Wp/sel/Няб

Няб (ня. ӈануоде; шӧй. алкы; тюй. няаб) — ӧтпа́роӷэл ху́рп. Няб тве́н оӄӄэрӄо́нҗэк пӧ́ыт, тве́г - таве́к ня́бэл ху́рп. Ня́бэт 150 тӯбла э̄ӄӄвадэт, няб и́стамыӷэт варга́. Няб ӄӯт нябэҷэммэнда́.

Ня́бэл каб

Ня́бнан лага́л, ҷа́нҗэл каб. Няб ҷа́нҗэл у́ӷэҳе, ҷа́нҗэл то́бэчи́блаҳе, чу́мбэл хо́леҳе, кыба́ о́лҳе э̄я. Ня́бэл у́ӷэт кыба́ лыл ма́ӄӄа э̄я.

Ня́бэт эл

Няб ӧтпа́роӷэт варга́, хырӷ ай ҷу́лап аве́шпэндат. Ма̄ ӧтпа́роутэ ӄвэ́лп ӄватпле́ аве́шпат.

Няб ӄӯмб, ху́руҷэдэлху́руп кольчьлевле́ ӧтпа́роутэ шабга́лӄ важэнда́, нэ мину́тат моӷнэ́ у́ӷулҗлевле.

Маҗӧ́ӷэл то̄лаӷэт, кыге́лаӷэт тӯлаҳе ту́ӄомбэдэл ня́бла адэшпа́дэт.

Ня́бэҷэдэ

Тапо́т ӄӯла тӱльдэҳе́, варӷ по́ӄӄэҳе ня́бэҷэшпадэт. Ня́бэтӄо тӱльдэ́п хы́ляӄ абэдэ́шпадэт.