Wp/sjd/Пе̄тар ланнҍ
 | Тэдта элля воа̄лмаш лысст. То̄нн вуаяк кӣллт са̄мь Википедьяе ве̄кьхэ со̄н тӣвтхэмэнҍ. |
| Ланнҍ | |||||
Пе̄тар ланнҍ | |||||
|---|---|---|---|---|---|
рӯшас Санкт-Петербург | |||||
 Пе̄тар ланҍ тыгквэннҍ сай | |||||
| |||||
| 59°57′00″ с. ш. 30°19′00″ в. д.HGЯO | |||||
| Воа̄ллтланнҍ |
 Рӯшше̄ммьне | ||||
| Субъект |
 Пе̄дар ланнҍ | ||||
| Губернатэр | Александр Беглов | ||||
Исторья я е̄ммьнете̄дт | |||||
| Э̄ввтлэсь нэ̄м |
ыг. 1914—1924: Петроград ыг. 1924—1991: Ленинград | ||||
| Э̄ля ко̄ммтвудт | 1439 км² | ||||
| А̄ййк эвв | MSK (UTC+3:00) | ||||
Е̄ллей | |||||
| Е̄ллье числа | 5 652 922 о̄л. | ||||
| Нарэд сӯгквудт | 4029,17 о̄л. км² э̄л | ||||
Циффер идэнтификатэр | |||||
| Тэльфонн ко̄дт | +7 812 | ||||
 Медьяфа̄ял Викируэкэсьт (Wikimedia Commons) | |||||
.svg)
Пе̄тар ланнҍ вай Пе̄дар ланнҍ (рӯшас Санкт-Петербург, ла̄дӓс Pietari), э̄ввтла Петроград (ыг. 1914—1924) я маӈӈа Ленинград (ыг. 1924—1991) лӣ ныммьп шурьмусс ланнҍ Рӯшше̄ммьнесьт маӈӈа Москвасьт. Со̄нн ля̄шш Ла̄дтҍлӯхт рынтэсьт Нева ёг ня̄льмэсьт Рӯшше̄ммьне таввь-вуэррьйлэсьт. 2025 ыгесьт ланӭсьт я̄лл маль 5,6 мильён о̄ллмэдтӭ;[1] э̄ля ко̄ммтвудтэсь лӣ 1439 км².[2] Пе̄тар ланнҍ лӣ федеральнэ ланнҍ я Таввь-Вуэррьял административнэ о̄круг кэ̄сскпа̄ҋҋк.
Пе̄тар ланнҍ ля̄йй 16. (27.) пе̄йвэсьт вӯссьма̄нэсьт 1703 ыгесьт цоа̄рэнҍ Пе̄дрэнҍ I тӯййшуввма. Нэ̄ммдуввма со̄нн ля̄йй пассь Пе̄дар цысста, ноа тэнн э̄л кӣчханна оа̄йкэнҍ шэнтэ е̄намп Пе̄дар I нэ̄мэнҍ корнэдтма. Ыгенҍ 1714—1728 я 1732—1918 Пе̄тар ланнҍ ля̄йй Рӯшш воа̄ллтланҍ вуэййвланнӭнҍ.
Выйемна̄ль
[edit | edit source]
Пе̄тар ланнҍ лӣ по̄ррт ланнҍ я Рӯшше̄ммьне ныммьп шурьмусс транспортнэ чӯллм. Со̄нэсьт ле̄в рӯввьт я автэмбилль чӯһкас, ме̄рр я ёгк выйемна̄ль, метрополитэнн я ерапоррт.
Пе̄тар ланнҍ по̄ррт лӣ шӯрр, кӯррьем ця̄һкасэсь лӣ 22 км куһкьвуд, я о̄ммп ыгкь а̄в лӣ. Васильевскэ сӯллэ соа̄йвэсьт лӣ ме̄рр ёадтӭй терминалл.
Ва̄йймлэнне мэ̄нант ёгк выйемна̄ль Пе̄тар ланҍ ёгэ я каналэ мӣлльтэ. Ёгк выйемна̄ль мэ̄нънэм па̄лль оа̄лкхувв алльт кыдтма̄н ке̄дже я пудант ӣӈӈма̄нэсьт.[3]
Пе̄тар ланҍ ерапоррт — Пулкова (рушас Пулково) — ля̄шш ланҍ соа̄ййв ре̄вьнэсьт Московскэ раёнэсьт 15 километрэдтӭ ланҍ кэск райесьт. Пулкова ерапоррт ля̄йй 1932 ыгесьт а̄ввьда.
