Wp/sel/Кайванӄула

Ка́йванӄу́ла (ка́йван. vepsläižed; руш. ве́псы, чудь, весь; най чу́мэлҗӓре́ чуга́рӄу́ла (руж. "чуха́рь" нэ́мэутэ)) – Ка́рьялаӷэл, Ка́йванҷвэҷо́ӷэл ай Пятроӄваҷо́ӷэл фо́мо-ҷоӷа́л та̄мдэрэл ӄу́ла. 2006 по̄т ка́йванӄу́ла Ру́жбат Ӄо́нҗэл Та̄мдэртӄо награ́лҗэмбат.

Ка́йванӄу́ла на́гур та̄мдэрт та̄ртӄо маҗэмба́т:

- Та̄ӄӄэл ка́йванӄу́ла - Онэ́ганто̄ӷэт варга́т

- О́ят ка́йванӄу́ла - О́ят кы́ӷэт варга́т.

- Та̄мэл ка́йванӄу́ла - Пятроӄва́ҷэт айма́ӄӄэт ай По́логдат айма́ӄӄэт варга́т.

Ка́йванку́лат ти̇р ҷвэҷо́ӷэт

И̇̄р

Уго́т ру́жэлӄу́ла ка́йванӄу́лап "весь" нэмдэкуӽа́дэт, ара́мӄу́ла оӄӄэрба́р табла́п "ви́су" нэмдэмба́дэт. И̇рэл ру́жэл на́гырлаӷэт "чудь" нэ́мӽе ка́йванӄу́ла адэкумба́дэт.

9-11 тонпо̄т ка́йванӄу́лат ӄа́нҗэрмо уру́к ороголба́. И̇̄рт ӄунд табла́ та̄ӄӄэл ма́җел по́нҗлаӷэт чут хы́рглап ме́кумбат. 10-12 тонпо̄т ӄунд ка́йванӄу́ла лабя́нӄу́лаӽе не́ӷэнд та̄ӄӄэлэмба́т, на́тӄо табла́ Во́лгат Та́мэндэл Ватто́ӷэт варгэӽа́т.