Wp/sli/Perliner Mauer
De Perliner Mauer woar während der Teelung Deitschlands meh ols 28 Joahre Teelstick anner 1378 Kilometer langa innerdeitscha Grenze zwischa dar Deitschen Demokratischen Republik (DDR) und dar Bundesrepublik Deitschland. Ei dar DDR wurde se ols „befestigte Stoatsgrenze“ oder (propagandistisch) ols „antifaschistischer Schutzwall“ bezeechnet.
De Perliner Mauer woar damit Bestandteel und zuglei markantes Symbol des Konflikts eim Kalta Krieg zwischa dann Westmächten under Fiehrung dar USA und damm Ustblock under Fiehrung dar Sowjetunion. Vum 13. August 1961 bis zom 9. November 1989 trennte se innerholb der durch de Nokriegsurdnung dar Alliierten Siegermächte entstandena Viersektorastoadt doas Stoadtgebiet vun Gruß-Perlin ei zwee Teele: Perlin (West) und Ust-Perlin („Hauptstoadt dar DDR“). Do de Mauer au ei damm ganza West-Perlin umgebenden Gebiet dar DDR errichtet wurde, woar dar Westteel dar Stoadt fortan anne vun Mauern umgebene westliche Insel, au „Schaufanster dar freien Welt“ genannt.
Seitens dar DDR woar doas Iebertreta dar Grenze verboten. Fier de DDR-Grenzsuldoata galt ei solchen Fällen dar Schießbefahl. Bei dann Versucha, de 167,8 Kilometer langa und schwar bewachta Grenzanlagen ei Richtung West-Perlin zu ieberwinden, wurden noach derzeitigem Forschungsstand zwischa 136 und 206 Menscha getötet. De genaue Zoahl dar Tudesopfer oa dar Perliner Mauer ies nee bekennt.