Wp/sjd/Чиммнушш
Чиммнушш вай чӯмнэшш (лат. Empetrum Nigrum)[1] лӣ тэӈӈас на̄лль, ра̄ссь Empetrum ро̄дэсьт Нуҏҏт (Ericaceae) пӣррсэсьт.
Шэнтнэм сай
[edit | edit source]Чиммнушш шэнтант Таввял е̄ммьнепе̄лесьт: Европасьт (Вуэррьял Сыбберь райя), Азьясьт (Китаесьт, Монголиясьт, Корея нёаркэсьт) я Таввял Америкасьт.[2]
Со̄н вуайй вуэсстлэ ла̄мьпэсьт, ке̄ддҍк сэенҍ, ва̄ресьт (чӯввесь-куэһцемь ва̄ресьт я ре̄есь ча̄рр важесьт), ча̄рэсьт я вӯннтас альн.[1]
Ка̄ввь
[edit | edit source]
Чиммнушш лӣ агксаруэнн тэӈс.
Вуакса ле̄в руэннай, коричневэ вай сада рӯппьсэ. Лэст ле̄в 3–6 мм, шэнтнэв ка̄ннҍц ка̄нҍцэсь мӣлльтэ чӯлл вуакса. Мӯрьй ле̄в 4–6 мм ко̄ммтвӯдэнҍ, а̄рркъенне ле̄в чоа̄һпэ, ноэ мудта вуэр рӯппьсэ ле̄в.
Чиммнушш ывьнаст кыдта.
Я̄ллмужэсьт а̄ррвъесьвудт я оаннҍмушш
[edit | edit source]Чиммнушш лӣ лоа̄ддв ра̄ссь по̄ррэм мӯрьегуэйм, ко̄йн лӣ 70% мг райя C витаминнэ.[1]
Мӯррьй соа̄пенҍ вуайй ул я шышшенҍ рӯппстэ тэннгуэйкэ, штэ со̄нэсьт е̄ннэ антоцианин пигменнтэ лӣ.
Чиммнушш мӯрьй ле̄в пе̄ррк рыбпэ гуэйкэ, кыдта чиммнужэтҍ по̄ррэв пӯдзэ я та̄л. Узэтҍ со̄н сӯййнма̄н кэск райесьт маӈесь че̄хч райя.
Воа̄ррьдэмушш
[edit | edit source]
Чиммнушш лӣ мэ̄нн-не ве̄рьт Рӯшше̄ммьне региональнэ Рӯппьсесь кырьенҍ.[1]
На̄ль
[edit | edit source]- Empetrum nigrum subsp. albidum (V.N.Vassil.) Kuvaev
- Empetrum nigrum subsp. androgynum (V.N.Vassil.) Kuvaev
- Empetrum nigrum subsp. asiaticum (Nakai ex H.Ito) Kuvaev – корейскэ чиммнушш
- Empetrum nigrum subsp. caucasicum (Juz.) Kuvaev
- Empetrum nigrum subsp. hermaphroditum (Hagerup) Böcher
- Empetrum nigrum subsp. kardakovii (V.N.Vassil.) Kuvaev
- Empetrum nigrum subsp. sibiricum (V.N.Vassil.) Kuvaev
- Empetrum nigrum subsp. subholarcticum (V.N.Vassil.) Kuvaev
Кыррьйтӯй
[edit | edit source]- Губанов И. А. и др. 880. Empetrum nigrum L. — Водяника (Вороника) чёрная, или Шикша // Иллюстрированный определитель растений Средней России. В 3 т. — М.: Т-во науч. изд. КМК, Ин-т технолог. иссл., 2003. — Т. 2. Покрытосеменные (двудольные: раздельнолепестные). — С. 535. — ISBN 9-87317-128-9.
Ка̄йв
[edit | edit source] | Кӣһче фа̄йлэтҍ Викируэкэсьт (Wikimedia Commons) |