Wp/sdc/Emiraddu di Mursiyya

Emiraddu di Mursiyya.

L'Emiraddu di Múrsiyya o Tàifa di Múrzia éra un isthaddu islàmicu foimmaddu ingiru lu riu Segura dabboi l'ipparimentu di lu Cariffaddu di Córdoba in 1013. Da 1014, si cunvirthi in un emiraddu dipindenti d'Almeria, candu lu sóiu emiru la cunquistha, ma ciambarísthia di gubennanti pa' lu di Varénzia e lu di Siviglia dananzi d'assé cunquisthaddu pa' l'almoràbidi in 1091, chi l'ani gubennaddu finza 1145. Allora, Xarq Al-Andalus cun cabbuloggu Madina Múrsiyya si cunvirthi i' l'isthaddu piú puderosu di la regioni e risisthi l'invasioni almohadi finza 1172. In 1228, guadagna l'indipindènzia althra voltha e, impari lu regnu nazarí di Granada, si dibinta unu di lu dui últhimi regni islàmichi di la penísura.

Finaimmenti, l’emiru rindi vassallaggiu a lu re cristhianu Alfonsu X di Casthiglia in 1243, ma la puburazioni sarraina s'à sullibaddu contra lu duminiu casthiglianu causendi l'intrumissioni di lu re aragonesi Iaggu I, chi l'à supprimidda e à appazaddu lu regnu, in 1266. Chistha intrumissioni à originaddu lu Trattaddu d'Almizara, chi ciambaríthia li cunfini tra li dui regni cristhiani e dibidaríthia l'antigòria tàifa di Múrzia.