Wp/sjd/Википедья:Ве̄һкь лысст

Welcome to the Kildin Sámi Wikipedia!

Пӯресь пуэдтҍмушш кӣллт са̄мь Википедьяе!

Кӣллт са̄мь Википедьясьт лӣ чофта е̄ннэ югке-налшэм тӯйе, я ве̄кьхэ югке вуайй, ке̄сьт лӣ та̄һтмушш. Тэнн лыстэсьт моа̄йнсувв, ко̄ххт со̄нэсьт ро̄бхушшэ я масьт оа̄лкхэ.

Оа̄лкхэжэсьт

Региструввмушш

Авьтмуссе то̄нн вуаяк ӣжянт аккаунт Викимедья Инкубатрэсьт лыһкэ. Тэсьт я тэсьт лӣ рӯшас е̄намп кырьйха региструввэм баяс. Тэдта элля ло̄ссэ я а̄нӓст лышэ мэ̄нн-не ве̄рьт минутэдтӭ. Ныдтҍ то̄нэсьт е̄намп вуэйймушшэ я ӣжянт оаннӭй нэ̄мм ля̄ннч, а мудта оаннӭй аллькэв уййнэ, ке̄ кырьяһт я воа̄яһт лыстэтҍ. Ӣжянт аккаунтэнҍ Википедьясьт лыһкэ лӣ шӣһтла я ке̄һпьса. Региструв!

Региструввэ

Маӈӈа тэсьт то̄нн вуаяк ӣжянт оаннӭй лыст лыһкэ, масьт вуайй ӣжянт баяс моа̄йнсэ.

Са̄мь интэрфейс

Та̄һтмуж мӣлльтэ то̄нн вуаяк кӣллт са̄мь интэрфейс ӣджьсант ключчье – ныдтҍ я̄наш Википедьясьт соа̄гкэ я маль пугк лыһкэмка̄вьн са̄мь кӣлэсьт лӣннченҍ. То̄нн югке па̄лесьт вуайй ю̄ттҍкэ рӯшш вай мудта интэрфейс кӣл о̄нънэ. Региструвханна то̄нн эгк вуэй ниманҍтэ интэрфейс кӣл о̄нънэ, окромя эӈгельск кӣллэ!

Коале то̄нэсьт ё лӣ ӣжянт аккаунт, то̄нн вуаяк са̄мь интэрфейс пыйе:

Пыйе кӣллт са̄мь кӣл интэрфейс кӣллэнҍ

Тэ̄сст-Вики пыйймушш

Го то̄нн та̄так пыйе кӣллт са̄мь Википедья шурьмусс проэктэнҍ, масьт то̄нн лыгкак, тэнн вуайй Оа̄ссмужэнҍ лыһкэ.

Preferences ⇒ User profile ⇒ Test wiki: (воа̄лэшьт Wikipedia) я Test wiki language: (пый sjd) ⇒ Save

Ко̄ххт лыстэтҍ лыһкэ

Лыстэ нэ̄м

Кӣллт са̄мь Википедьясьт пугк лыстэ нэ̄мэтҍ быдт пре̄фиксэнҍ Wp/sjd/ оа̄лкхуввэ — тэнна быдт лыһкэ тэнн гуэйкэ, штобэ сыйй вӯййксэнне кӣллт са̄мь Википедьясьт лыһкма лӣһченҍ. Коа̄ве я категорьяе нэ̄мэтҍ ныдтҍшэ быдт тэнн пре̄фикс лажхэллэ.
Оа̄ссмужэнҍ Gadgets па̄ҋкэсьт вуайй AddPrefix га̄джет ключчье, ко̄йн ыбе пре̄фиксэтҍ пыйе лыстэтҍ воа̄йхэмэнҍ.
Окромя тэнна, нэ̄ммко̄ммтвудэ нэ̄м Инкубатрэсьт ле̄в эӈгельск кӣлэсьт: Template: коа̄ве гуэйкэ, Category: категорьяе гуэйкэ, User: оаннҍе гуэйкэ я ныдтҍ эвтэс. То̄нн вуаяк пе̄ҋҋтэ пре̄фиксэтҍ кӣллт са̄мь Википедьясьт я пыйе ӣджьсант сӣн са̄мь нэ̄мэтҍ надта скрӣпт вӣкенҍ (тэдта элля ло̄ссэ):

Вӯзьхэ ко̄д

Пе̄ҋҋтэ ко̄д

1. Тэнн ко̄д быдт лажьхэ ӣжянт common.css лысста.

html[lang="sjd"] {
.ns-1, .ns-2, .ns-3, .ns-10, .ns-11, .ns-14, .ns-15 {
    .mw-page-title-namespace {
    display:none;
    }
}
.ns-1 .mw-page-title-separator::before {
    content:"Соа̄рнънэмлысст";   
}      
.ns-2 .mw-page-title-separator::before {
    content:"Оаннӭй";   
}    
.ns-3 .mw-page-title-separator::before {
    content:"Оаннӭй соа̄рнънэмлысст";   
}
.ns-10 .mw-page-title-separator::before {
    content:"Коа̄ввь";   
}
.ns-11 .mw-page-title-separator::before {
    content:"Коа̄вь соа̄рнънэмлысст";   
}    
.ns-14 .mw-page-title-separator::before {
    content:"Категорья";   
}
.ns-15 .mw-page-title-separator::before {
    content:"Категорья соа̄рнънэмлысст";   
}
}

