Wp/ssf/qangqan
波紋 numa sa haya wa qangqan? tu ruza wa qangqan.
fatu ya panaq ita sa sazum ianan s fatu a qangqan.
numa wa aniamin ya talinasain ita sazum, puqangqan sa sazum, numa zain sa thau “qangqan”.
mara'in a ruza mathuaw mara'in sa thithu a qangqan, inanuru ihu, qayza akashungkariri sa ruza.
2021/01/26 Biyung qangqan 鳥的故事
kahiwan izai mzai qangqan ya mintanafazfaziza sa qali. itia s izai zain qangqan a rumfaz mu’apaw minbababaw, izai qangqan dai tu kahiwan maqa dai s izai qangqan piaqarmanin dai s izai maqa thithu a ama kapathayan s izai binanau’az numa ianan s izai azazak. numa s izai ama wa thithu muqtha mara s izai binanau’az, numa s izai kininhalaan thithu a ama wa azazak. kininhalaan thithu a binanau’az ianan sa azazak, numa tu muqtha thithu a ama mara s izai binanau’az, mathuaw dai piaqarmanin s izai shinuqtha thithu a ama wa binanau’az.
numa dai pintataiwarin ya thithu dai mzai maqa thau kahiwan ya pit’ia sa afu pisain qashay, numa ya malhalhasiza shungkupi s izai ianan s izai kupi s izai afu. numa dai s izai azazak pintataiwarin dai thithu a izai shinuqthaiza wa izai kinungqaan thithu a ama wa binanau’az, mzai, “ushawan uhu munsulan unpunish s izai tahamish, alhayak s izai kupi.”
daduiza dai s izai azazak makarishkish dai munsulan. numa dai tu miaqay daishi’azazak, numa s izai tahamish amapunipunish sazum. “alhayan yaku s izai naak a ina sa kupi.” maqa s izai azazak maqa ukaiza s ina, antu painan la kmakaan, numa mathuaw maqaran tu shkafulan thithu a izai pan’inaan, mathuaw maqaran mzai alhayan s izai kupi. numa thithu makarishkish munsulan numa dai mzai miaqay s izai azazak lhmupilhupish mzai amuqthawan inungpushazan amapunishiza tahamish.
daduiza dai mapunishiza s izai tahamish makuyzaiza dai s izahai thithu a pan’inaan izai kupi, antu dai lhayan thithu. numawan dai s izai azazak pishtingting mzai dai “amusha yaku mathay, maniun thuini ya amariqaz yakin, niza yaku tu apariqaz maniun ya mushaiza yaku. muqayiza maniun tunmaza yaku ya mimbababaw. niza yaku tu apariqaz maniun, ani maniun tu amariqaz yakin, muqayiza maniun tunmazamaza yaku ya mimbababaw.” numa zain thau “qangqan”.
izai a qangqan muqay thithu ya mimbababaw tmazan, mathuaw kadaidazin ya tummaza. kanuniza maqa thithu tu kahiwan mzai antu dai niza dai apariqaz, numawan antu riqariqazan sa thau. antu riqariqazan thau izai qangqan, mamzai iqualh antu mani riqazan. ya miazai ya mintanafazfaz s qali ya malhinuna s izai qangqan, ya mimpulhiz ita ya tunmaza s izai thau pakrushaq dai tunmaza, madaidaz s izai qangqan kahiwan maqa piniaqarman s izai thithu a pan’inaan.