Wp/saz/Neddi

Kasim Genganeddi

ꢥꢾꢣ꣄ꢣꢶ ꢪꢾꢥꢱ꣄ꢡꢾ ꢱꢸꢩꢵꢮ꣄ꢒꢥ꣄ ꢤꢪꢬꢶꢫ, ꢗꣂꢜ꣄ꢦꢥꢶ ꢬꢴꢵꢬꢶꢫ ꢏꢠ꣄ꢜ ꢭꢪ꣄ꢨ ꢦꢥꢶꢤꢪ꣄ꢥꢶ꣎ ꢥꢾꢣ꣄ꢣꢶ, ꢱꢥ꣄ꢥꢾꢒꢥ꣄ ꢣꣁꢖ꣄ꢔꢬ꣄ ꢦꣁꢒ꣄ꢒꢜ꣄ ꢥꢶꢭꣀ꣎ ꢥꢾꢣ꣄ꢣꢶꢒ꣄ ꢣꢷ ꢦꣂꢒꢸꢪ꣄ ꢬꢴꢥ꣄ ꢩꢹꢛ꣄ꢫ꣄, ꢒꢾꢜ꣄ꢜ ꢪꢾꢥꢶ ꢨꣁꢮꢥ꣄ꢡꢔꣀ꣎

ꢥꢾꢣ꣄ꢣꢶꢥ꣄ ꢱꢥ꣄ꢥꢾꢒꢥ꣄ ꢂꢖ꣄ꢔꣁꢠ꣄ꢜ ꢥꢾꢣ꣄ꢣꢶꢪ꣄ ꢣꢷ, ꢡꢭꢪ꣄ ꢣꢷ, ꢱꢸꢥ꣄ꢣꢸꢬꢸꢪ꣄ ꢣꢷ ꢪꢶꢳꣀ ꣎ ꢥꢾꢣ꣄ꢣꢶꢪ꣄ ꢦꢥꢶꢤꢪ꣄ꢥꢶ, ꢩꢹꢛ꣄ꢫꢶꢒ꣄ ꢱꢿꢡ꣄ꢡꢾ ꢆꢗ꣄ꢗꢥ꣄ꢱꢒ꣄ꢡꢶꢲꢭ꣄ ꢤꢪꢬꢾꢱ꣄ ꣎ ꢏꢳ ꢮꢿꢳ ꢥꢾꢣ꣄ꢣꢶ ꢂꢖ꣄ꢔꣁꢠ꣄ꢜ ꢦꢥꢶꢱ꣄ꢢꢶꢡꢶꢒ꣄ ꢗꢾꢬꢡ꣄ꢡꢒ꣄ ꢪꢸꢭ꣄ꢭꣂꢱꢶ, ꢩꢹꢛ꣄ꢫ꣄ ꢩꢶꢡ꣄ꢡꢬ꣄ ꢚꢸꢬꢫꢶꢣꢷ, ꢥꢴꢾ ꢱꢸꢒ꣄ꢒꢶꢣꢷ, ꢙꢵꢫ꣄ ꣎ ꢪꢴꢜ꣄ꢜ ꢮꢶꢭꢵꢱ꣄ ꢭꢪ꣄ꢨ ꢦꢥꢶꢤꢪ꣄ꢥꢶ, ꢥꢾꢣ꣄ꢣꢶ ꢪꢾꢥꢶ ꢒꢶꢥ꣄, ꢥꢴꢥ꣄ꢥ ꢂꢥ꣄ꢔ ꢂꢒ꣄ꢒꢸꢬ ꢦꢥꢶꢤꢪ꣄ꢥꢶ, ꢥꢴꢥ꣄ꢥꢾꢣ꣄ꢣꢶ ꢪꢾꢥꢶ ꢨꣁꢮꢥ꣄ꢡꢔꢬꢾꢱ꣄ ꣎ ꢲꣁꢫꢾꢣꢶꢥꢸ, ꢒꣁꢭ꣄ꢭꢔ ꢥꢾꢣ꣄ꢣꢶ ꢪꢾꢥꢶ ꢨꣁꢮꣀ ꢪꢾꢥꢡ꣄ꢡꢒ꣄, ꢱꢥ꣄ꢥꢾꢮꢶꢤꢶ ꢒꣁꢥ꣄ꢥꢶ ꢥꢴꢷ ꣎

