Wp/sgc/Kaniset Nebo Iman nebo Jesu Kristo

Kaniseet Ne bo Iman ne bo Jesu Kristo ko kaniseet ne mii ineegeen ne kii-gi-tau een 1917. Agoi raani, ko tindoo kaasibiik che ite millionit 1.5 een emootinweek 45. Kaniseet ko bunchin temeeniet aab Pentekoste Protestanik ne bo Kristianik ne gii-tau-gee een tauneet aab kenyiit aab 1900. Kong'eeteen kenyit aab 1996, kii-gi-too kanisaani een Kenya. Krismas ak Ista ko ma-betusyiek che ki-geere ko-nyoolu keetesik anan kee-boiboenchi.

Kaneetutik taman che bo kaniisa ko:

1. Tamirmiiryet ne Tiliil: Kaniseet ko-iyani kole "ng'alaalet aab kuutusweek" ko ibaaru kole kaa-ko-tach chi tamirmiiryet ne tiliil.
2. Kabaatisaneet
3. Kauunet-ab kelyeek
4. Sakramento
5. Sabato
6. Jesu Kristo : "Yesu Kristo, ng'olioot ne kii-yek boorto, ne kii-me een kimurtoiyoot (keetit) agobo saruunet aab kipleelutiinik, ko kii-gii-ng'eet een beetut ne bo somok ak go wo kipsenguet. Ineendet ko saruniindet ne ineegen ne bo piik tugul, yoiindet aab kipsengwetiisiek ak ng'wony, ak Jehova ne bo iman".
7. Bukuit ne Tiliil: "Bukuit ne tiliil, ne tindoo kayanjiinet (testament) ne bo keny ak ne leel, ko kii-ibuusi Jehova, ago ng'oliot ne bo iman, ak iporu ole nyoolundoo kopuur kasibiik aab Kristo".
8. Sarunisieet: "Sarunisieet kee-goonu kobun kayaneenyon amuun een muguuleldo ne bo riirge ne bo Jehova. Che kii-ko-iyan ko nyoolu kotiyien-ge tamirmiiryet ne tiliil ko cheeng'e tiliilindo, ko teegis Jehova, ak ko cham piik tugul".
9. Kanisa
10. Kirwooget ne bo Let: "Nyoonuneet aab Kiptaiyaat ne bo aeng' ko tuun komii een beetut ne bo let ak go-nyoone koyob kipsengwet ko-rwookyi ng'wony: che tiliilen ko siche soboondab kooi-geny, ko che yaach kee pare kooi-keny".