Wp/sdh/فەرەجوڵڵا باقرپوور

From Wikimedia Incubator
< Wp‎ | sdh
Wp > sdh > فەرەجوڵڵا باقرپوور

فەرەجوڵڵا باقرپوور (١٩٠٩ لە کرماشان - ١٣ مەی ١٩٨٥ لە کرماشان) گوورانیچڕ، موسیقازان، قەڵەمزەن و دەوریش خەڵق شار کرماشان بۊ.

ژیان[edit | edit source]

فەرەجوڵڵا باقرپوور لە ساڵ ١٩٠٩ لە شار کرماشان لە داڵگ بۊ. لە سن جوانی ھووگر وە ھنەرەیل مووسیقا و قەڵەمزەنی بۊ. لە مووسیقا شاگرد ئاقاباشی لە ئاوازخوەنەیل کووتاییەیل دەورەێ قاجار بۊ و لە باقرخان کەمانچەکیش ک کەمانچەژەن و زاواێ ئاقاحوسێنقولی ژەنیار تار بۊ دەرس مووسیقا گرت. فەرەجوڵڵا باقرپوور ھەلەیوا وەگەرد حەسەن خەراباتی دووسی نزیک داشت.

باقرپوور بجگە مووسیقی لە قەڵەمزەنی وە مل زەر، زێو و مس شارەزا و پڕپێشە بۊ. لە سن نووجوانی لەلاێ حوسێن مۆعتەمدی لە قەڵەمزەنەیل وەناوبانگ کووتایی دەورەێ قاجار و ئەبوڵقاسم مۆعتەمدی شاگردی کرد. فەرەجوڵڵا باقرپوور لە لایەن حوسێن مۆعتەمدی ئەڕاێ قەڵەمزەنی دەر بارگەێ عەلی و حوسێن لە نەجەف و کەربەڵا لە عێراق ھەڵوژانیا و ئەڕاێ بەشداری کردن لەو کارە چییە کەربەڵا و نەجەف.

فەرەجوڵڵا باقرپوور باوەرەیل عرفانی داشت و لە مریدەیل عەبدولحوسێن زوڕیاسەتەین شیرازی مەسنەدنشین سڵسڵەێ نێعمەتوڵڵایی بۊ.

فەرەجوڵڵا باقرپوور کوڕێگ وە ناو فەرھاد باقرپوور داشت ک لە کرماشان زنەی کردیاد و کارەیل قەڵەمزەنیی لەلای ئەو وەجێ مەنیە.

فەرەجوڵڵا باقرپوور لە ١٣ مەی ١٩٨٥ (٢٣ گوڵان ١٣٦٤ کووچی ھەتاوی) کووچ دۊایی کرد.

کارەیل[edit | edit source]

فەرەجوڵڵا باقرپوور دو کەڕەت لە ڕادیۆ کرماشان بەرنامە ئجرا کرد، وەلێ درێژە وە چالاکی خوەی لە ڕادیۆ نێا و فرەتر لە دانیشتەیل دووسانە گوورانی چڕیاد.

  • دەسگاێ ھومایوون (لە ئاڵبۆم ڕەوایەت ئاوازی لە وسایەیل زۊنەێ ئێران-٣؛ لە بێھمەن کازمی)

سەرچەم[edit | edit source]

  • نظافتی، ایرج. ١٣٧٧. تاریخ موسیقی کرمانشاه، با مقدمۀ استاد حشمت الله مسنن، کرماشان: طاقبستان، چاپ اول؛ پ ٢٧.

بەستەر دەرەکی[edit | edit source]