Wp/sdh/غوڵامڕزا یەعقووبزادەێ باوەنپوور
غوڵامڕزا یەعقووبزادەێ باوەنپوور (١٩١٥ لە کرماشان - ؟) گوورانیچڕ، ئامووجکار، ھەڵوەسوان و دەوریش کورد خەڵق شار کرماشان بۊ.
ژیان
[edit | edit source]غوڵامڕزا یەعقووبزادەێ باوەنپوور لە ساڵ ١٩١٥ (١٢٩٤ کووچی ھەتاوی) لە شار کرماشان ھاتە دنیا. وەدۊاێ تەمام کردن دەرس خوەندنی بۊە ئامووجکار (موعەلم) و لە مەدرەسەیل کرماشان دەرس دیاد.
باوەنپوور ھووگر وە عرفان، مووسیقی و ئاواز بۊ. وەی ھووکارە لەلاێ حوسێن داودی ئاواز یاێ گرت و ھاوکات دەسگایل مووسیقا و ژەنین ئامێریش یاێ گرت.
غوڵامڕزا یەعقووبزادەێ باوەنپوور بجگە مووسیقا لە ھنەر قەڵەمزەنی شارەزا بۊ و لەلاێ براگەی خوەی میرزا ئەسەیلا قەڵەمزەن ئەی ھنەرە یاێ گرت.
ھەلەیوا جوور ھەڵوەسوان ھەڵوەسەیلێگیش وەتیاد ک فرەتر وە زوان فارسی بۊ و ناوەڕووک عرفانی دێرن. لە سەرەتا وە نازناو قەڵەندەر نۊسیا، وەڵی دۊاتر نازناو خوەی گووڕانی وە ڕووحانی.
غوڵامڕزا یەعقووبزادەێ باوەنپوور باوەرەیل عرفانی داشت. ئەو لە ساڵ ١٩٣٣ (١٣١٢ کووچی ھەتاوی) بۊ وە ئەندام سڵسڵەێ نێعمەتوڵڵایی. وەلێ وەدۊاێ چەن ساڵ وەگەرد حشمەتوڵڵا دەوڵەتشایی و باوەرەیلی ئاشنا بۊ و وە دەس ئەو چییە ناو مەکتەب وەحدەت نووین جھانی ک لەو کاتە لە کرماشان چالاکی فرەێگ کردیاد.
کارەیل
[edit | edit source]یەعقووبزادەێ باوەنپوور فرەتر لە دانیشتەیل دووسانە و کووڕەیل عرفانی ئاواز خوەنیاد و وەی مدووە کارێگ لەلێ زەفت نەکریاس و وەجێ نەمەنیە.
سەرچەم
[edit | edit source]- نظافتی، ایرج. ١٣٧٧. تاریخ موسیقی کرمانشاه، با مقدمۀ استاد حشمت الله مسنن، کرماشان: طاقبستان، چاپ اول؛ پ ٢٥-٢٦.
- چۊ بێمە وەحدەتی، نۊسیاێ غوڵامڕزا یەعقووبزادەێ باوەنپوور، کتاو مکانیزم ئافەرینشت، پەراوێزەیل چاپ سێوەم (وە فارسی).
- غوڵامڕزا یەعقووبزادەێ باوەنپوور لە کرماشان، کتاو مکانیزم ئافەرینشت، پەراوێزەیل چاپ سێوەم، ھۊر و ڕایەیل کەسیلێگ ک باوەر وە «وەحدەت نووین جھانی» ھاوردنە (وە فارسی).