Wp/saz/Nederlāndu

Nederlaandu (sannevattaam Haalandu en:Holland, nl:Nederlands), ontda koodti siirlekku (1,70,00,000) janusankhya vahe, ostaiiroopum seetta deeszu. Kariibum rhaan thiin diiwbhuunjysengo, elle, nederlaandu raajyum, ontda vadtaadeeszu hoores. Ellakaa iiroopu vadta, baar (12) praantun cereyae. Khaunasum Jerumdeeszu, dekshanum Beljiya, uttarostaam uttarsundur, eka elgaankan see. Beljiya, ontdacere raajyu (en: United Kingdom) kin, jermudeeszusengo cendursiim see. Amusturdaam, Rootdardaam, Haag, Uutdrektdu kin Aindhooven, nederlaandutee paancu mhattda nagarun hoores. Amusturdaam raajyuk mukhyagaam, hoyeti, Haagumuus rajyapaalin kin uncaaniitisatas see. Rootardaamu cendurdhadtoos, iiroopum jhuku mhattdayae. Hooru, tellees, bhulookum aasiyaakbharaatd seettemaam mhattdayae.

Nederlaandu menariyate vattaa arthu, "khaalbhuunjyi deeszu" hoores. Ee deeszu, 50% (soovuriiti - en:percentage) hooru bhuunjyin sundurmittddaak khaal seette, elle naaw avattak kaarana. Sundurmittddaak khaalrhaan jhukuthaamun karebhaveyae (en:artificial or made up). Ee, ontda caturkiloomiitdaruk (ct.km) (en: square km, sq.km) 414 menkaen menattariitim (pani mittdaan sodtet 515/ct.km), jhuku veen janusankhyavahe deeszukan hoores.