Wp/sdh/ئاستارا

From Wikimedia Incubator
< Wp‎ | sdhWp > sdh > ئاستارا
Jump to navigation Jump to search

ئاستارا یەکێگ لە شارەیل پارێزگەێ گیلان و ناوەند شارستان ئاستاراس. دانیشتووەیل شار ئاستارا ٤٨٬٤٧٠ کەسن(ئامار ساڵ ۱۳۹۰ کووچی ھەتاوی) کە وە زوانەیل تالشی و تورکی ئازەربایجانی قسە کەن.

ئاستارا ناوچەێ تاویەت ئابووری و شارێگ بەندەریە ک یەکێگ لە قوتبەیل ئابووری و تووریستی ئێران و پارێزگەێ گیلان و هەلەێوا شارێگ ناونەتەوەیی تیەێدە ئەژمار. ئاستارا لە لێوار دەڵیاێ کاسپییەن و لە سنوور ئێران و کومار ئازەربایجان جێ گرتیە و لە ناوچەبەندی جوقرافیایی ناوەند ناوچەێ تالش تیەێدە ئەژمار ک لە ناوەێن دو وڵات ئێران و ئازەربایجان دابەش کریاس. شارێگ وە ناو ئاستارایش لە باکوور ئەی ئاستارا لە کومار ئازەربایجان جێ گرتیە ک چەمێگ وە ناو ئاستاراچای لە یەکەو جیایان کەێد. ئاستارا لە سەرەتاێ حکوومەت ناوچەیی خانات تالش پایتەخت بیو، هەرچەن پاشان لەنکەران جێی گرت.