Wp/sjd/Пе̄ййв

Пе̄ййв альмэсьт

Пе̄ййв (та̄сьттӣдтӭй тӣһт – ☉) лӣ та̄ссьт Пе̄ййв система кэскэсьт я со̄н э̄ххт та̄ссьт я ныдтҍшэ мӣн Е̄ммьне шаннт та̄ссьт. Пырр Пе̄йв чо̄нънэв пугк Пе̄ййв система планета я сӣн куйм, астэройд, комета я космическэ кэ̄ббьй. Пе̄йв чӯвв лӣ шурьмусс Е̄ммьнесьт е̄ллем ка̄ййв. Те̄дтӣдтҍе ло̄гкмужэ мӣлльтэ Пе̄йв агкь лӣ 4,6 млрд ыгке.

Пе̄ййв лӣ па̄лл-налшэм фо̄рманҍ я 1,39 млн км² диаметрэнҍ, мӣ лӣ 109 вӯррэ е̄намп, мэ̄нн Е̄ммьнесьт. Кэскэсьт Пе̄йв я Е̄ммьне лӣ 149 600 000 километрэдтӭ (≈1 та̄сьттӣдтӭй э̄ххт), Е̄ммьне райя со̄н чӯвв мэ̄нант 8 минутэдтӭ.