Wp/sdh/مارگانیتا خوفری
مارگانیتا فۆگت-خوفری یا مەگی خوفری (۱۹۵۲ لە کرماشان - ) پیانۆژەن، دەنگچڕ و مووسیقازان کلاسیک ئاشووریە ک لە شار کرماشان لە داڵگ پێیا بۊە.
ژیان
[edit | edit source]مارگانیتا فۆگت-خوفری دەنگچڕ، پیانۆژەن و مووسیقازان کلاسیکە ک لە ساڵ 1952 لە شار کرماشان ھاتیەسە دنیا. داڵگ و باوگی جێنی خوفری و پولۆس خوفری ھەر دگیان خەڵق وڵات عراق و شار بەغداد بۊن. پولۆس خوفری باوگی یەکێگە لە ناسیاێترین مووسیقازانەیل ئاشووری ک لە باوەت مووسیقا و وێنەکیشی کار کردیە. مارگانیتا خوفری تا وە 11 ساڵی لە کرماشان بۊ و ئەو وەختە چی ئڕاێ تێران. مارگانیتا وە ئدڤین ڤۆگت شۊ کردیە و د مناڵ دێرێد و لە ساڵ 1984 زایینیش چیەسە وڵات سووییس و لە شار زووریخ ژیەێد. مارگانیتا خوفری ھەلەێوا چالاکی کوومەڵایەتییش کەێد و لە بنگەێ کاریتاس ک بەشێگە لە جمشت مانگ سور و سەلیب سور کار خوەبەخشانە (داوتەڵەبانە) کەێد. ئەی بنگە کاری یەسە ک یارمەتی مەردم خوەرھەڵات ناوێن جوور کوردەیل، ئیرانیەیل و ئاشووریەیل دەێد تا خوازیاری پەنابەری و کووچبەری (موھاجرەت) بکەن.