Wp/sli/Michael Schumacher
.jpg)
Michael Schumacher (* 3. Januar 1969 ei Hürth-Hermülheim) ies a ehemaliger deitscher Automobilrennfoahrer. Ar startete zwischa 1991 und 2006 bei 249 Grand-Prix-Rennen ei der heechsten Motorsportklasse Formel 1 und gewann durt sieba Weltmeesterschofta. Noach sennem Riecktritt oals professioneller Rennfoahrer nahm ar weiterhin oa Motorsportveranstaltungen teel, under oanderem versuchte ar siech 2008 oals Amateur eim Motorroadsport (IDM).
Schumacher ies der erfolgreichste Pilot der Formel-1-Geschichte und hält ei dieser Rennserie foast oalle Rekorde. Neben senna sieba WM-Titteln gewann ar 91 Rennen, stand 68 Moal uff damm besta Startploatz und fuhr ei 76 Renna de schnellste Runde. Darieber hinaus sammelte ar miet Oabstand de meesta Weltmeesterschoftspunkte, stand oam häufigsten uff damm Siegerpodest und fiehrte meh Runda und Kilometer oals jeder oandere Foahrer. Senne greeßten Konkurrenten ei der Formel 1 woara Ayrton Senna, Damon Hill, Jacques Villeneuve, Mika Häkkinen, David Coulthard, Juan Pablo Montoya suwie zuletzt Kimi Räikkönen und Fernando Alonso.
Schumachers jiengerer Bruder Ralf woar vun 1997 bis 2007 ebenfalls ei der Formel 1 aktiv.