Wp/sdh/ماشتە
ماشتە جوورێگ جل و بەرگ ژنانەس ک لە بڕێگ ناوچەیل کوردنشین جوور بەشێگ لە پرتاڵ کوردی وە بان پرتاڵەیل ترەک لە وەر کریەێد. ماشتە لە پەرووێ ئەوریشمیێگە کە لە قەوارەێ ٢ لە ١ متر بریەێد و دوتا کریەێد. ئمجا لە لا درێژەگەی خریەێدە بان شان و مل و لە هەردو لا تیەریەێدە نوای سینە و گرێ دریەێد. ماشتە فرە وێنەیەتی وە شنڵ لە جل و بەرگ ئرووپاییەیل دێرێ، وەلێ وەو درێژییە نییە.
ژنەیل ناوچەی هەورامان فرەتر لە مشگی سەوز ئەڕاێ ماشتە ئسفادە کەن. لە ناوچەی داڵاهوویش ژنەیل فرەتر لە پەرووێ مەخمەڵ سیە ئەڕاێ ماشتە ئسفادە کەن ک گاجار چوار دەوری وە نەوارەیل زەرین دووڕیەێد.
ماشتە نەبایەد وە وشەێ لوڕی ماشتە وە هەڵە بگیریەێد کە پرتاڵ نییە و جوورێک بەرهەم جووڵایییە کە لە کرماشان و ئیلام مەوج وەپێ ئۊشن.
لە بەردەنۊسەیل دیرووکی[edit | edit source]
لە بەردتاشییەیل تاقوەسان لە باکوور خوەرهەڵات شار کرماشان کەسایەتی ژنێگ لە بەرد تاشریاس کە جل و بەرگێگ جوور ژنەیل کورد ها لە وەری. ئەی کەسایەتییە کە وە ئاناهیتا زانستنەسەی، ماێەخوداێ ئاو و زاوزێ و وەپیت بۊن زار و زەوییەیلە ک لە بەردتاشییەیل تاقوەسان وە جل و بەرگێگ جوور ماشتە وە بەردەیل کۊە تاشریاس.