Wp/sea/Michelle Yeoh
Tan Sri Michelle Yeoh Choo Kheng atao bikenal jugak Yeoh Choo Kheng ialoh pelakon ru artis ju Malaysia. Ilei ialoh artis antarebangsak. Tan Sri Michelle Yeoh kiyos ku 6 Ogos 1962 ku Ipoh, Perak. Ilei bipileh ya Majalah People sebegei 50 kerdul had ineelok ku tahut 1997. Mase iumor 21 tahut, Ilei jugak pernah kimenang ru kikep genenglar Miss Malaysia World ku tahut 1983. Ilei bikenal telas kibelakon ku filem antarebangsak iaajeh Crouching Tiger, Hidden Dragon, ru kateh pilem James Bond iaajeh Tomorrow Never Dies (1997).
Anugerah[edit | edit source]
Ku 19 April 2001, Yeoh biog Darjah Datuk Paduka Mahkota Perak oleh Sultan Perak Sultan Azlan Shah ha senumbang kipemegah muh ilengrik,ju anugerah adeh ilei kikep genenglar Dato'.
Ku 23 April 2007, Presiden Perancis Jacques Chirac kiog Yeoh pingat Légion d'honneur bepangkat Chevalier ("Kesateria"); pingat adeh biogkateh nanek acare ku Kuala Lumpur ku 3 Oktober 2007. Yeoh biperhuj ipangkat nu geneglar Officier ("Pegawai") ya Nicolas Sarkozy ku 14 Mac 2012 ku deg resmi presiden Istana Élysée.
Ku 1 Jun 2013, ilei biog darjah Panglima Setia Mahkota sempena hari keputeraan Yang di-Pertuan Agong Sultan Tuanku Abdul Halim Mu'adzam Shah, ju anugerah adeh yeoh kikep genenglar Tan Sri.