Wp/sdh/ھەیفا زەنگنە
ھەیفا زەنگنە (١٩٥٠ لە بەغداد - ) نۊسەر ژن خەڵق شار بەغدادە. ھەیفا زەنگنە چیرووکنۊس، وێنەکیش و ھەلەێوا چالاک سیاسییش ھەس و فرەتر ئەڕاێ کتاو «ژنەیل لە سەفەرː لە بەغداد تا لەندەن» ناسریاس.
ژیان[edit | edit source]
ھەیفا زەنگنە لە شار بەغداد لە بنەماڵەێگ لە کوردەیل بەش خوارین کوردستان لە داڵگ پێا بۊ و گەورە بۊ. ئەوە لە زانستگەێ بەغداد و فێرگەێ دارووسازی لە ساڵ ١٩٧٤ بڕوانامەێ دەرسی گرت و ھاوکات چالاکی سیاسییش کردیاد. زەنگنە لە ساڵەیل ١٩٧٠ چۊ ئەندام پارت کومونیست عەراق دەسوەسەر کریا وەڵی لە سێدارە ھەیوایی. وە دۊاێ ئازادی لە بەندیخانە دەرسەگەی لە عەراق بەردەوام کرد و ھاوکات وەل ڕێکخریاێ ڕزگارکەر فەلەستین و چۊ وەڕێوەبەر بەش دارووسازی ھاوکاری کردیاد و ناوێن وڵاتەیل سووریە و لوبنان ھات و چین کردیاد. زەنگنە لە ساڵ ١٩٧٦ چی ئەڕاێ ئنگلستان.
لە ئنگلستانیش لە دەھەێ ١٩٨٠ زایینی چۊ وێنەکیش و نۊسەر لە پەخشانگەیل و فستیڤاڵەیل ئامریکایی و ئورووپایی بەشداری کردیاد و لە لەندەن و ئیسلەند وە شێوەێ تاقەکەسانەیش کار کردیاد. ھەیفا زەنگنە لە بەشدارەیل چاپەمەنیەیل ئورووپایی و عەرەبی چۊ گاردیەن، گوڤار رێد پێپێر، ھەفتەناوەێ ئەلئەھرام و ئەلقودس بۊ و ھەلەێوا لە ئەندامەیل دامزرانەر ئەنجومەن ناونەتەوەیی خواندنەیل ھاوچەرخ عەراق و لە ئەندامەیل کوومەگاێ ڕاوێژکاری دادگاێ برووکسێل لەوارەێ عەراق بۊ.