Wp/sea/Belinda a/p Panjang Dollah

Belinda a/p Panjang. Ilei ki berasal ju Kampung Tangkai Cermin, Sungai Galah, Tanjung Tualang, Perak. Ilei ialoh numom cikgu de biperyos ku Hospital Orang Asli Gombak, Selangor ku 2 Julai 1975. Ilei kenon ke 2 ju 6 tenek menang. Ku itenek menang ajih mong 3 urag keral ru 3 urag kerdol.

Ilei kibesekulah ku Sekulah Kebangsaan Sungai Galah, Tanjung Tualang Perak ju tahut 1 loi tahu5 6. Ilei kicerot belajar ku Sekolah Menengah Kebangsaan CM Yusof, Tanjung Tualang, Perak nu tingkatan 1 loi g 3 ku tahut 1988 loi 1990. Telas ajih Iei kitukar sekulah ku Sekulah Menengah Kebangsaan Hamid Khan, Tapah Perak untuk kicerot belajar nu tingkatan 4 ru 5 ku tahut 1991 - 1992. Telas dij belajar tingkatan 5, ilei kicerot belajar nu Institut Pendidikan Guru Hulu Kinta kateh pengkhususan Bahasa Melayu ju tahut 1995 loi 1997.  

Telas dij belajar, ku 16/2/ 1998 ilei kibetugas ku Sekulah Kebangsaan Sultan Yusuf, Batu Gajah, Pe Brak. Kiajar kelas cacat pendengaran ipengleu 3 tahut. Telas ajih kisemanj tukar nu Sekulah Kebangsaan Ayer Denak ru mulak ki bertugas ku Sekulah Kebangsaan Ayer Denak ku tahut 2002 loi hunen.

Senumbangan ilei kateh pendidikan had loh ijengoi. Antaranya ialoh pengubal Sukatan Pelajaran Bahasa Semai peringkat rintis, penulis kamus tri-lingual Bahasa Semai - Bahasa Melayu - Bahasa Inggeris. Ilei juga kijadi Penulis Buku Certa Rakyat Orang Asli unicef, penulis cermor Bahasa Semai Kementerian Pendidikan Malaysia. Kilek ju ajih, ilei kijadik penceramah kursus orientasi Bahasa Semai Sekolah Murid Orang Asli. Pengubal Dokumen Standard Kurikulum dan pentaksiran, Pengubal buku tatabahasa Bahasa Semai ru penulis Buku Teks Bahasa Semai. Ilei juga kijadi Jurulatih Utama Bahasa Semai. Telas ajih, ilei kijadi Panel Penilai Bahasa Semai Bhg Buku Teks Kementerian Pendidikan Malaysia, Panel Penilai Bahasa Semai Bahasa Semai Dewan Bahasa dan Pustaka. Ilei juga telibat ru Lembaga Peperiksaan (Bahasa Semai).