ ꠛꠣꠠꠤꠞ ꠝꠞ꠆ꠎꠤ ꠝꠔ ⁕ ꠅꠁꠟꠦ ꠄꠛꠟꠣ ꠅꠘꠦꠈ ꠡꠝꠄ ꠖꠦꠈꠣ ꠎꠣꠄ ꠇꠤꠍꠥ ꠝꠣꠘꠡꠦ ꠀꠍꠣ ꠖꠦꠅꠀꠞ ꠟꠣꠉꠤ ꠚꠥꠞꠤꠞ ꠃꠚꠞꠦ ꠎꠥꠞ ꠈꠞꠦ ꠨ ꠚꠥꠞꠤꠞ ꠟꠉꠦ ꠈꠣꠞꠣꠚ ꠀꠌꠞꠘ ꠈꠞꠦ ꠨ ꠛꠤꠡꠦꠡ ꠈꠞꠤ ꠎꠣꠞꠣ ꠉꠞꠤꠛ ꠨ ꠔꠣꠞꠣꠞ ꠃꠚꠞꠦ ꠎꠥꠟꠥꠝ ꠅꠁꠎꠣꠄ ꠨ ꠅꠘꠦꠈꠡꠝꠄ ꠚꠥꠞꠤꠞ ꠛꠣꠚ ꠨ ꠜꠣꠁꠄ ꠝꠣꠘꠡꠞ ꠈꠣꠍ ꠕꠣꠇꠤ ꠈꠞꠎ ꠈꠞꠤꠀꠅ ꠀꠍꠣ ꠖꠦꠁꠘ ꠈꠣꠟꠤ ꠨ ꠚꠥꠞꠤꠞ ꠈꠥꠡꠤ ꠛꠣꠄ ꠍꠣꠁꠀ ⁕ ꠄꠞꠟꠣꠉꠤ ꠨ ꠄꠛꠟꠣ ꠛꠃꠔ ꠝꠣꠘꠡꠦ ꠁ ꠞꠍꠝ ꠛꠤꠞꠥꠖ꠆ꠗꠦ ꠝꠣꠔꠁꠘ ⁕

ꠀꠞꠧ ꠖꠦꠈꠂꠘ[edit source]

ꠕꠥꠇꠣꠘꠤ[edit source]

This is an open test wiki of the Wikimedia Incubator. You can search for other projects in Sylheti language: Sylheti Wikipedia · Sylheti Wiktionary · Sylheti Wikibooks · Sylheti Wikinews · Sylheti Wikiquote · Sylheti Wikivoyage · Sylheti Wikisource · Sylheti Wikiversity