Wp/sdh/خاناێ قوبادی
خاناێ قوبادی (١٧٠٤ زایینی لە دەرەتەنگ - ١٧٧٨ لە ناوچەێ بابان) ھەڵوەسوان کورد و پاشازاێەێگ لە ئێڵ باجلان بۊە ک ھەڵوەسەیلێگ وە زوان کوردی گوورانی وەتیە.
ژیان
[edit | edit source]خاناێ قوبادی لە ساڵ ١٧٠٤ زایینی لە بنەماڵەێگ لە فەرمانرەوایل باجلان ھاتە دنیا. باجلانەیل نزیک وە ٥٠٠ ساڵ لە ناوچەیل دەرنێ، دەرەتەنگ (سەرپێڵ)، سەدان، دەودان، ئاڵانی، پاوە و ڕەوانسەر حاکم بۊن و گاجارێگیش لە شەڕەیل ئێران و ئوسمانی قەڵەمرەوەگەیان لە خوەرھەڵات و خوەرئاوا فرەتر و گەشەتر کردیان. خانا لەناو بنەماڵەێگ لە پاشایل ئیوەت کریاد و ھەر وەی خاترە خوەندەوەر بۊ و وە ژیان تەبەقەێ ئەشراف ئاشنایی داشت. گرینگترین کارێگ ک لە خانا قوبادی وە جێ مەنیە چێرۆک-ھەڵوەس خەسرەو و شرینە. خانا جێگەێگ وە وێنەێ نزامی گەنجەیی لە ئەدەبیات کوردی دێرد و شێواز نزامی لەناو زوان کوردی ئەو کار بردیە. نەقلە ک خانا قورئان وە شێوەێ ھەڵوەس شیەو کردیە و ئەی کاری وە دڵ مامووسایل سونی مەزەو خوەش ناتیە و لە دەس مامووسایل ھەیواییە وە ناوچەێ بابان و لە ساڵ ١٧٧٨ ھە لەورە مردیە. سەدیق سەفیزادە (بوورەکەیی) چەند کار ترەک چۊ لەیلی و مەجنوون و یووسوف زوڵێخایش وە خانا نسبەت داسە ک موحەمەدعەلی سوڵتانی یانە بێ پایە و درووەگانی زانستیە.