Wp/sea/Ziana Zain
Siti Roziana Zain (kiyos 2 Mei 1968) lebeh bikenal sebegei Ziana Zain ialoh numom pendindag, pelakon, model, duta ru usahawan ku Malaysia. Ilei kikus sebegei perloi sensasi telas kiperhol ialbem sulong Madah Berhelah, laluk bijulag sebegei numom diva pop de paleng bejaye ku Asia Tenggare. Selain ju kenjeh, neunggol Ziana ku pentas antarabangsak gu lau bile ilei bejaye kikep genglar utamak Voice of Asia de bibeh ku Kazakhstan ku tahut 1995. Nejaye ajeh kiukir imuh kateh The Malaysia Book of Records sebegei artis kerdor petama kimenang tenandig antarabangsak. Imulak ju kenjeh, langkah global ilei teros kipeh ru Ziana bejaye kiperhuj imuh bukan taleh ku Malaysia tapik jugak ku Singapura, Brunei, Indonesia, Jepun, Kazakhstan, Kanada, Switzerland ru Australia. Hunen, telas ya lebeh 30 tahut kateh industri seni, Ziana Zain de bigelar Ratu Balada Malaysia jugak kibetembong ru bekolaborasi samak memerip urag sengoi de bermuh kateh pesada seni duniak begei Jim Brickman, Cindy Crawford, Kate Bosworth, Shah Rukh Khan, Anna Kournikova ru Michael Schumacher.