Wp/sty/Умырсайа

Умырсайа (йә Йәтим цицәк) (лат. Galánthus) — аҡ, сарғылт төслө иргәтәй генә көл. Аның көл атыуы ҡышның пөтөшөн, йасның килеүен пескә пелтерәте. Иң перенце, йецкә аҡ, сарғылт йапраҡлары перенце ҡойашның нурлары пелән йер астытан күренә пашлайты. Элек аны йаланнарта кән тапҡанар. Ул көлнө өскәле йарамайты, ул көл пөтөп параты, аның аслығын пелтереп “Ҡысыл китапҡа” кергескәнәр. Әр илтә ул йылылар, йас килеүнең пелтереүцесе символы.
Йылта-йылта 19-сы Апрель умырсайа көлнөң ҡалыҡ-ара пайрамын үткәсәтеләр. Иң перенце пы пайрамны 1984-нце йылта Британ утрауларта цығарғаннар. Суң пашҡа ҡалыҡлар та ҡушылып киткәннәр. Ник 19-нцы Апрель көннө сайлап алғаннар? Ул көл көцләрен йыйып, атып өлгөрсөн өцөн тип.
Пес тә пергә ҡушылып, йас, йылы килеүгә масайып пы йаҡшы пайрамны өйтә пулсаҡ та, исебестә тотайыҡ, ҡотлайыҡ.