Wp/sjd/Лопарская сыййт
Лопарская сыййт (рӯшас Лопарская) - са̄мь сыййт Куэллнэгк ёг рынтэсьт. Шэ̄ннтма лӣ 1942 ыгесьт.
Лопарская сыйт баяс
[edit | edit source]Лопарская сыййт лӣ 1956 ыгесьт оассма, куэссь ве̄ӆӆьтэшь сыййта зональнэ структурнэ станцья «Те̄дт» Краснэ сыйтэсьт. Станцья лӣ 1926 ыгесьт оассма, ля̄йй Оксин сыйтэсьт Поннӭ ёг рынт вуэлькесь пе̄льт оассма, ко̄ллм километрасьт Краснэ сыйтэсьт. Тэдта станцья шэнтэ 1932 ыгесьт опорнэ зоотехническэ пунктэнҍ пӯдзэтҍ пынньмужэсьт.
Ныммьп сыййт, Канёвка, ля̄йй ё 1942 ыгесьт шэ̄ннтма, пӯдзэ пынней лыһкенҍ фронт гуэйкэ. Э̄ххтътэнҍ кӯһт сыйт. Цэннтрэнҍ шэнтэ Лопарская сыййт. Пӯдзэ пынньмушш элькэ пуэраст паяс шэ̄ннтэ. Я 1995 ыгесьт пӯдзэдтӭ ля̄йй ё лоагкь туафнэдтӭ. Перестройка а̄йкесьт пуаз чӯдзэ пудтӭнҍ браконьерства я суэллнэмуж гуэйкэ. Пӯдзэ пынней кӯдтъенҍ лыгкэха.
Сыййт е̅лльетҍ ля̄йй танна ко̄ллм чӯдтҍ о̄ллмэдтӭ. Сӣнэ кэ̄скэсьт выдтлоагкь са̄мь о̄ллмэдтӭ ля̄йй, е̄намп пай пеннҍсьонер. Официальнэ статистика мӣлльтэ лыгкнаһтэмь о̄ллматҍ ля̄йй 67 проценнта. Экономическэ е̄ллем тӯйй ля̄йй вӯлльгесь.
Кӯлетҍ шылле Куэллнэгк ёгэсьт едтҍ луэшштма. Са̄мь о̄ллмэ выгкенҍ акцья туарэс ва̄ллт о̄ллматҍ, штобэ воалльтэ моаст кӯлетҍ шыллем сэетҍ.
Ка̄йв
[edit | edit source]- Е. Н. Мозолевска я У. К. Мечкина СА̄МЬ КЫРЬЙНЭЗ, Мӯрман ланнҍ: Милори, 2015 ыгкь, стр. 137–139 ISBN 978-5-9903374-1-1 (PDF ~70 МБайт)