Wp/sty/Цым пайрам
| ||||||||
Цым пайрам — Нәсел пашлыҡны исләү көн.
Үткәреү цаҡ: Цәүсә ай.
Цым пайрам — Нәсел пашлыҡны исләү көн. Үткәреү цаҡ: Цәүсә ай. Цым пайрам — себерләрнең порнаңҡы пайрамы. Пос китеүнең пөтөшөнтә пашланаты, цым ҡороғанта. Таң ирттәтән ауылның тораҡцылары сыйаратҡа паратылар. Ҡәберләрне тасартатылар та цатрыҡларны төсәтәтеләр. Мулла пелән пергә нәсел пашлыҡларға йетенце тубыҡҡаца ҡатым тыуаларны уғыйтылар. Перенце күптә түгел үлгән туғаннарға тыуаны уғыйтылар. Алттан пыйасның ҡабығына пуйалған йомортҡаларны әсерләйтеләр. Аларны әпкиләтеләр ҡалтата (атайы күләцек). Йомортҡаларны ашап ҡуйатылар, та ҡабығын ҡәберләр өстөтән цацатылар. Йарым ауылларта үлгәннәрнең урыннары өстөтән көлләр цацҡан, атай пағаннарны ултысҡаннар. Аннансуң өйләртә ҡатым үткәрәтеләр. Милли ашамлыҡлар (пишпармаҡ, пауырсаҡ, туғац, муйыл пәрәк, йеләк пәрәк, пәрәмец, пәлец тә ш.п.) та төрлө татлы ашлар әсерләйтеләр. Туғаннарны цайға цағыратылар, танышларны, мулланы йә тыуаларны пелетәген кешене. Палларға лампасый та пуйалған йомортҡаларны өләшәтеләр. Йомортҡаларны йолаларта ошланыу, тонйата кән ҡалыҡларта оцорашаты. Йомортҡа йаңа өмөрнөң тә тонйаның символы пулып исәпләнәте.
Үлгән нәсел пашлыҡларның исемләрен әйткәнтә, әйтәтеләр:
Йатҡан йере йарыҡ пулсын,
Оцмаҡ ишеге ацыҡ пулсын.
Цым пөтмәгәнцә йерне сөргәле, ағацларны кисә пашлағалы йарамайты.