ꢥꢾꢣ꣄ꢣꢶ ꢦꢥꢶꢔꣂꢭꢸꢪ꣄ ꢏꢠ꣄ꢜ ꢩꢵꢔ꣄ ꣎ ꢥꢾꢣ꣄ꢣꢶꢪ꣄ ꢬꢴꢥ꣄ ꢦꢥꢶ ꢱꢥ꣄ꢥꢾꢒꢥ꣄ ꢦꣁꢆꢱ꣄ꢦꣁꢞ꣄ꢥꢶ ꢱꣂꢥ꣄ꢡꢾꢪꢪ꣄ ꢬꢴꢷ ꢂꢨ꣄ꢨꢀꢡꢔꢬꢾꢱ꣄ ꣎ ꢩꢹꢛ꣄ꢫ꣄ꢲꣁꢭ꣄ꢭ ꢔꢾꢳꢶ ꢤꢪꢥ꣄, ꢡꢭꢩꢹꢛ꣄ꢫ꣄ꢦꢥꢶ ꢧꢶꢮ꣄ꢬꢥ꣄, ꢒꢶꢥ꣄ ꢱꢸꢩꢵꢮ꣄ꢒꢥ꣄ ꢦꢥꢶꢱ꣄ꢡꢶꢢꢶꢥ꣄ ꢩꣁꢬꢥ꣄ ꢮꢵꢜꢸꢥꢸꢪ꣄ ꢦꣁꢆꢱ꣄ꢦꢥꢶ ꢥꢾꢣ꣄ꢣꢶꢒ꣄ ꢗꢾꢬꢬꢾꢱ꣄꣎

Ujini

Oodtaanumrhee dee, talaanumrhee dee, geddtaneddim kerungan vaatum dee, pouspani gezhidhamanhaali dee, nheejiyet dusra ozha vaatunum dee neddin ujuvaai. Sannekan, neddinsera dusra neddin avimizhaste sae. Isaan neddin kommaaneddin nheejiyet sahaauneddin meni bovantagares. Neddim hanlijaan panitae keddi, neddik holla dhamaste pani kin dolaak dekkaanaasta bhoonyik khaal dhaman pani cerey'. Mhatta dongarrendum dhaman neddinum, isaan dolaak dekkaanaasta dhamastapanitae keddi, holla dhamariya panikeddi sommar vaen rhavaai.

Neddi moolumrhee loetsee dhamariya neddin sannekan sundurum nhee, mhatta talaan soen panistithinum miulaares. Sukkepoekunum, neddipani vaauhoettehaali, isaan pani stithinuk cerattak mulloes, sukki javaai. Ozha neddin mattirenduvaatum dee, rendudaeriya degudta vaatdum dee bhoonyibhittar jhurantagaiyaai. Elle talabhoonypanikan rheedtares. Karmasthaanunuk kin junnatta vaesunuk jhukku pani khazzhariyahaali nedditeka subhaauhoye musanraemuk cerattak mulloes sukkijaariya savaares. Neddik panidaen bhaag, nhee neddihaali occantagariya bhoonybhaag, occanbhoony menantagares.

Bhoonyi Rhani

Neddim jaan pani sannekan teka jaljhaarvaatdumoos jaares. Ae dee kettdaanuk addtampodte neddibhoonyhaal hoyey'. Mhattda neddinum ae jaljhaarbhaaguk bharaatd, jhaarbhoony rhaas. Ae, jhaarvaezha, neddipani jaljhaaruk bharaatjaanvaezh roophoyey'. Jhaarbhoony neddibhoony sommar vaen mhatdtda rhaas.

Jhukuvaezhum, neddin ontda vaatdumoos dhamares. Hoyet, ozha neddin, ontde sera ontde mizhantage, jhuku vaatdum jee, veni neddinkan hoesu. Jhukku keddinum isaan naedin, novva zeelaandutae dekshan diu soenuke, bhuloeku ozha bhaagunumoos dekkaantagares. Veni neddin, ulaan neddibhoonyim kin, ozha nedditoenunum rhaas.