2. То̄нн ныдтҍшэ вуаяк пре̄фиксэтҍ пугк лыст нэ̄мэнҍ пе̄ҋҋтэ, мӣ чофта шӣһтэль лӣ. Лажеһтҍ тэнн шэ лысста:

.mw-page-title-main .ext-wminc-title-prefix, h1 .ext-wminc-title-prefix {
    display:none;
}

Чоа̄пнэһкь

Та̄так кӣһчлэ о̄дт лыст лыһкэ? То̄нн вуаяк э̄ввтэль тэнн лыст чоа̄пнэгкь кырьйхэ. Воа̄еһтҍ Оаннӭй нэ̄мм вӯлльга то̄н оаннӭй нэ̄мэнҍ я те̄ннҍтэль «Лыһкэ чоа̄пнэгкь» э̄л. То̄н оаннӭй лысст лӣ Инкубатрэсьт, элля кӣллт са̄мь Википедьясьт, тэннгуэйкэ Wp/sjd/ лажьхэ ыбе.

Э̄ллм лысст

Тэнн фо̄рманҍ пре̄фикс лажьхэ ыбе.
То̄нн ныдтҍшэ вуаяк о̄дт лыстэтҍ лыһкэ руппьсесь ужэ э̄л те̄ннҍтлэмэнҍ.

Ко̄ххт лыстэтҍ вэ̄ццкэ

Го то̄нн та̄так то̄нэнҍ лыһкма чоа̄пнэгкь вэ̄цксэ, тоннӭ бэдҍсувв тэнн текст то̄н лыст оа̄лкхэшша лажьхэ:
{{delete|Author's request}} ~~~~
Танна тэдт лысст надта категорьяе выгкъювв я маӈӈьла ля̄ннч Инкубатэр администратрэгуэйм вэ̄ццкма.

Го тоннӭ лыст Инкубатрэсьт быдт вэ̄цксэ, лажеһтҍ тэнн текст лыст оа̄лкхэшша:
{{delete|причина для удаления}} ~~~~
Кырьеһтҍ а̄шшь вэ̄цксэм гуэйкэ эӈглас вай рӯшас.

Лыһк кӣллт са̄мь Википедьясьт

Шурьмусс вӯйкнэг

Тэгка ле̄в э̄ххтса вӯйкнэг пугк Викимедья проэктэнҍ:

1. Мэ̄ннэ лицензья мӣлльтэ

Условия использования действуют во всех вики. Все страницы должны быть лицензированы по лицензии Creative Commons Attribution-ShareAlike 4.0 International и GNU Free Documentation License. Пожалуйста, учтите, что нельзя копировать из других мест тексты, не лицензированные подобным образом, без явного разрешения автора. (ка̄ййв)

2. Кырьйхэ нейтральнэ гоарренҍ

Са̄ррнэпь са̄мас

Соа̄рнънэмлыстэнҍ я о̄ммп кӣллт са̄мь Википедьясьт мыйй кырьйхэпь я тӣдҍнэдтэпь са̄мас (тэдта эйй кӯскэнҍт Википедья кӯссетҍ, кӯгк вофьсе ев тӣдҍ са̄мь кӣл). Коале то̄нн эгк тӣдҍ, ко̄ххт мэ̄нн-не це̄ӆӆькэ вай эгк о̄ммпан оа̄нтэшьт, мэ̄нн тоннӭ са̄рнэтҍ – ель огкнуж вуэсстлэг аннҍтэ вай оа̄нтшаһтҍмуж а̄нсэ. Анҍ те̄ме то̄н вуэсстлэгэсьт пе̄ль са̄ннӭ рӯшш кӣлэсьт ля̄ннч – е̄ресь-дэдт пе̄лль ля̄ннч са̄мь кӣлэсьт!
Коале то̄нэнҍ быдт ве̄һкь текст кӣһчлэмужэнҍ я тоннӭ нике̄нн элля а̄нсэ вай кэ̄дже, вай то̄нн ло̄гак, штэ со̄нэсьт ся̄гкнэг ле̄в, то̄нн вуаяк тэнн коа̄вь то̄нэнҍ кырьйха лыст оа̄лкхэмэсьт пыйе тэнн ко̄д оаннҍмэнҍ: {{А̄на вӯййкъе}} (лажеһтҍ пре̄фикс, коале то̄нэнҍ сыйй ключчья ле̄в).

