Wp/sdh/ڕووژھەڵات کوردستان

From Wikimedia Incubator
< Wp‎ | sdhWp > sdh > ڕووژھەڵات کوردستان

ڕووژھەڵات کوردستان یا خوەرھەڵات کوردستان یا کوردستان ئێران بەش خوەرھەڵاتی لە وڵات گەورەتر کوردستانە ک لە خوەرئاوای ئیران کەفتیە. ڕووژھەڵات پارێزگایل کرماشان، ئیلام، کوردستان و بەشەیلێگ لە پاریزگایل ئازەربایجان خوەرئاوا، لورستان و هەمەدان شامڵ بووت.

لە پارێزگاێ هەمەدان شارستانەیل تۊسرکان، مەلایێر، ناوەن و ئەسەیەوا و لە پارێزگاێ لوڕستان بەشەیلێگ ک کوردەیل لەک لە ناوی ژیەن، چۊ دڵفان، کۊیەشت، ئەلیشتەر، ... سەر وە ڕووژهەڵات کوردستان تیەنە ئەژمار. لە پارێزگاێ ئازەربایجان خوەرئاوایش بەشەیل کوردنشین ک گشتیان لە خوەرئاواێ دەلیاچەێ ئوورمیە داکەفتنە، بەشێگ لە ڕووژهەڵاتن.

کوردەیل تەنیا خەڵک ڕووژهەڵات نیەن، بەڵکە بجگەلە کوردەیل، خەڵکەیل ترەک چۊ تورکەیل ئازەری، لوڕ، ئەرمەنی و ئاشووریش لە ڕووژهەڵات کوردستان ژیەن. لە باوەت دین و ئایینیش خەڵک ڕووژهەڵات کوردستان فرەتر سەر وە ئایین ئسلام شیعەس، وە دۊاێ ئەوە ئسلام سوننی و هەلەێوا دین یارسان فرەترین بەشەیل دینی کوومەڵگاێ ڕووژهەڵاتن. پەیرەوان ئایینەیل مەسیحییەت و یەهوودی و تەنانەت بەهاییش لە ڕووژهەڵات کوردستان ژیەن.