Wp/sdh/قەسر شیرین

قەسر شیرین (Qesir-Şîrîn) یەکێگ له شارەیل پارێزگەێ کرماشان و ناوەند شارستان قەسر شیرینه. قەسر شیرین له سنوور ئیران و ئەراق جێ گرتیه و له پێناو جیگەێ ئستراتژیک، و هەم دارەیل خورما و بەرهەمەیل وەرزێری هەمیشه له وەر چاو بۊه. قەسر شیرین له زۊنه جێگەێگ ئەڕای هاوژینی تیرەیل جییاواز کورد چۊ جاف، کەلهور، گوران، سنجاوی، کرمانج و باجلان، و مەزەوەیل جییاواز چۊ شیعه، سونی، یارسان، نێمەتوللاهی، یەهوودی، مەسیحی و بەهائی بۊه. له دەور و گرد قەسر شیرین چایل نەفتیش هەس.