Wp/sdh/شەھاب جەزایری
شەھاب جەزایری ھنەرمەن گوورانی چڕ خەڵق شار کرماشانە کە وە زاراوەێ کوردی کرماشانی و فارسی گوورانی چڕیاس. شەھاب جەزایری لە دەھەێ 1350 چەن ئاڵبۆم گوورانی کوردی و فارسی بڵاو کرد. ناسیاێترین گوورانیی شرین و شرینە ک وە ناو لە بێستون وارانەیش ناسریاس و چەندین کەڕەت لە لایەن گوورانیچڕەیل وەناوبانگ کورد وازخوەنی کریاس و ھێمان یەکێگ لە مەنیارترین گوورانیەیل کوردی خوارینە. گوورانی شرین و شرین لە زەمان خوەی ڕەکورد فرووش سەفحەیل گرامافۆن لە ئیران داشکاند و ناو شەھاب جەزایری خستە سەر زوانەیل. شەھاب جەزایری جوور گوورانیچڕەیل ترەک وەر لە ئنقلاو، وە دواێ ئنقلاو دی ئجازەێ کار نەگرت و کارێگ بڵاو نەکرد.