Wp/sdh/یووجین ئۆنیل
یووجین گلەدستۆن ئۆنیل (16 ئوکتوبر 1888 - 27 نوڤامبر 1953) شانۆناوەنۊس ئامریکایی بۊ ک خەڵات نوبڵ ئەدەبیات وەرگرت. شانۆناوەیل شاعێرانەێ ئۆنیل وەرلە ئانتوان چیەخۆف ڕووس، ھنریک ئیبسێن نوروەژی و ئاگۆست ئستریندبێرگ سوئێدی لە ژمار یەکمین کارەگانێگ بۊن ک لە ئامریکا تکنیکەیل رئاڵیستی مارفی کردن. کارەگان ئۆنیل لە یەکمین کارەگانێگ بۊن ک لە ناویان قسەکردن وە زوانەیل بنەکی ئامریکا ئەوکار بریا و کەسایەتیەیلێگ لە پەراوێز (حاشیە) کوومەڵە حازر بۊن و ئڕاێ ھمێیەیلیان و ئاواتەیلیان تەقودەو کردیان، وەلی لە ئەنجام ناھمێیەتی و تاسەباری بۊیاتادە تۊشیان. تەنیا یەکێک لە کومدیەیلی ناسیاێ بۊ و ئەوەیش (ھەی! ھەردەێ چووڵ) ناویە. نزیک وە گشت کارەیلی مایەێ تراژیک دێرن.