Wp/sjd/Ко̄ффь
 | Тэдта элля воа̄лмаш лысст. То̄нн вуаяк кӣллт са̄мь Википедьяе ве̄кьхэ со̄н тӣвтхэмэнҍ. |
Ко̄ффь (ныдтҍшэ ка̄фэ, кофэ) лӣ югкмуж на̄лль, кӯ ко̄ффьбо̄бэнҍ лыһкъювв. Ко̄ффь ва̄йймладт я сӯррвладт.
Лыһкмушш
[edit | edit source]Югке ко̄фь оа̄ллкхэшш лӣ ко̄ффьпя̄ллт, я э̄ллмантэсьт лӣ е̄ннэ па̄ҋҋкэ касьт о̄ллмэ шэ̄ннтътэв тэ̄нн. Шӯрьмуз е̄мьне ко̄ффь лыһкмуж мӣлльтэ ле̄в Бразилья, Вьетнам, Индонэзья, Колумбья я е̄ннэ мудта.
Па̄шшьтмушж процэсс[1]
[edit | edit source]Ко̄фь па̄шшьтмуж процэсса пе̄знэв не̄лльй шуэрьмусс куськ:
- Ко̄шшктэмушш (150°C райя), куэссь руэнн ко̄ффьбо̄бэтҍ тӯлльетҍ жоа̄рэсьт 150 верьт градусэдтӭ, тэнн ноа̄ле а̄ль сӣнэнҍ ва̄льтмэнҍ;
- Па̄шшьтмуж оа̄лкхэшш кэсск (150-180°C). Тэнн кэскэсьт ко̄ффьбо̄б а̄льхадтӭв я ка̄дхэв 8-10% сӣн оа̄лкхэж моа̄ссэсьт (вӣссесьт), ко̄ффьбо̄б чоа̄пнэв я сӣн сыссенҍ аллк карамельлуввмушш, мэ̄нн гуэйкэ ко̄фь лэ̄г ыдӭшкуэдтӭв. А̄ввтмэнҍ бо̄б кӯцкэннтэв, тэннгуэйкэ го̄ ыллча̄зь (карбогидрат) чоа̄ввэв карбоксэлҍ кӯдцча̄зетҍ (кислотэтҍ);
- Па̄шшьтмуж ныммьп кэсск (180-230°C). Ко̄ффьбо̄б ю̄ттҍкэв чоа̄пнэ я жоа̄рэнҍ 190 ве̄рьт градусэдтӭ аннт попкорнлӯннтнэмуж-налшэм ӣн, ко̄нн нэ̄ммдэв авьтмусс таҏьчантэнҍ. Тэдта шӣллкан тэнн гуэйкэ, го̄ мугка газ гӯ ча̄дзьпоарр, ыллкӯдц газ (CO₂) лӣххтэв ко̄ффьбо̄бэсьт я со̄н ка̄вьн кышшкэв. Годтҍ ко̄ффьбо̄б э ка̄дхэв вӣссь (оа̄йкэнҍ вя̄л е̄намп, вя̄л 4-8%), сӣн пырр шӯрран. Сыйй ю̄ттҍкэв карамельлуввэ я кӯцкэннтэ, ноа оа̄йкэнҍ процэсс я̄сск, ня̄лькэсьвудт я кӯдцвудт коа̄дант. Па̄шшьтмушж процэсс тэнн кэскэсьт вуайй ля̄ннч э е̄ссктма;
- Па̄шшьтмуж куалмант кэсск (паййламп гӯ 230°C). Ныммьп таҏьчант ыдт пиролиз гуэйкэ. Вӯй бо̄бэ кэ̄скэсьт ёадтэв э̄ленче, ыдтӭв вя̄л лэ̄г.
| Нэ̄мм | Agtron числа | Числа эввьндиск альн |
|---|---|---|
| Чофта ке̄һпьсэсь | 100/95 | Tile #95 |
| Ке̄һпьсэсь | 90/85 | Tile #85 |
| Кэ̄сск ке̄һпьсэсь | 80/75 | Tile #75 |
| Ке̄һпьсэсь кэ̄сск | 70/65 | Tile #65 |
| Кэ̄сск | 60/55 | Tile #55 |
| Ке̄һпьсэсь чоа̄һпесь | 50/45 | Tile #45 |
| Чоа̄һпесь | 40/35 | Tile #35 |
| Чофта чоа̄һпесь | 30/25 | Tile #25 |
Ко̄фь аннҍтмушш югкмушшэнҍ
[edit | edit source]Ко̄фь вуэйй югкэ кӯһт шуэрьмус на̄лесьт: ме̄вв ко̄ффьбо̄бэ пӯлле чоа̄зенҍ вай поаррэ сунтхэй ко̄фь.
Кыппьтэ ме̄вв ко̄фь вуэйй югке-на̄лла[2]:
- Туркэнҍ, куэссь ко̄ффь ме̄вв зва̄ннятҍ ва̄лэтҍ чоа̄зенҍ я кыпьтэтҍ, вэсьт со̄нн тӯлльтай. Тэнн па̄ль ко̄ффь а̄рркъенне ло̄гктадт воа̄лмаш я со̄н копчетҍ то̄лэсьт. Куэссь пугк звання луэшштэдтэв вӯдтэ, югкмушш вуэйй ва̄ллэ на̄һпа.
- Ва̄ллмушш вӯййксэнне ко̄ффь э̄л. Шуэрямп ме̄вв ко̄фь чалматҍ кальвэтҍ оа̄ссьтъе роа̄йкэнҍ вӯлленҍ (а̄рркъенне чидтэм пымме вай сайм э̄л) я ва̄лэтҍ пӯлле ча̄зь пайгэсьт. Тэдт вуэйй лыһкэ олма вай машина. Ко̄ффь коаллк гравитацья мӣлльтэ вай вӣссь вулленҍ.
- Френнчпресс вай кэ̄ццктэмушш.
Кӣч ныдтҍшэ
[edit | edit source]Ка̄йв
[edit | edit source]- ↑ Adriana Farah “Roasting”, Coffee: Production, Quality and Chemistry, United Kingdom: The Royal Society of Chemistry, published 2019, лыст 231-237
- ↑ Folmer, Britta (ред.) “OVERVIEW OF EXTRACTION METHODS AND PARAMETERS”, The Craft and Science of Coffee, London, United Kingdom : Academic Press/Elsevier ; Academic Press is an imprint of Elsevier, published 2017, лыст 372-380