Пе̄тар ланнҍ рӯввьт чуэкас чӯллм лӣ ныммьп шурьмусс Рӯшше̄ммьнесьт маӈӈа московскэсьт я авьтмусс тӯййшуввэм а̄йк мӣлльтэ — рӯшш рӯввьт чӯһксэ исторья оа̄лкхувэ тэста 19 агесьт. Пе̄тар ланӭсьт ле̄в выдт рӯввьт чуэкас вокзал: Балтийскэ, Витебскэ, Ладожскэ, Московскэ я Финляндскэ. Кэскэсьт Москва я Пе̄тар ланҍ вэ̄ххтъесь по̄яс «Сапсан» мэ̄нант.
Пе̄тар ланҍ метрополитэнн ро̄бхуж 1932 ыгь райесьт. Оалк 2019 ыгесьт ланӭсьт ля̄йй 72 ста̄нцъедтӭ 5 ця̄кас альн, ко̄нн э̄ххтса куһкьвудт ля̄йй 124,7 км.
Пе̄тар ланҍ трамвайй са̄ййм лӣ шурьмусс Рӯшше̄ммьнесьт я ня̄льянт шурьмусс э̄ллмантэсьт. Со̄нн ро̄бхуж 1907 ыгь райесьт. 2000. ыге кэск райесьт Пе̄тар ланҍ трамвайй са̄ййм ля̄йй шурьмусс э̄ллмантэсьт трамвайй са̄йймэнҍ, мэ̄нн эвтэсьт ля̄йй Гинэсс рекордэ кыррья ва̄ллтма.[4] Адтҍ Пе̄тар ланӭсьт ро̄бхуж 45 трамвайй ушшэ. Са̄йм куһкьвудт лӣ 231 км, пугк ужэ э̄ххтса куһкьвудт лӣ 500 км.[5]
Алльмэсс
[edit | edit source]| Ме̄ррь | О̄дт. | По̄ррк. | Нюххч. | Кыдт. | Вӯссь. | Ке̄ссь. | Сӯййн. | Поар. | Че̄ххч. | Рэ̄г. | Ӣӈӈ. | Та̄лльв. | Ыгкь |
|---|---|---|---|---|---|---|---|---|---|---|---|---|---|
| Кэ̄скмусс пя̄йвас максимумм, °C | −2,5 | −2,4 | 2,3 | 9,5 | 16,3 | 20,5 | 23,3 | 21,4 | 15,9 | 8,7 | 2,8 | −0,5 | 9,6 |
 Кэ̄скмусс температура, °C |
−4,8 | −5 | −1 | 5,2 | 11,5 | 16,1 | 19,1 | 17,4 | 12,4 | 6,2 | 0,9 | −2,5 | 6,3 |
| Кэ̄скмусс пя̄йвас минимумм, °C | −7,2 | −7,6 | −4 | 1,7 | 7,2 | 12,2 | 15,3 | 13,9 | 9,4 | 4,1 | −0,9 | −4,5 | 3,3 |
 Кэдчант но̄рма, мм |
46 | 36 | 36 | 37 | 47 | 69 | 84 | 87 | 57 | 64 | 56 | 51 | 670 |
Ланҍ па̄ҋк
[edit | edit source]
Пе̄тар ланӭсьт лӣ 18 раённэ:
| 1. Адмиралтейскэ | 10. Курортнэ |
| 2. Василеостровскэ | 11. Московскэ |
| 3. Выборгскэ | 12. Невскэ |
| 4. Калининскэ | 13. Петроградскэ |
| 5. Кировскэ | 14. Петродворцовэ |
| 6. Колпинскэ | 15. Приморскэ |
| 7. Красногвардейскэ | 16. Пушкинскэ |
| 8. Красносельскэ | 17. Фрунзенскэ |
| 9. Кронштадтскэ | 18. Центральнэ |
Ныдтҍшэ ланҍ раёнэ рӣвьнэ сыссенҍ лӣ 9 ланнӭ (Зеленогорск, Рӯппьсесь Сыййт (рӯшас Красное Село), Кронштадт, Ломоносов, По̄ввэл ланнҍ (рӯшас Павловск), Петергоф, Пушкин, Сестрорецк) я 21 сыййтэ.
Ка̄йв
[edit | edit source]
- ↑ Численность постоянного населения Российской Федерации по муниципальным образованиям на 1 января 2025 года.
Федеральная служба государственной статистики (25 апреля 2025). (Кӣһча лӣ 29. кыдтма̄н 2025 ыгь) - ↑ Петербург в цифрах. Официальный сайт Администрации Санкт-Петербурга. Кӣһчма лӣ 19. по̄рркма̄н 2013 ыг. Архивва пыййма лӣ 1. вӯссьма̄н 2012 ыг.
- ↑ Водный транспорт. Городской транспорт., 30. та̄лльвман 2005 ыгь, ко̄пья архивэсьт.
- ↑ Ветеранские будни трамвая // Газета «Известия». — 2007. Архивировано из оригинала 16 июля 2007 года.
- ↑ Юрий Антонов. В будущее — «рельсов нет» // Газета Невское время. — 18-10-2008. Архивировано 1 марта 2018 года.
