Wp/sea/Asmidar

Asmidar a/p Anjang numom sengoi hik Semai de kiyos ku tarih 14 Mac 1984.Ilei kibesekulah ku Sekolah Kebangsaan Ayer Denak, Tronoh Perak. Ku perinkat sekulah menengah, ilei kibesekulah ku Sekolah Menengah Kebangsaan Tronoh, Perak.

Kerenjak

Peksendok ilei kikep kerjak sebegei guru, ilei pernah kikerjak ku ngenap kilang wal Pengkalan, Batu Gajah seluneu nutahut lebih. Mase kikerajak ajeh ilei mong kiisik borang ha jadik guru. Ku Tahut 2003, ilei biterimak muj nu Institut Bahasa Melayu Malaysia ha cerot ibelajar nu perinkat Diploma Perguruan seluneu nik tahut. Sekolah Kebangsaan Tanjong Tualang, Perak ialoh sekulah kek mulak kibetugas. Seluneu nik tahut ku sekulah gop ajeh. Ilei bitukar nu Sekolah Kebangsaan Ayer Denak, sekulah adeh ialoh sekulah sengoi hik ru kampug ilei . Ku tahut 2012, ilei kicerot nej ibelajar nu perinkat Ijazah Sarjana Muda. Seluneu empat tahut ilei kibelajar ku Institut Pendidikan Guru Kampus Ipoh. Ilei kikep Anugerah Perkhidmatan Cemerlang ku tahut 2015.

Senumbang

Cikgu Asmidar jugak mong kilibat idirik ru tenules bob teks ha mate pelajaran Bahase Semai. Antare bob teks de kitules ya ilei ialoh, Buku Teks Bahasa Semai Tahun 4 KSSR genunak tahut 2014, Buku Teks Bahasa Semai Tahun 4 KSSR semakan genunak tahut 2020, Buku Teks Bahasa Semai Tahun 6 KSSR semakan genunak tahut 2022.

Peringak

Cikgu Asmidar ya kibegensir ru Krisnan a/l Kuppusamy ku tahut 2008. Liubai mong nar kenun de bermuh Krisida Arora 13 tahut kibesekulah ku Sekolah Menengah Kebangsaan Tronoh ru Krisida Amira 8 tahut kibesekulah ku Sekolah Kebangsaan Ayer Denak.