Мэ̄нн баяс кырьйхэ

Кырьеһтҍ тэнн баяс, мэ̄нн баяс то̄ннӭ тыгквэннҍ лӣ кырьйхэ.
Зоа̄бэль, пэре шӣг кырьйхэ лӣ са̄мь о̄ллмэе, са̄мь исторья, культура, моа̄ййнсэ я Са̄мь е̄ммьне баяс.
Вуайй е̄намп кырьйхэ ё лыһкма лыстэнҍ, ко̄йн лӣ ва̄нас кырьйха – ныдтҍ кӣллт са̄мь Википедьяст е̄намп шувв лысстэ ля̄ннч! Тэсьт вуайй коа̄ввнэ пугк лыстэтҍ, кӯгк ле̄в гу «ев воа̄лмаш» тӣһтма.
Коа̄ввнэ руччкесь уж я те̄ннҍтлэ со̄н э̄л – ныдтҍ то̄нн вуаяк лыһкэ лыст, кӯ вя̄л кӣллт са̄мь Википедьясьт элля.

Орфографья

Кӣллт са̄мь Википедьясьт элля орфографья мӣлльтэ прӣмма политика вай кэ̄рас вӯйкнэг, ноа а̄йк байя лӣйенҍ мугка традицъя пыййма:

1. Шурьмусс орфографья кӣллт са̄мь Википедьясьт лӣ о̄дт са̄мь орфографья, ко̄ннэсьт ҋ һ тӣт о̄ннъюввэв. Тэдта лӣ э̄ххт орфографья, ко̄нн мыйй оаннӭпь , , интэрфейс ёарркмужэсьт я Википедья лыһкэм лыстэтҍ кырьйхэмэнҍ, тэнн лыст ва̄лльтмэнҍ.

2. Ходтҍ е̄нас о̄дт лысстэ лӣ ныдтҍшэ тэнн орфографьясьт кырьйха, а̄рркъесь лыстэтҍ кырьйхэ я тӣдҍнэдтэ вуайй тэнн орфографьясьт, кӯ шӣһтэль лӣ тоннӭ:

Антонова орфографья (лашшь тӣтэха)

Куруч орфографья ( ј һ тӣтэгуэйм)

1987 ыгь орфографья (ҋ бӯкванҍ я апострофэнҍ)

Латинэһць лӣ ке̄ллтма (мӣнэнҍ ё ля̄йй мугка прецеденнт)

3. Коале то̄нн та̄так мэ̄нн-не кырьйхэ лыстэсьт, кӯ лӣ е̄ресь орфографьясьт кырьйха, мыйй а̄ннэпь то̄н тэнн шэ орфографьясьт кырьйхэ ю̄ттҍкэ я эль вӯййкъе, мӣ лӣ мудта а̄втрэнҍ тэнн лыстэсьт кырьйха (печадтэм, фактическэ я базовэ грамматиканҍ ся̄гкнэгэтҍ ва̄льтханна). Тэдта эйй кӯскэнҍт тэйта лыстэтҍ, ко̄йн маль элля нимӣ кырьйха (1–2 са̄ррнмуж я нимӣ е̄намп элля, эфт ню̄ӆч ло̄гханна, я нике̄ нимэ̄нн эйй кырьеһтҍ).

4.* Вя̄л ло̄ссэ лӣ оа̄нтшэ, критичнэ лӣ югкеналшэм орфографьятҍ оаннӭ лыстэтҍ со̄рртлаһтӭм гуэйкэ вай элля, ноа адтҍ ниманҍтэ рэ̄з тэ̄йн евла.

Ко̄ххт фотографьятҍ о̄дзэ я лоа̄дтэ

То̄нн вуаяк Wikimedia Commons (рӯшас Викисклад, кӣллтса̄мас Викируэһк) оаннӭ ню̄ӆчетҍ (я мудта фа̄йлэтҍ) о̄дзэм я ӣджьнант лоа̄дтэм гуэйкэ. Тамьпе лӣ е̄ннэ ню̄ӆӆче я мудта югкеналшэм матерьяллэ, кӯгк вуэйев лыгкэсьт о̄ннъюввэ – ныдтҍшэ ка̄рта, ве̄ктэр гра̄фика (.svg-ка̄вь), схе̄ма я вя̄л е̄намп.

Коале то̄нн ӣджь та̄так мэ̄нн-не лоа̄дтэ, пэря лӣ CC BY-SA 4.0 лицензья воа̄лшэ.

Куннт уж (рӯшш кӣлэсьт)

Википедия:Справка – тэсьт вуайй е̄намп ло̄гкэ Википедьясьт лыгк баяс.
Часто задаваемые вопросы и ответы на них (Инкубатэр)
Порталл я проэкт соа̄ме баяс рӯшш Википедьясьт
Руководство для малых и новых языковых разделов Википедии (Метавики)
Проект «Разделы Википедии на региональных языках России» (ё элля ва̄ймэль)

Матерьял

Тӣһтлӯвьт (клавьятура) са̄мь тӣтэгуэйм коаммпьютрэ гуэйкэ: Windows/Mac
Саамские словари — са̄ййт пугк кӣллт са̄мь соа̄гкнэгкегуэйм.