Wp/sdh/ئەڵماسخان کەنۊلەیی
سەرھەنگ ئەڵماسخان خەڵق ئاوایی کەنۊلە(Kenüle)، لە ناوچەێ دینەوەر لە پارێزگەێ کرماشان ، لە سەردەم پادشایی نادرشاێ ئەڤشار ۱۱۴۸- ۱۱۶۰ ژیاس و یەکێگ لە ئەفسەرەیل پایەبەرز دەمودەزگاێ والی ئەردەڵان بۊە.
ژیان
[edit | edit source]سەرھەنگ ئەڵماسخان لە سەردەم نادێرشا فەرماندەر تیپ سنە(فەوج کوردستان) سپاێ نادێری بۊە. لە شەڕ سپاێ نادڕ و ھازەیل ئوسمانی وە فەرماندەری تووپاڵ ئوسمان پاشا لە مانگ سەفەر ۱۱۴۶ کووچی مانگی (۱۷۳۳ زایینی و ۱۱۱۲ کووچی ھەتاوی) لە قەڵاێ کەرکووک، سپاێ نادر لە سەر ئشتباێ ئەڵماسخان ناچار وە پاشەکیشە بۊ. نادر وە مدووێ ئەی ئشتبا ئەڵماسخان لە پایەێ خوەی دەر کرد و ئڕاێ تاوانبارکردنی خاجەی کرد. ئەڵماسخان لەو دۊا لە ئاوایی باوان خوەی لە تەنیایی ژیان خوەی وەرد وێشە و مووسیقا ویەران.
ئەڵماسخان وە پایەێ نۊسیاێەیل موحەمەدعەلی سوڵتانی لە حەدیقەێ سوڵتانی گەھا لە ئەنجامەیل سەدەێ دوانزەم کووچی مانگی و ناوەین ساڵەیل ۱۱۹۰ تا ۱۲۰۰ کووچی مانگی(۱۷۷۶ تا ۱۷۸۶ زایینی) مردیە.
بەرھەمەیل
[edit | edit source]لە بەرھەمەیل ئەڵماسخان بوود ئاماژە وە خوەرشید و خەرامان، ھەف لەشگەر و نادرنامە و شرین و فەرھاد بکەیم ک وه زوان کوردی ھەورامی ھاوردیەسیانە نەزم. بەڵام ناسیاێترین کار ئەڵماسخان شانامەێ کوردیە ک کوومەڵێگ لە ئەوسانەیل و چیرۆکەیل هەماسی خەڵق باشوور ڕۆژھەڵات کوردستانە.